ក្មេងប្រុសវ័យ ១៣ ឆ្នាំអង្គុយលេងហ្គេម ឱកាសឈ្នះប្រាក់ខ្ទង់លានដុល្លារ

2018-05-10 03:07:48
ព័ត៌មាន

2018-05-10 03:07:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ហ្គេមបាញ់ប្រហារ Fortnite បានកំពុងទទួលការគាំទ្រខ្លាំងពីសំណាក់អ្នកលេងទូទាំងពិភពលោក ជាពិសេសនៅប៉ែកអឺរ៉ុប ដែលមានការប្រកួតប្រជែងខ្ពស់ជាមួយ PlayerUnknown's Battlegrounds។ មានអ្នកលេងម្នាក់ឈ្មោះ Kyle Jackson ស្ថិតក្នុងវ័យ ១៣ ឆ្នាំ ជាប់រហ័សនាមជា Gamer ជំនាញដែលមានវ័យក្មេងបំផុត។

ក្មេងប្រុសមានដើមកំណើតនៅចក្រភពអង់គ្លេស បានចូលរួមក្នុងក្រុមមួយដែលប្រមូលផ្តុំដោយជើងខ្លាំងឯទៀត មានឱកាសចូលរួមប្រកួតដោយជំនួបខ្លះអាចឈ្នះរង្វាន់ដល់ខ្ទង់លានដុល្លារ។

ថ្លែងប្រាប់សារព័ត៌មាន CNBC ក្មេងប្រុស Jackson បានបញ្ជាក់ថា៖ "អ្វីដែលសំខាន់នៃការលេងជាក្រុម គឺមិនត្រូវគិតថាពួកគេត្រឹមជាមិត្តភ័ក្ដិធម្មតានោះទេ នោះអាចបង្កផលប៉ះពាល់ធំដល់ការលេងនិងទំនាក់ទំនងរៀងគ្នា"។

ជុំវិញចំណូលដែលទទួលបានពីការលេងហ្គេម Fortnite គឺទាក់ទងនឹងការផ្សាយផ្ទាល់របស់ Jackson ទៅលើគេហទំព័រ Twitch ដែលប្រមូលផ្តុំដោយ Gamer ជើងខ្លាំងឯទៀត ដោយអាចផ្តល់ឲ្យអ្នកទស្សនាចូលរួម Chat និងឧបត្ថម្ភប្រាក់ដល់អ្នកលេង ដែលខ្លះអាចទទួលបានរាប់ពាន់ដុល្លារក្នុងមួយខែៗក៏មាន។

សង្កត់ធ្ងន់លើពេលវេលានៃការកម្សាន្តជាមួយហ្គេម Jackson បានឲ្យដឹងថា៖ "តាមពិតទៅខ្ញុំមិនបានលេងហ្កេម ២៤ ម៉ោងក្នុងមួយថ្ងៃទេ ក៏មានពេលខ្លះខ្ញុំទៅខាងក្រៅ ដូចជាម៉ោង ៤ ដល់ ៩ ល្ងាច រៀងរាល់ថ្ងៃ ខ្ញុំមិនដែលប៉ះហ្គេមឡើយ ផ្ទុយទៅវិញចំណាយពេលនៅផ្ទះ ឬទៅខាងក្រៅ ដូចជាសារមន្ទីរអ្វីជាដើម"។