ជើងខ្លាំងម្នាក់បាន២ម៉ឺនដុល្លារធូរ ក្រោយរកឃើញចន្លោះប្រហោងសំខាន់មួយលើ Steam

2018-11-13 13:01:26
ព័ត៌មាន

2018-11-13 13:01:26
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រាវជ្រាវផ្នែកសុវត្ថិភាពលោក Artem Moskowsky បានរកឃើញចន្លោះប្រហោងដែលអនុញ្ញាតឲ្យអ្នកប្រើប្រាស់ Steam រាល់គ្នាអាចបង្កើត Licence Key សម្រាប់ Download ហ្គេមទាំងអស់ដោយឥតគិតថ្លៃ។ ជាថ្នូរត្រលប់មកវិញក្រុមហ៊ុនមេ Valve Corporation ក៏បានផ្តល់ជូននូវប្រាក់រង្វាន់ប្រមាណ ២០ ០០០ ដុល្លារ សម្រាប់បុរសដែលរកឃើញចន្លោះប្រហោងដ៏សំខាន់មួយនេះ។

ជាការផ្តល់ជូនដោយសម្ងាត់ពោលគឺមិនចង់ឲ្យមានការបែកធ្លាយទាក់ទងនឹងកំហុសនៃប្រព័ន្ធសុវត្ថិភាព ដ់ើម្បីងាយស្រួលដល់ក្រុមហ៊ុនធ្វើការជួសជុលដោយស្ងាត់ៗ ជាជាងចែកចាយព័ត៌មានសាធារណៈ។

លោក Moskowsky បានប្រាប់រឿងរ៉ាវមួយចំនួនដល់សារព័ត៌មាន Register ជុំវិញការរកឃើញកំហុសដោយចៃដន្យ តាមរយៈការចាប់បានថាដៃគូសហការរបស់ Steam គឺក្រុមហ៊ុន Portal បានអនុញ្ញាតឲ្យអ្នកផលិតហ្គេមអាចបង្កើត Licence Key សម្រាប់ Software របស់ពួកគេដោយផ្ទាល់ បែបនេះងាយស្រួលអាចចែករំលែកកូដចម្លងទៅកាន់អ្នកគាំទ្រឬសារព័ត៌មានដើម្បីត្រួតពិនិត្យ។ ប៉ុន្តែចន្លោះប្រហោងគឺត្រង់ថាប្រភេទកូដនេះត្រូវបានស្នើរាប់ពាន់ទៅលើហ្គេមដែលអ្នកប្រើប្រាស់ចង់បាន រហូតមានដាក់លក់លើទីផ្សារងងឹតថែមទៀតផង។

លោកបានប្រាប់ Register ថា៖ "ខ្ញុំអាចធ្វើការ Bypass កូដផ្ទៀងផ្ទាត់នៃហ្គេមណាមួយបាន ដោយត្រឹមផ្លាស់ប្ដូរ Parameter តែមួយប៉ុណ្ណោះ"។ ជាកិច្ចតបស្នង Valve បានផ្តល់ជូនប្រាក់រង្វាន់ ១៥ ០០០ ដុល្លារនិងប្រាក់ឧបត្ថម្ភ ៥ ០០០ ដុល្លារផ្សេងទៀតក្នុងការបញ្ចប់បញ្ហានេះ។