- 2014-10-23 17:23:28
- ព័ត៌មាន
រថយន្តប្រណិត X5 ស៊េរី ០១៤ តម្លៃជិត ១៤ ម៉ឺនដុល្លារមួយខែវ៉ៃចេញអស់ជាង ២០ គ្រឿង
- 2014-10-23 17:23:28
- ចំនួនមតិ 0 | ចំនួនចែករំលែក 0
រថយន្តប្រណិត X5 ស៊េរី ០១៤ តម្លៃជិត ១៤ ម៉ឺនដុល្លារមួយខែវ៉ៃចេញអស់ជាង ២០ គ្រឿង
ចន្លោះមិនឃើញ
X5 រថយន្តប្រណិតរបស់ក្រុមហ៊ុន BMW ដែលទើបនាំចូលស្រុកខ្មែរជាងមួយខែបានលក់ចេញអស់ជាង ២០ គ្រឿងនៅទីផ្សារប្រទេសកម្ពុជា។ នេះបើតាមការអះអាងរបស់នាយកគ្រប់គ្រងក្រុមហ៊ុន Premium Auto។
លោក Peter Brongers នាយកប្រតិបត្តិក្រុមហ៊ុន Premium Auto ដែលជាក្រុមហ៊ុននាំចូលរថយន្តប្រណិត BMW លើទីផ្សារកម្ពុជាឲ្យដឹងថា ក្នុងរយៈពេលជាងមួយខែប៉ុណ្ណោះ រថយន្តដ៏ប្រណិត X5 លក់ដាច់អស់ជាង ២០ គ្រឿងមកហើយនៅទីផ្សារកម្ពុជា។
លោកថា ចំនួនលក់ចេញនេះច្រើនហួសពីការរំពឹងទុក សម្រាប់ម៉ាករថយន្តដ៏ប្រណីតនេះនៅទីផ្សារប្រទេសកម្ពុជា។
X5 មួយគ្រឿងត្រូវគេដាក់លក់ក្នុងតម្លៃជាង ១៤ ម៉ឺនដុល្លារ ហើយរថយន្តនេះទើបនាំចូលមកលក់នៅទីផ្សារស្រុកខ្មែរបានជាងមួយខែប៉ុណ្ណោះ។ X 5 ចាត់ទុកថាជាម៉ាករថយន្តដែលលក់ដាច់បំផុតរបស់ BMW បន្ទាប់ពីក្រុមហ៊ុនបាននាំចូលរថយន្តប្រភេទ X Series ជាច្រើនម៉ូដែលលក់លើទីផ្សារប្រទេសកម្ពុជា។
លោកបញ្ជាក់ថា ការរចនារូបរាងដ៏លេចធ្លោ រួមទាំងការបំពាក់បច្ចេកវិទ្យាទំនើបៗបានធ្វើឲ្យ X5 ទទួលបានការចាប់អារម្មណ៍ពីអតិថិជនក្នុងការជាវយកទៅប្រើប្រាស់។
ក្រុមហ៊ុន Premium Auto នឹងរៀបចំធ្វើគម្រប់ខួបមួយឆ្នាំសម្រាប់ការបើកទីផ្សាររថយន្ត BMW នៅកម្ពុជានាខែវិច្ឆិកាខាងមុខនេះ។ ក្រុមហ៊ុន Premium Auto បានបញ្ជាក់ថា ជាងមួយឆ្នាំក្រុមហ៊ុនបានលក់ចេញរថយន្តប្រភេទ BMW បានជាង ៣០០ គ្រឿងនៅទីផ្សារនៅកម្ពុជា ខណៈដែលក្រុមហ៊ុនរំពឹងទុកការលក់នឹងមានការកើនឡើងបន្ថែមទៀតនៅឆ្នាំបន្តបន្ទាប់។
បន្តអាន៖ ៥យ៉ាងលាក់នៅក្នុងប្រព័ន្ធប្រតិបត្តិការ Mac Yosemite ថ្មី
បន្តអាន៖ និស្សិតខ្មែររៀននៅជប៉ុនបង្កើតក្ដារចុចឆ្លាតវៃជួយឲ្យការវាយអក្សរខ្មែរលឿនទ្វេដង
បន្តអាន៖ N-Gage ទូរសព្ទល្បីជំនាន់ឆ្នាំ ២០០៤ លេចមុខជាថ្មីនាំឲ្យសង្ស័យទីផ្សារប្រើប្រាស់
អត្ថបទ៖ ប៊ុណ្ណារ៉ា
