- 2021-02-05 06:16:28
- ព័ត៌មាន
Babee Gaming កំពុងជោគជ័យអាជីពជា Streamer តែអាចនឹងបោះបង់នៅ ២ឆ្នាំទៀតព្រោះហេតុផលមួយ
- 2021-02-05 06:16:28
- ចំនួនមតិ 0 | ចំនួនចែករំលែក 0
Babee Gaming កំពុងជោគជ័យអាជីពជា Streamer តែអាចនឹងបោះបង់នៅ ២ឆ្នាំទៀតព្រោះហេតុផលមួយ
ចន្លោះមិនឃើញ
មិនខុសពី Streamer ដទៃទៀតមានចិត្តស្រលាញ់ការលេងហ្គេមមិនដែលធុញ Babee Gaming គឺជាអ្នកឡាយហ្គេមមួយរូបកំពុងមានភាពល្បីល្បាញនៅលើបណ្ដាញសង្គមហ្វេសបុក និងមានអ្នកគាំទ្រជាច្រើនគ្រប់ពេលឡាយម្ដងៗ។
ផ្ដល់បទសម្ភាសន៍ជាមួយ Sabay អំពីការលេងហ្គេម Babee Gaming បានប្រាប់ថាខ្លួនចាប់ផ្ដើមចំណាយពេលលេងហ្គេមច្រើននៅឆ្នាំ ២០១៧ តែមិនបានផ្ដោតសំខាន់ឡើយ។ កញ្ញាបន្តថា ការចំណាយពេលច្រើននៅលើកីឡាអេឡិចត្រូនិកនេះ បានធ្វើកញ្ញាចាប់ផ្ដើមប្រឡូកក្នុងវិស័យហ្គេមនេះខ្លាំង ឡាយនៅលើហ្វេសបុកនឹងបានក្លាយជា Streamer អាជីពនៅឆ្នាំ២០២០ និងមានហ្វេនគាំទ្រជាច្រើននៅលើហ្វេសបុកដែលមានអ្នក Followers ជាង 100K នាពេលបច្ចុប្បន្ន។
ជាកូនទី ៣ក្នុងគ្រួសារ មានបងប្អូន ៤នាក់ Babee Gaming បានប្រាប់ថាក្រោយពេលចាប់អាជីពអ្នក Stream Game ទាំងគ្រួសារមិត្តភក្តិសុទ្ធតែគាំទ្រទាំងអស់ មិនមានការជំទាស់ឡើយ។ Babee បានបន្ថែមថាបើទោះជាបច្ចុប្បន្នអាចថាខ្លួនកំពុងជោគជ័យនៅលើវិស័យនេះក៏ដោយ ប៉ុន្តែកញ្ញាមិនរំពឹងធ្វើវាបានយូរឡើយ អាចបន្តវាត្រឹម ២ឆ្នាំទៅមុនទៀត នឹងចាប់ផ្ដើមចំណាយពេលលើការងារច្រើនជាង និងប្រកបមុខរបស់ផ្ទាល់ខ្លួន ដែលមានក្នុងក្ដីស្រមៃគឺចងបើកហាងធ្វើក្រចកមួយនៅថ្ងៃមុខ។
ហេតុផងដែលធ្វើឲ្យ Babee Gaming អាចបញ្ចប់អាជីពនេះត្រឹម ២ឆ្នាំទៅមុនទៀតនេះ ដោយសារកញ្ញាមើលឃើញពេលបច្ចុប្បន្នអ្នកលេងហ្គេមមានកាន់តែច្រើនឡើងៗ ដូចនេះមិនយូរទេអ្នកដែលឈរលើវិស័យនេះពីមុនមកនឹងបាត់ចំនួនអ្នកគាំទ្រ ហើយការងារក៏ត្រូវបាត់បង់ទៅតាមនិងដែរ។ កញ្ញាបានបន្តថា ប្រសិនបើ ២ ទៅ ៣ ឆ្នាំទៅមុខទៀតខ្លួននៅមានអ្នកគាំទ្រច្រើន ទទួលបានការងារ កញ្ញានឹងនៅតែបន្តអាជីពមួយនេះទៀត។
Babee Gaming ដែលជាកូនអ្នកភ្នំពេញនិងកំពុងតែបន្តការសិក្សាថ្នាក់បរិញ្ញាបត្រ ជំនាញគ្រប់គ្រង បច្ចុប្បន្ន កញ្ញាក៏មានការងារផ្ទាល់ខ្លួនផងដែរ។ ការស្រលាញ់ចូលចិត្ត និងបានចំណាយពេលច្រើនលើការលេងហ្គេមនេះ តែ Babeeក៏មានចំណងចណូលចិត្តផ្សេងដូចជា រៀនបន្ថែម។
មានការងារនៅក្នុងក្រុមហ៊ុនឯកជនមួយក៏ពិតមែនតែ Babee Gaming បានបែងចែកពេលវេលាការឡាយហ្គេមនេះត្រឹម ២ទៅ ៣ម៉ោងប៉ុណ្ណេះក្នុងមួយថ្ងៃ និងយកពេលទំនេរទៅរៀនបន្ថែម និងមានការក្រៅទៀតធ្វើជាអ្នកអត្ថាធិប្បាយនៅក្នុងការប្រកួតកីឡា E-Sport ក្នុងស្រុកមួយចំនួន។
ឆ្លើយតបជាមួយ Sabay ទាក់ទងជាមួប្រាក់ចំណូលវិញ Babee ប្រាប់ថាបានពីការងារ ធ្វើជា MC ពិសេសបានពី Sponsor និងតាមរយះការ Send Star នៅពេលឡាយហ្គេមម្ដងៗច្រើនគួរសមដែរ។ Babee Gaming បន្ថែមថាទោះរាល់ថ្ងៃការងារជាប្រចាំជារឿងដដែលក៏ដោយតែខ្លួនមិនដែលធុញជាមួយការលេងហ្គេមនេះឡើយ គឺពេញចិត្ត សប្បាយ ព្រោះវាក៏ជាការការងារមួយដែលអាចរកប្រាក់ចំណូលបាន៕