វិទ្យាស្ថានល្បីមួយនៅសៀមរាប ផ្តល់អាហារូបករណ៍ ១៨០ កន្លែងដល់អ្នកចង់រៀន IT និងវិស្វកម្ម

2018-09-06 03:35:00
ព័ត៌មាន

2018-09-06 03:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

វិទ្យាស្ថានពហុបច្ចេកទេសភូមិភាគតេជោសែនសៀមរាប ជាគ្រឹះស្ថានរដ្ឋមួយមានទីតាំងនៅខេត្តសៀមរាប បានប្រកាសផ្តល់អាហារូបករណ៍ចំនួន ១៨០ កន្លែងលើមុខជំនាញ ៩ ផ្សេងគ្នា។ ក្នុងនោះក៏មានជំនាញផ្នែកវិស្វកម្មសំណង់ស៊ីវិល អគ្គិសនី បរិក្ខារត្រជាក់ និងវិទ្យាសាស្រ្តកុំព្យូទ័រផងដែរ។

រូបភាព៖ វិទ្យាស្ថានពហុបច្ចេកទេសភូមិភាគតេជោសែន

អាហារូបករណ៍ ១៨០ កន្លែងមានបែងចែកជា បីផ្នែកគឺ កម្រិតសិក្សា ថ្នាក់បរិញ្ញាប័ត្រផ្នែកគណនេយ្យផ្តល់ជូនចំនួន ២០ នាក់។ កម្រិតសិក្សាថ្នាក់បរិញ្ញាប័ត្ររង ឬថ្នាក់សញ្ញាបត្រជាន់ខ្ពស់បច្ចេកទេសផ្តល់ជូនចំនួន ៨០ នាក់ដែលក្នុងមួយជំនាញ(វិស្វកម្មសំណង់ស៊ីវិល អគ្គិសនី បរិក្ខារត្រជាក់ និងវិទ្យាសាស្រ្តកុំព្យូទ័រ) ផ្តល់ជូន ២០ នាក់។ រីឯកម្រិតសិក្សា ថ្នាក់សញ្ញាប័ត្របច្ចេកទេសនិងវិជ្ជាជីវៈ(C1) ផ្តល់ជូនចំនួន ៨០ នាក់ដូចគ្នាដែលក្នុងមួយជំនាញ(ដំឡើងបញ្ដាញអគ្គិសនីក្នុងអគារ ជាងម៉ាស៊ីនត្រជាក់ ការងារកំបោរ និងសេវាកម្មសណ្ឋាគារ) ផ្តល់ជូនចំនួន ២០ នាក់។(មើលរូបខាងក្រោម)។

កាលបរិច្ឆេទឈប់ទទួលពាក្យ៖

ថ្ងៃសុក្រ ទី ១៤ ខែតុលា ឆ្នាំ ២០១៨
ត្រឹមម៉ោង ៥ ល្ងាច
ដាក់ពាក្យនៅវិទ្យាស្ថានតាមរយៈអាស័យដ្ឋាន ភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប(ខាងកើតផ្សារសាមគ្គី ៧០ ម៉ែត្រ)។