- 2018-07-21 04:41:48
- ព័ត៌មាន
នេះហើយ រូបរាងពិត Ford Ranger 2019 ដែលនឹងមកដល់ខ្មែរឆាប់ៗ
- 2018-07-21 04:41:48
- ចំនួនមតិ 0 | ចំនួនចែករំលែក 0
នេះហើយ រូបរាងពិត Ford Ranger 2019 ដែលនឹងមកដល់ខ្មែរឆាប់ៗ
ចន្លោះមិនឃើញ
ថ្មីៗនេះយើងឃើញមានការលេចឡើងរូបរាងពិត និងលក្ខណៈពិសេសៗមួយចំនួនរបស់រថយន្ត Ford Ranger 2019 តាមរយៈបណ្ដាញសង្គម និងសារព័ត៌មាននានានៅក្នុងប្រទេសកម្ពុជា។
រថយន្ត Ford Ranger 2019 បានរចនារូបរាងខាងមុខថ្មីទាំងស្រុង រួមមានប៉ាណា និងកាងខាងមុខរចនាគួរឲ្យទាក់ទាញ ចង្កៀងមុខ និងចង្កៀងពិលកាងមុខបានកែច្នៃជាថ្មីយ៉ាងស្រស់ស្អាត។
លើសពីនេះទៅទៀតរថយន្ត Ford Ranger 2019 ជារថយន្ត Pick Up ដែលមានបច្ចេកវិទ្យាសំខាន់ៗ ត្រូវបានបំពាក់នៅលើរថយន្តរួមមាន ការបញ្ឆេះរថយន្តដោយពុំចាំបាច់ប្រើសោរ (Push Button Start) និងប្រព័ន្ធជំនួយចូលចតដោយស្វ័យប្រវត្តិ (Assisted Parallel Parking) អាចជួយសម្រួលឲ្យអ្នកបើកបរចូលចតដោយស្វ័យប្រវត្តិ ដោយគ្រាន់តែធ្វើការអបហ្វ្រាំងតែប៉ុណ្ណោះ។
ក្រៅពីនេះរថយន្ត Ford Ranger 2019 បានបំពាក់នូវប្រព័ន្ធសុវត្ថិភាពផ្សេងៗដូចជា ប្រព័ន្ធផ្តល់ដំណឹងនៅពេលបើកបរចេញពីគន្លង (Lane Keeping Alert and Lane Keeping Aid) ជាប្រព័ន្ធមួយដែលអាចផ្តល់ជូនអ្នកបើកបរសម្រាប់ការពារ ចំពោះការចាកចេញពីគន្លងផ្លូវដោយចៃដន្យនៅពេលដែលកំពុងបើកបរក្នុងល្បឿនលឿន។
ប្រព័ន្ធបន្ថយល្បឿន និងរក្សាគំលាតសុវត្ថិភាពដោយស្វ័យប្រវត្តិ (Adaptive Cruise Control) អាចឲ្យអ្នកបើកបរធ្វើការកំណត់ទៅលើល្បឿនក៏ដូចជាចម្ងាយចំពោះរថយន្តដែលបើកនៅពីខាងមុខ ដែលបង្កើតឡើងក្នុងគោលបំណងធ្វើយ៉ាងណាបញ្ចៀសអ្នកបើកបរ ឲ្យចៀសផុតពីការបើកបរលើសល្បឿនដែលបានកំណត់។
លើសពីនេះ រថយន្ត Ford Ranger 2019 ក៏មានបំពាក់នូវប្រព័ន្ធផ្តល់សញ្ញាឲ្យអ្នកបើកបរឈប់សំរាកពេលមានអារម្មណ៍ងងុយគេង (Driver Alert System) និងប្រព័ន្ធផ្តល់សញ្ញាគ្រោះថ្នាក់ដែលអាចកើតមាននៅខាងមុខ (Forward Collision Warning)៕