កម្មវិធី Dating សម្រាប់អ្នកអត់លិឍ Tinder រំពឹងស្រូបចំណូល ៨០០ លានដុល្លារឆ្នាំនេះ

2018-11-07 02:43:05
ព័ត៌មាន

2018-11-07 02:43:05
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីសម្រាប់អ្នកអត់មានសង្សារ ឬអត់លិឍ Tinder របស់ក្រុមហ៊ុន Match Group រំពឹងនឹងស្រូបចំណូលពីអ្នកប្រើប្រាស់៨០០ លានដុល្លារអាមេរិក ក្នុងឆ្នាំ២០១៨។

ការរំពឹងនេះក៏ដោយសារតែ ក្រុមហ៊ុន Internet ដែលមានកម្មវិធី Dating ជាច្រើនក្នុងដៃរបស់អាមេរិកមួយនេះ ទទួលបានចំណូល ៤៤៤ លានដុល្លារនៅត្រីមាសទី៣ ឆ្នាំ២០១៨ កើនឡើង ២៩% បើធៀបនឹងការព្យាករណ៍ទុករបស់អ្នកវិភាគ គឺមានតែ ៤៣៧ លានដុល្លារប៉ុណ្ណោះ។ ទោះបីជាយ៉ាងណា នៅត្រីមាសទី៤ ក្រុមហ៊ុន Match រំពឹងអាចទាញចំណូលត្រឹមចន្លោះ តែ ៤៤០ ទៅ ៤៥០ លានដុល្លារប៉ុណ្ណោះ ពោលនៅក្រោមការព្យាករណ៍របស់អ្នកវិភាគ ដែលថានឹងបាន ៤៥៤,៥ លានដុល្លារអាមេរិក។

បច្ចុប្បន្ន អ្នកប្រើប្រាស់ App Tinder មានចំនួន ៤,១ លាននាក់ កើន ៣,៨ លាននាក់ ពីត្រីមាសទី២។ ក្រៅពីកម្មវិធីណាត់ជួប Tinder ដែលត្រូវបង្កើតឡើងក្នុងឆ្នាំ ២០១២ ក្រុមហ៊ុន Match Group ក៏មានកម្មវិធីផ្ដល់សេវានេះជាច្រើនទៀត ដូចជា Hinge, Ok Cupid និង PlentyOfFish ជាដើម ហើយបើពីចំនួនអ្នកប្រើប្រាស់សេវា Dating ទាំងអស់របស់ក្រុមហ៊ុន MATCH វីញ មាន ៨,១ លាននាក់ កើន ៧,៧ លាននាក់ នៅត្រីមាស់ទី២ និងកើន ២៣% ចាប់តាំងពីដើមខែមករា រហូតមកទល់នឹងពេលនេះ។