មាន iPhone គួរទិញកាសហ្សីន AirPods ឬកាស Jabra?

2019-01-27 08:01:00
ព័ត៌មាន

2019-01-27 08:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាសឥតខ្សែរបស់ក្រុមហ៊ុន Jabra ដែលបានប្រកាសក្តែងៗថា ផលិតផលរបស់ខ្លួនមានសមត្ថភាពអាចផ្ដួលកាសឥតខ្សែរបស់ Apple បានដោយងាយ។

កាសឥតខ្សែ Jabra ម៉ូឌែល Elite 65t ត្រូវបានក្រុមការងារ macrumors យកមកដាក់ផ្ទឹមគ្នា ដើម្បីចង់ដឹងពីគុណភាពរបស់វា តើមួយណាគីឡូធ្ងន់ជាង? ដំបូងគេប្រៀបធៀបពីការរចនារូបរាង ឃើញថា កាស Jabra ទើបចេញលក់ តែមានការរចនារាងបានតូចល្អ ខ្លីល្មម ប៉ុនទំហំត្រចៀកមនុស្សទូទៅ ពណ៌ច្រើនអាចរើសបាន មិនវែងដូច AirPods ដែលមានពណ៌មានតែស និងខ្មៅនោះទេ។

ចំពោះបច្ចេកវិទ្យាដាក់លើកាស Jabra អ្នកអាចភ្ជាប់ទៅទូរសព្ទបានប្រើ Bluetooth ដូចទៅនឹងកាស AirPods ដែរ។ តែកាស Jabra ដែលមានបំពាក់ឧបករណ៍ស្រូបសំឡេងដល់ទៅ ៤ នោះបានបន្ថែមបច្ចេកវិទ្យាមួយចំនួនទៀតដើម្បីបញ្ជាចាក់បទចម្រៀងបានផងដែរ ដូចជា អ្នកអាចភ្ជាប់ប្រើជាមួយ Siri លើ iPhone ឬ Google Assistant លើ Android ឬក៏ប្រើភ្ជាប់ជាមួយ Alexa Active របស់ Amazon ដែលមានលើឧបករណ៍តន្រី្ត Echo Amzazon។

ចំពោះគុណភាពសម្លេង កាស Jabra អាចធ្វើបានល្អគួរសម សំឡេងបុកលាន់ឮច្បាស់ ហើយថែមទាំងមាន App សម្រាប់សារេកំណត់(កម្រិត) សំឡេងឲ្យស៊ីគ្នានឹងស្ថានភាពកំពុងស្ដាប់។ ចំពោះថាមពលថ្ម មិនលើសខ្វះគ្នានោះទេគឺ ប្រើបានប្រមាណជា ៥ ម៉ោង ហើយមានវិធីសាកថ្មក៏ដូចគ្នាគឺ Jabra ប្រើ Micro-USB ដើម្បីសាកពេលដាក់ចូលប្រអប់ តែស្ដាយវាមិនប្រើរន្ធសាក USB-C។

សរុបមក បើគិតលើគុណភាពសម្លេង និងការរចនារូបរាងគឺ កាស Jabra អ្នកឈ្នះ តែបើគិតលើបរិបទប្រើប្រាស់ និងភាពងាយស្រួលគឺកាស AirPods ជាអ្នកឈ្នះ។ ចំពោះតម្លៃ អ្នកអាចរកទិញបានលើ Amazon តម្លៃខ្ទង់ ១៥៧ ដុល្លារ៕