ល្បីឈ្មោះរំពេច មិនបាច់មានខ្សែ គ្រាន់តែផលិតវិដេអូឲ្យគេចូលចិត្តលើ YouTube!

2018-09-30 02:42:59
ព័ត៌មាន

2018-09-30 02:42:59
ចំនួនមតិ 0 | ចំនួនចែករំលែក 0

ចន្លោះមិនឃើញ

មានមនុស្សច្រើនណាស់បានល្បីឈ្មោះដោយសារ YouTube តាមរយៈការផលិតជាវីដេអូជាចំណេះដឹង គន្លឹះប្រើប្រាស់ឧបករណ៍ផ្សេងៗ ឬគ្រាន់តែធ្វើវិដេអូកំប្លែងខ្លីៗកម្សាន្តអារម្មណ៍និងសម្រាប់ជាចំណេះដឹង។

លោក Yab Kok Leong នាយកប្រតិបត្តិក្រុមហ៊ុន Yes Seatel លើកឡើងថា YouTube ជាចំណុចចាប់ផ្តើមនៃភាពជោគជ័យនៃមនុស្សជាច្រើន។ អតីតគូស្នេហ៍ Selena Gomez តារាចម្រៀង Justin Bierber ក៏ល្បីឈ្មោះដោយសារ YouTube ក្រោយបង្ហោះបទចម្រៀងច្រៀងជាមួយហ្គីតា ដែលធ្វើឲ្យមហាជនចាប់ផ្តើមស្គាល់ និងក្លាយជាតារាចម្រៀងអាជីព មានកេរ្តិ៍ឈ្មោះល្បីល្បាញដល់សព្វថ្ងៃនេះ។

ជាមួួយការកើនឡើងការប្រើប្រាស់អ៊ីនធឺណិតតាមទូរសព្ទ ប្រជាជនកម្ពុជាកាន់តែច្រើនឡើងកំពុងប្រើប្រាស់អ៊ីនធឺណិត រួមទាំងការចាប់អារម្មណ៍ក្នុងការមើលវីដេអូតាមអនឡាញ ជាឱកាសសម្រាប់អ្នកបង្កើត Content លើ YouTube ឱ្យទាក់ទាញ ដើម្បីអាចកើបលុយ ពីបណ្ដាញមួយ។

លោក Yab Kok Leong បានលើកពីគម្រោងថ្មីមួយដែលក្រុមហ៊ុនរបស់លោកទើបបង្កើតឈ្មោះថា Yes YouTube Star ដើម្បីស្វែងរកអ្នកដែលមានទេពកោសល្យ ហ៊ានបញ្ចេញសមត្ថភាពមិនថាច្រៀង រាំ សម្តែង មានគំនិតច្នៃប្រឌិត ដើម្បីក្លាយជាតារា YouTube។

លោកថា កម្មវិធីនេះមានការបង្ហាញពីរបៀបបង្កើត Content វីដេអូបង្ហោះលើ YouTube។ តាមរយៈកម្មវិធីនេះ ក៏ចង់បង្ហាញគ្រប់គ្នាថា អ្នកណាក៏អាចរកលុយបានដែរឲ្យតែពួកគេមានទេពកោសល្យ ដែលអាចបង្កើតឃ្លីបវិដេអូដែលមានភាពច្នៃប្រឌិត ដើម្បីទទួលបានការចាប់អារម្មណ៍ពីអ្នកទស្សនា។

ចុចអានព័ត៌មានបន្ទាប់៖