- 2019-01-29 02:23:01
- ផលិតផលថ្មី
ទូរសព្ទក្បាលឆក Samsung ដំបូងគេ លក់តម្លៃចាប់ពី ១០០ ដុល្លារឡើង
- 2019-01-29 02:23:01
- ចំនួនមតិ 0 | ចំនួនចែករំលែក 0
ទូរសព្ទក្បាលឆក Samsung ដំបូងគេ លក់តម្លៃចាប់ពី ១០០ ដុល្លារឡើង
ចន្លោះមិនឃើញ
ស្មាតហ្វូនត្រកូល Galaxy M របស់ Samsung ដែលជាស្មាតហ្វូនដំបូងគេរបស់ក្រុមហ៊ុន មានប្រើប្រាស់រចនាបថក្បាលឆក (Infinity-V) បានបង្ហាញខ្លួនជាផ្លូវការលើទីផ្សារប្រទេសឥណ្ឌា។ លក្ខណៈសម្បត្តិស្មាតហ្វូន Galaxy M10 និង M20 មានដូចជា ៖
មានប្រើប្រាស់អេក្រង់ LCD ទំហំ ៦,២ អ៊ីញ ដែលអាចបង្ហាញរូបភាពក្នុងកម្រិត ១៥២០ x ៧២០ ភីកសែល។ ក្បាលឆករបស់វាមានផ្ទុកនូវកាមេរ៉ា Selfie កម្រិត ៥ MP ជាមួយ Aperture f/2.0 ដោយស្មាតហ្វូននេះគ្មានទ្រនាប់ស្កេនម្រាមដៃឡើយ។
កាមេរ៉ាក្រោយគួបផ្សំដោយកាមេរ៉ាមេកម្រិត ១៣ MP និងកាមេរ៉ាទីពីរប្រភេទ Ulra-Wide-Angle កម្រិត ៥ MP។ M10 បំពាក់ដោយបន្ទះឈីប Exynos 7870 អមដោយ RAM ទំហំ ២ GB ឬ ៣ GB។
ថ្មរបស់ M10 មានទំហំ ៣៤៣០ mAh ដោយមានអង្គផ្ទុកទំហំ ៣២ GB និងមានតម្លៃលក់ចាប់ពីប្រមាណ ១១៤ ដុល្លារ ដល់ ១២៥ ដុល្លារ ចេញលក់ថ្ងៃទី ៥ ខែកុម្ភៈ លើទីផ្សារឥណ្ឌា។
ស្មាតហ្វូននេះមានប្រើប្រាស់អេក្រង់ LCD ទំហំ ៦,៣ អ៊ីញ ដែលមានកម្រិត ២៣៤០ x ១០៨០ ភីកសែល អមនឹងកាមេរ៉ា Selfie កម្រិត ៨ MP អាចដំណើរការមុខងារស្កេនមុខដើម្បីដោះសោ។ ផ្នែកខាងក្រោយមានទ្រនាប់ស្កេនម្រាមដៃ រួមជាមួយកាមេរ៉ា ១៣ MP + ៥ MP ដូចនឹង M10 ដែរ។
M20 ដំណើរការដោយបន្ទះឈីប Exynos 7904 ដែលមានជម្រើស RAM ទំហំ ៣ GB ឬ ៤ GB រួមនឹងអង្គផ្ទុកទំហំ ៦៤ GB។ ថាមពលថ្មមានកម្រិតដល់ ៥០០០ mAh ដែលប្រើប្រព័ន្ធប្រតិបត្តិការ Android 8.1 Oreo។ តម្លៃលក់មានចាប់ផ្ដើមពី ១៥៤ ដុល្លារ ដល់ ១៨២ ដុល្លារ៕
ចុចអាន៖