សាកកម្លាំង iPhone XS Max និង Note9 មួយណាបើក PUBG លឿនជាង?

2018-09-27 01:31:59
ព័ត៌មាន

2018-09-27 01:31:59
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone XS Max មានបំពាក់នូវបន្ទះឈីប A12 Bionic ដែល Apple អះអាងថាមានដំណើរការប្រសើរជាងមុន។ ចង់ដឹងពីសមត្ថភាពរបស់បន្ទះឈីបនេះ គេបានយក iPhone XS Max ទៅល្បងសមត្ថភាពជាមួយ Galaxy Note 9 ដោយប្រកួតលើការបើកកម្មវិធី និងការរក្សាទុកកម្មវិធីក្នុង RAM។

គួរដឹងថា iPhone XS Max មាន RAM ទំហំ ៤ GB និង Galaxy Note 9 មាន RAM ទំហំ ៦ GB។ ការធ្វើតេស្តបានចាប់ផ្ដើមឡើងជាមួយការបើកកម្មវិធីធម្មតាដូចជា YouTube, Instagram និង Twitter ជាដើម។

បន្ទាប់មកទៀតគេចាប់ផ្ដើមល្បងសមត្ថភាពលើការបើកហ្គេមល្បីៗមួយចំនួនដូចជា Fortnite, PUBG និង Vainglory ជាដើម ដែលបញ្ចប់ដោយការធ្វើតេស្តជាមួយកម្មវិធី Geekbench។ ជាចុងក្រោយគេបានសាកល្បងសមត្ថភាពរក្សាទុកកម្មវិធីក្នុង RAM ដោយបើកកម្មវិធីពីចុងក្រោយ មកកម្មវិធីដំបូងវិញ។

ដំណាក់កាលទីមួយឃើញថា Galaxy Note 9 ធ្វើបានល្អជាង iPhone XS Max អាចបើកកម្មវិធីបានលឿន ប៉ុន្តែចូលដល់ការបើកហ្គេម XS Max អាចនាំមុខ Note 9 ដោយអាច Load ហ្គេមបានលឿនបំផុត។ ពិន្ទុពីកម្មវិធី Geekbench បង្ហាញថា XS Max អាចយកឈ្នះ Note 9 បានយ៉ាងងាយ។

ចំណែកសមត្ថភាពរក្សាទុកកម្មវិធីក្នុង RAM វិញ iPhone XS អាចឲ្យកម្មវិធីទាំងអស់បន្តមានដំណើរការបានយ៉ាងល្អ ខុសពី Note 9 មានបញ្ហារអាក់រអួលខ្លះៗ៕

ប្រភព៖ YouTube ប្រែសម្រួល៖ សុខហេង