- 2019-02-12 02:18:00
- ព័ត៌មាន
វក់ហ្គេម PUBG ខ្លាំងពេក ដល់ថ្នាក់បុរសម្នាក់ចាកចោលប្រពន្ធកំពុងពពោះ
- 2019-02-12 02:18:00
- ចំនួនមតិ 0 | ចំនួនចែករំលែក 0
វក់ហ្គេម PUBG ខ្លាំងពេក ដល់ថ្នាក់បុរសម្នាក់ចាកចោលប្រពន្ធកំពុងពពោះ
ចន្លោះមិនឃើញ
PUBG ឬ Playerunknown's Battlegrounds ជាហ្គេមបាញ់ប្រហារលើ Online ដ៏ល្បីឈ្មោះ ទាក់ទាញអ្នកលេងរាប់រយលាននាក់ទូទាំងសកលលោក។ ទន្ទឹមនឹងការពេញនិយមនេះដែរ របាយការណ៍ក្រៅស្រុកមួយបានចុះផ្សាយថាបុរសម្នាក់បានសម្រេចចាកចោលភរិយាដែលកំពុងពពោះ ដើម្បីទៅកម្សាន្តការលេងហ្គេម PUBG។
របាយការណ៍ចេញពី Gamerant បានឲ្យដឹង ពីដំបូងឡើយរូបគេចេះលេងហ្គេម Online មួយនេះតាមបងប្អូន លុះក្រោយមកក៏វក់ខ្លាំង រហូតដល់ថ្នាក់បង្កជម្លោះការប៉ះទង្គិចជាមួយគូស្នេហ៍ ព្រោះជាប់ដាច់យប់រាល់ថ្ងៃក្នុងការលេង PUBG ហើយមិនយកចិត្តទុកដាក់និងបាត់បង់ទំនួលខុសត្រូវចំពោះក្រុមគ្រួសារទាំងមូល។
ដោយមិនបង្ហើបអត្តសញ្ញាណច្បាស់លាស់ ប្រភពសង្កត់ធ្ងន់បុរសរូបនោះក៏សម្រេចចិត្តដើរចេញពីគ្រួសាររបស់ខ្លួន ព្រោះមិនអាចបញ្ឈប់ភាពញៀនជាមួយនឹង PUBG បាន។
ឆ្លើយតបនឹងចំណុចអវិជ្ជមាននេះដែរ កាលពីពេលកន្លងទៅក្មេងប្រុសវ័យ ១១ ឆ្នាំនៅរដ្ឋ Maharashtra ប្រទេសឥណ្ឌា ក៏បានស្នើឲ្យតុលាការជាន់ខ្ពស់នៅទីក្រុង Boombay ប្រញាប់ចាត់វិធានការធ្វើការហាមឃាត់ការលេងហ្គេម PUBG ដោយផ្អែកលើហេតុផលធ្វើឲ្យខាតប្រយោជន៍និងវក់ញៀន។
ស្រដៀងនឹងការលើកឡើងរបស់រដ្ឋមន្រ្តី GOA IT លោក Rohan Khaunte ក៏បានបញ្ជាក់កាលពីថ្ងៃអាទិត្យថានឹងចាត់វិធានការបង្កើតច្បាប់មួយដើម្បីទប់ស្កាត់បញ្ហានេះ ព្រោះ PUBG បានធ្វើឲ្យសិស្សានុសិស្សជាច្រើនលែងយកចិត្តទុកដាក់លើការសិក្សា ហើយងាកមកចំណាយពេលលើហ្គេមមួយនេះហួសប្រមាណ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
