យុវវ័យ ១៩ ឆ្នាំលួច Hack ចូល Server Apple ពេលនេះដឹងលទ្ធផលហើយ

2018-09-27 07:22:42
ព័ត៌មាន

2018-09-27 07:22:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីខែសីហាកន្លងទៅយុវវ័យសញ្ជាតិអូស្ត្រាលីវ័យ ១៩ ឆ្នាំមួយរូប បានទទួលទោសកំហុសថាបានលួចចូល Server របស់ Apple ជាច្រើនលើកក្នុងរយៈពេលពីរឆ្នាំកន្លងនេះ។

ប៉ុន្តែថ្ងៃនេះយុវវ័យរូបនេះត្រូវបានតុលាការសម្រេចឲ្យរួចផុតពីការផ្ដន្ទាទោស និងមិនត្រូវចំណាយពេលក្នុងគុកដោយសារ Hack ចូល Server របស់ Apple នោះទេ។ យុវវ័យដែលមិនត្រូវគេបង្ហាញអត្តសញ្ញាណដោយសារហេតុផលច្បាប់រូបនេះ អាច Hack Apple បានសម្រេចពីផ្ទះរបស់ខ្លួនក្នុងរដ្ឋ Melbourne ដោយលើកហេតុផលថាជាអ្នកគាំទ្រមួយរូប និងចង់ធ្វើការនៅ Apple។

នាពេលនោះគេទើបមានវ័យ ១៦ ឆ្នាំប៉ុណ្ណោះ ហើយរូបគេបានទាញយកឯកសារទំហំ ៩០ GB ពីប្រព័ន្ធរបស់ Apple ដោយយករក្សទុកក្នុង Folder ក្នុងកុំព្យូទ័រនៅឯផ្ទះមានឈ្មោះថា "Hacky hack hack”។

ត្បិតថាមិនមានកំណត់ត្រាបទល្មើសក៏ពិតមែន ប៉ុន្តែយុវវ័យរូបនេះត្រូវស្ថិតការព្យួរទោសមានលក្ខខណ្ឌរយៈពេល ៨ ខែ។ យុវវ័យរូបនេះក៏ត្រូវគេទទួលចូលរៀននៅសកលវិទ្យាល័យដើម្បីរៀនអំពីឧក្រិដ្ឋកម្មបច្ចេកវិទ្យា និងសុវត្ថិភាពលើអ៊ីនធឺណិតផងដែរ៕

ប្រភព៖ Cnet ប្រែសម្រួល៖ សុខហេង