មុខងារថ្មី ៥ ម្ចាស់ iPhone ត្រូវដឹង មុន iOS 12.1 បើកឲ្យប្រើប្រាស់ជាសាធារណៈ

2018-10-12 12:52:53
ព័ត៌មាន

2018-10-12 12:52:53
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលជាង ៣ សប្តាហ៍ហើយក្រោយដាក់ឲ្យប្រើប្រាស់ប្រព័ន្ធប្រតិបត្តិ iOS 12 ស្របពេលជំនាន់សាកល្បង Beta ក៏កំពុងអភិវឌ្ឍដល់ជំនាន់ iOS 12.1។ មិនយូរទៀតទេជំនាន់ក្រោយនេះក៏នឹងដាក់ឲ្យអតិថិជនធ្វើការ Update ជាមួយការស្វាគមន៍មុខងារថ្មីចំនួន ៥ ដែលម្ចាស់ iPhone/iPad គ្រប់រូបគួរដឹងជាចាំបាច់។

១.Group FaceTime:

មុខងារទំនាក់ទំនងជា Group សម្រាប់មនុស្សដល់ ៣២ នាក់ក្នុងកម្មវិធី FaceTime នឹងដាក់ឲ្យដំណើរការពេញលេញលើ iOS 12.1 មិនថាតែការទំនាក់ទំនងជាសំឡេងនិងវីដេអូ ឬសំឡេងសុទ្ធនោះទេ។

២.eSim សម្រាប់ iPhone សេរ៊ីឆ្នាំ ២០១៨:

iPhone បីម៉ូឌែលសេរ៊ីឆ្នាំ ២០១៨ អាចគាំទ្រការប្រើប្រាស់ស៊ីមពីរ ប៉ុន្តែប្រព័ន្ធដំណើរការ eSIM ក៏នឹងបញ្ចេញឲ្យប្រើប្រាស់ពេញលេញលើ iOS ជំនាន់ក្រោយ ពោលគឺអតិថិជនអាចប្រើស៊ីមពីរលើឧបករណ៍តែមួយ ប៉ុន្តែតម្រូវឲ្យមានការគាំទ្រជាមួយក្រុមហ៊ុនផ្តត់ផ្គង់បណ្តាញផងដែរ។

៣.ការបន្ថែម Emoji ថ្មី:

ក្នុងទម្រង់ស្តង់ដារ Unicode 11 ក្រុមហ៊ុន Apple នឹងបន្ថែមនូវបណ្តុំរូប Emoji ថ្មីៗជាច្រើនរហូតដល់ទៅជាង ៧០ មានតាំងពីរូបភាពមនុស្សសក់រួញ នំសែនព្រះខែ និងសញ្ញាប្លែកៗជាច្រើន។

៤.ការបញ្ជាកម្រិតព្រាល:

Depth Control នឹងអនុញ្ញាតឲ្យអ្នកប្រើប្រាស់ធ្វើការកែតម្រូវកម្រិតព្រាលអំឡុងពេលថតរូបភ្លាមៗតែម្តងលើ iOS 12.1 សម្រាប់ម្ចាស់ iPhone XS/XS Max ខុសពីជំនាន់បច្ចុប្បន្នកែបានតែពេលរូបថតហើយប៉ុណ្ណោះ។

៥.ការពង្រឹងមួយផ្នែកតូច:

កម្មវិធីវាស់ប្រវែង Measure លើ iOS 12.1 ជំនាន់ក្រោយ នឹងធ្វើការមានភាពច្បាស់លាស់ត្រឹមត្រូវជាងជំនាន់ចាស់ ដោយនេះជាការជួសជុលចន្លោះប្រហោងកើតមានមួយផ្នែកតូច មិនថាតែដំណើរការ WiFi យឺតឬបច្ចេកទេសប្រើប្រាស់ផ្សេងទៀត។