តេស្តផ្ទាល់បានដឹងដុំសាក Super VOOC របស់ Oppo ខ្លាំងជាងគូប្រជែងណាៗទាំងអស់

2018-10-11 11:52:00
ផលិតផលថ្មី

2018-10-11 11:52:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មុខងារសាកថ្មរហ័សអាចគាំទ្រជាមួយស្មាតហ្វូនជំនាន់ក្រោយសឹងគ្រប់ស៊េរី ជាគោលដៅបំពេញតម្រូវការប្រើប្រាស់ឲ្យទាន់ចិត្តរបស់អតិថិជន។សូម្បីតែ Apple ក៏ផ្តល់ឲ្យអ្នកប្រើអាចទិញដុំសាក MacBook និងខ្សែ USB-C ទៅប្រើប្រាស់ជាមួយ iPhone សេរ៊ីឆ្នាំ ២០១៨ ប៉ុន្តែចម្ងល់ត្រង់ថាតើស្លាកយីហោនៃក្រុមហ៊ុនមួយណាអាចធ្វើបានល្អបំផុត?

មនុស្សជាច្រើនប្រហែលជាគិតថាប្រព័ន្ធ Dash Charge របស់ OnePlus ឈរនៅលំដាប់កំពូល ប៉ុន្តែមិនដូច្នោះទេដោយផ្អែកតាមការតេស្តផ្ទាល់នៃក្រុមការងារ The Verge រកឃើញថាឧបករណ៍សាក Super VOOC របស់ក្រុមហ៊ុនទ្រនំតែមួយ Oppo អាចបង្ហាញលទ្ធផលកាន់តែល្អប្រសើរជាងនេះទៀតផង។

ត្រឹមរយៈពេល ៣៥ នាទី អាចសាកបញ្ចូលពី ០ ទៅ ១០០ ភាគរយលើស្មាតហ្វូន Oppo Find X ជំនាន់ Automobili Lamborghini Edition ពោលគឺប្រើពេល ២ ១០០ វិនាទី ខណៈរយៈពេល ១០ នាទីឡើងបាន ៣៤ ភាគរយ និងឡើងដល់ ៩២ ភាគរយចំណាយពេលត្រឹម ៣០ នាទី។ ថាមពលថ្មលើ Find X Lamborghini មាន ៣ ៤០០ mAh ធំជាង OnePlus 6 មាន ៣ ៣០០mAh ដោយប្រព័ន្ធពិសេស Dash Charge ក្នុងថេរវេលា ៣៥ នាទីដដែលអាចសាកបញ្ចូលបានត្រឹម ៦០ ភាគរយតែប៉ុណ្ណោះ។

រំឭកថាដុំសាក Super VOOC មានកម្លាំង 10V/5A ដោយសព្វថ្ងៃមានបញ្ចូលឥតគិតថ្លៃក្នុងប្រអប់ស្មាតហ្វូនជំនាន់ក្រោយ R17 Pro និង Find X Lamborghini ប៉ុន្តែពុំបញ្ជាក់តម្លៃលក់ក្រៅសម្រាប់អតិថិជនដែលមានបំណងចង់បាននៅឡើយ។