រោងចក្រផ្គុំដំឡើងរថយន្ត ផលិត ចែកចាយ លក់ និងសេវាកម្ម របស់ក្រុមហ៊ុន RMA Cambodia បានលេចចេញជារូបរាងច្បាស់ៗកំពុងសាងសង់នៅលើទីតាំងធំទូលាយលើទំហំដី ៤ ហិចតាស្ថិតនៅតាមបណ្ដោយផ្លូវជាតិលេខ៥ ភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់។

រោងចក្រដំបូងបំផុតរបស់ RMA Cambodia គឺជាប្រភេទរោងចក្រស្ដង់ដាអន្តរជាតិទទួលស្គាល់គុណភាពដោយ OEM' Quality Standard និងមានក្នុងកុងត្រារយៈពេល ៣០ ឆ្នាំ។

-រោងចក្រដំឡើងរថយន្ដ ២ នៅកោះកុងនិងពោធិ៍សាត់គ្រោងដំណើការសង់ឆាប់ៗនេះ

រោងចក្រនោះគ្រោងនឹងបញ្ចប់ការសាងសង់នៅឆ្នាំ ២០២២ ខាងមុខ។ តាមរយៈគម្រោងអភិវឌ្ឃនេះរបស់ RMA នឹងផ្ដល់មកវិញនូវការងារជាច្រើនប្រមាណជា ៥០០ នាក់ក្នុងមួយឆ្នាំៗជូនពលរដ្ឋខ្មែរ។

ក្រោយបញ្ចប់ការសាងសង់ រោងចក្រ មានសម្ភារៈគ្រប់គ្រាន់ដើម្បីផ្តល់គុណភាពស្ដង់ដារជូនដល់អតិថិជន ដែលមានដូចជា បន្ទប់ធ្វើតេស្តរថយន្ត, បន្ទប់ត្រួតពិនិត្យផ្សេងៗមុននឹងដឹកចេញទៅសាខាលក់នៅតាមបណ្ដាខេត្តនានាទៅទូទាំងប្រទេស។

លើសពីនេះទៀតក្រោយបញ្ចប់ការសាងសង់រោងចក្រនឹងតំឡើងរថយន្តពីរម៉ូឌែលមុនគេដែលមានទីផ្សារពេញនិយមក្នុងស្រុកមានដូចជា៖ រថយន្ត Ford Ranger និងរថយន្ត Ford Everest ជាដើម។

ចំពោះគម្រោងក្នុងឆ្នាំដំបូងត្រូវបានតំណាងក្រុមហ៊នបង្ហើបថា នឹងតំឡើងឲ្យបាន ៤៥០០ គ្រឿង និងអាចកើននៅឆ្នាំបន្តបន្ទាប់ទៀតរហូតដល់ ១០ ឆ្នាំក្រោយក្រុមហ៊ុន Ford គ្រោងនឹងបង្កើនដល់ ២ ម៉ឺនគ្រឿង ព្រមទាំងបន្ថែមម៉ូឌែលល្បីៗជាច្រើនទៀត។

-មូលហេតុ​នេះ​ទើប​ RMA ​សង់​រោងចក្រ​ដំឡើង​រថយន្ត Ford ​នៅ​ខេត្ត​ពោធិ៍សាត់​ ៕