- 2018-12-20 12:26:49
- ព័ត៌មាន
កាន់តែទំនើប Hyundai ត្រៀមចេញលក់រថយន្តបញ្ឆេះម៉ាស៊ីនដោយប្រើប្រព័ន្ធស្កេនខ្ចៅដៃ
- 2018-12-20 12:26:49
- ចំនួនមតិ 0 | ចំនួនចែករំលែក 0
កាន់តែទំនើប Hyundai ត្រៀមចេញលក់រថយន្តបញ្ឆេះម៉ាស៊ីនដោយប្រើប្រព័ន្ធស្កេនខ្ចៅដៃ
ចន្លោះមិនឃើញ
ក្រុមហ៊ុន Hyundai បានប្រកាសបង្ហាញនូវប្រព័ន្ធបច្ចេកវិទ្យាទំនើបចុងក្រោយ អាចអនុញ្ញាតឲ្យអ្នកបើកបរធ្វើការបើកបញ្ឆេះម៉ាស៊ីនយានយន្តតាមរយៈប្រព័ន្ធស្កេនខ្ចៅដៃ។ បច្ចេកវិទ្យាថ្មីនេះត្រូវបានគេបំពាក់ទៅជាប់ជាមួយទីតាំងបើកទ្វារនិងប៊ូតុងបញ្ឆេះនៃរថយន្ត 2019 Santa Fe SUV នាពិព័រណ៍ដាក់បង្ហាញមួយក្នុងប្រទេសចិនកាលពីសប្ដាហ៍មុន។
យោងតាមការឲ្យដឹងពីក្រុមហ៊ុនផលិតរថយន្តកូរ៉េខាងត្បូងមួយនេះបង្ហើបថាម្ចាស់យានយន្តច្រើនគ្នាអាចបញ្ចូលទិន្នន័យនៃខ្ចៅដៃទៅលើរថយន្តតែមួយ ហើយកាន់តែពិសេសប្រព័ន្ធក៏នឹងចំណាំទៅតាមប្រភេទអ្នកបើកបរ ដោយធ្វើការកំណត់ទីតាំងកៅអីនិងជ្រុងនៃកញ្ចក់មើលក្រោយដោយស្វ័យប្រវត្តិទៀតផង។
Hyundai ត្រៀមនឹងបើកដំណើរការគម្រោងពិសេសនេះក្នុងទីផ្សារប្រទេសចិននាត្រីមាសទី ១ ឆ្នាំ ២០១៩ ខាងមុខ។ ដើម្បីបញ្ចៀសនូវបញ្ហា Hack និងការក្លែងបន្លំខ្ចៅដៃ ក្រុមហ៊ុនបានសិក្សាយ៉ាងលម្អិតក្នុងការ Encrypted នូវទិន្នន័យទាំងនោះចេញពី Touch Sensor ដោយមានអត្រាកំហុសឆ្គងទាបត្រឹម ១ ក្នុង ៥០ ០០០ ពោលគឺសុវត្ថិភាពដូចទៅនឹងប្រព័ន្ធ Touch ID មានលើ iPhone/iPad និង MacBook សេរ៊ីក្រោយរបស់ក្រុមហ៊ុន Apple។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
