លក្ខណៈ​សម្បត្តិ​នៃ​កាមេរ៉ា iPhone 12 ទាំង​បួន​ប្រភេទ ត្រូវ​បាន​គណនី​ Twitter ឈ្មោះ​ថា​​ Ice Universe ចែក​រំលែក​មុន​នេះ​បន្តិច​ ដែល​គេ​ទទួល​បាន​ពី​គណនី Weibo មួយ​ឈ្មោះ​ថា Kang ដែល​តែង​តែ​ចែក​រំលែក​ដំណឹង​ច្បាស់​ការណ៍​អំពី​ផលិតផល​ថ្មីៗ​ត្រៀម​ប្រកាស​ចេញ។

​លើ​កាមេរ៉ា​នៃ iPhone 12 ទាំង​បួន​គឺ​មាន​មុខងារ Deep Fusion និង​មុខងារ Night Scene ​ដែល​មាន​សមត្ថភាព​ខ្លាំង​ជាង​មុន ​ហើយ​សម្រាប់​​មុខងារ​ Smart HDR ​ក៏​បាន​វិវត្តន៍​ដល់​ Smart HDR 3 ផង​ដែរ។

កាមេរ៉ា​ក្រោយ​របស់​ iPhone 12 mini ​និង iPhone 12 ធម្មតា​មាន​ចំនួន​ពីរ​គ្រាប់​មាន​​កាមេរ៉ា​មេ​ជា​ប្រភេទ Wide Angle និង​មួយ​ទៀត​ជា​ប្រភេទ​​ Ultrawide Angle ដែល​​កាមេរ៉ា​មេ​មាន​​ Aperture f/1.6 ​តូច​ជាង​កាមេរ៉ា​មេ​លើ​ត្រកូល​ iPhone 11 ដែល​អាច​ស្រូប​ពន្លឺ​បាន​ប្រសើរ​ជាង​មុន។

ចំណែក iPhone 12 Pro មាន​កាមេរ៉ា​ក្រោយ​បី​គ្រាប់​ ដោយ​មាន​កាមេរ៉ា​មេ Wide Angle, កាមេរ៉ា Ultrawide និង​កាមេរ៉ា Telephoto ហើយ​មាន​បន្ថែម Sensor LiDAR មួយ​ផង​ដែរ។ កាមេរ៉ា​មេ​​ជា​ប្រភេទ​ឡេន​ថ្មី​ឈ្មោះ​ថា 7P Len ដែល​មាន​ Aperture f/1.6 ​ហើយ​កាមេរ៉ា Telehphoto ​មាន​ Focal Length ប្រវែង ៥២ម.ម ​អាច​ធ្វើ​ការ​ Zoom Optical បាន​ ៤ដង។

សម្រាប់ iPhone 12 Pro Max មាន​ប្រព័ន្ធ​កាមេរ៉ា​ដូច​នឹង​ iPhone 12 Pro ដែរ ប៉ុន្តែ​កាមេរ៉ា​មេ​​ដែល​ប្រើ​ប្រាស់​ឡេន​ 7P ​មាន​ Sensor ទំហំ​ធំ​ជាង​ Sensor កាមេរ៉ា​មេ​នៃ iPhone 12 Pro រហូត​ដល់ ៤៧% ពោល​មាន​ទំហំ ១,៧μm និង​​កាមេរ៉ា Telephoto មាន Focal Length ៦៥ម.ម អាច​ Zoom Optical បាន ៥ដង។

គួរ​ដឹង​ថា​ iPhone 12 នឹង​ប្រកាស​ចេញ​ជា​ផ្លូវ​ការ​នៅ​ថ្ងៃ​ទី​១៣ ខែ​តុលា សប្ដាហ៍​ក្រោយ​នេះ​ ដោយ​ការ​ចេញ​លក់​នឹង​មាន​ចែក​ចេញ​ជា​បី​ដំណាក់​កាល​ផ្សេងៗ​គ្នា៕​​​​​