- 2018-08-15 10:07:58
- ព័ត៌មាន
បច្ចេកវិទ្យា AR និង VR ខ្មែរនឹងខ្លាំងមួយកម្រិតទៀតក្រោយចាប់ដៃជាមួយសិង្ហបុរី
- 2018-08-15 10:07:58
- ចំនួនមតិ 0 | ចំនួនចែករំលែក 0
បច្ចេកវិទ្យា AR និង VR ខ្មែរនឹងខ្លាំងមួយកម្រិតទៀតក្រោយចាប់ដៃជាមួយសិង្ហបុរី
ចន្លោះមិនឃើញ
ក្រុមហ៊ុនខ្លាំងបច្ចេកវិទ្យា VR ដំបូងគេបង្អស់នៅកម្ពុជា VIRTUAL REALITY CAMBODIA បានបោះជំហានថ្មីមួយទៀត ដោយបានចាប់ដៃសហការជាមួយ ក្រុមហ៊ុនសិង្ហបុរី HIVERLAB ដែលជំនាញលើ Immersive Technologies & Media ដើម្បីបង្កើតបច្ចេកវិទ្យាថ្មីទំនើបៗឲ្យទាន់សម័យកាលសម្រាប់អតិថិជនខ្មែរ និងទូទាំងតំបន់។
«យើងពិតជារំភើបដែលបានធ្វើការរួមគ្នាជាមួយ Hiverlab ហើយយើងមានជំនឿយ៉ាងមុតមាំថា កិច្ចសហការនេះនឹងនាំមកនូវការច្នៃប្រឌិតថ្មីៗទំនើបចុងក្រោយបំផុតជាច្រើនជាប្រយោជន៍ដល់អ្នកប្រើប្រាស់ខ្មែរ និងទូទាំងតំបន់ ដូចជា AR និង VR ជាដើម»។ នេះបើតាមការលើកឡើងរបស់លោក អៀ សារបុត្រ ស្ថាបនិកនៃ Virtual Reality Cambodia ថ្លែងឲ្យដឹងក្នុងព្រឹត្តិការណ៍ចុះកិច្ចព្រមព្រៀងសហការនេះ (MOU) កាលពីពេលថ្មីៗនេះ។
«នេះអាចនិយាយបានជាការរីកចម្រើនដ៏ធំមួយផ្នែកបច្ចេកវិទ្យានៅកម្ពុជា នឹងបង្កើតនូវរបត់ថ្មីក្នុងវិស័យផ្សព្វផ្សាយពាណិជ្ជកម្មដែលអាចរុញច្រានឲ្យផលិតផលអតិថិជនកាន់តែលេចធ្លោ និងទទួលបានការចាប់អារម្មណ៍យ៉ាងឆាប់រហ័ស តាមរយៈបច្ចេកវិទ្យាដ៏ទំនើបគ្មានពីរ AR និង VR របស់យើង ដែលធានាផ្តល់នូវបទពិសោធន៍ថ្មីសន្លាង ច្បាស់ និងជាក់ស្ដែងបំផុត»។ លោកបញ្ជាក់បន្ថែម។
Virtual Reality Cambodia និង Hiverlab មានគោលដៅរួមក្នុងការអភិវឌ្ឍបច្ចេកវិទ្យា AR/VR និង mixed reality ធ្វើឲ្យបទពិសោធន៍នៃ AR/VR ឲ្យកាន់តែរំជើបរំជួលសម្រាប់អ្នកប្រើប្រាស់ និងបង្ហាញពីរបៀបដែលវាអាចយកមកប្រើដើម្បីឲ្យជីវិតរបស់ពួកគេងាយស្រួល។
Augmented reality (AR) គឺជាបច្ចេកវិទ្យាថ្មីដែលបន្ថែមរូបឌីជីថលទៅក្នុងទិដ្ឋភាពពិតៗផ្ទាល់ស្តែង តាមរយៈ កាមេរ៉ា របស់ស្មាតហ្វូន។ រីឯ Virtual reality (VR) គឺជាបច្ចេកវិទ្យាដែលនិមិត្តទិដ្ឋភាពទាំងស្រុងក្នុងពិភពថ្មីមួយ ដោយគេអាចចូលទៅបានតាមរយៈការពាក់វែនតា VR ដែលនេះហើយគឺជាបច្ចេកវិទ្យានិមិត្ត immersive technologies ។
«យើងរួមកម្លាំងគ្នាជាមួយ Virtual Reality Cambodia ដើម្បីឲ្យយើងកាន់តែខ្លាំងទាំងអស់គ្នាក្នុង immersive technologies ហើយយើងនឹងផ្តល់ជូននូវបច្ចេកវិទ្យាឈានមុនគេទំនើបៗបំផុតនៃ AR/VR ព្រមទាំង immersive technologies ដល់អតិថិជនខ្មែរ និងទូទាំងតំបន់មេគង្គ»។ នេះជាការបញ្ជាក់បន្ថែមរបស់លោក Jiang Shutao ស្ថាបនិកនៃ Hiverlab។
Hiverlab បានបង្កើតភាពជាដៃគូយុទ្ធសាស្ត្រយូរអង្វែងជាមួយក្រុមហ៊ុនឧស្សាហកម្មធំៗ ដូចជាក្រុមហ៊ុន Samsung Huawei AliCloud NVIDIA Autodesk Seagate និងក្រុមហ៊ុនផ្សេងៗទៀត។ បច្ចេកវិទ្យា និងមាតិការបស់ពួកគេត្រូវបានលើកឡើងដោយប្រព័ន្ធផ្សព្វផ្សាយល្បីៗ ដូចជា CNBC, The Straits Times, Channel News Asia, Mediacorp ,Sina និងច្រើនទៀត៕
ដើម្បីឲ្យស្គាល់ច្បាស់ពីបច្ចេកវិទ្យា Virtual reality (VR) សូមមើលវីដេអូ៖
វីដេអូបង្ហាញពីបច្ចេកវិទ្យា Augmented reality (AR) ៖