NX 200t F Sport ស៊េរី ២០១៥ មួយទឹក ដាក់លក់តម្លៃស្មើ RX330 ពីរគ្រឿង

2019-06-16 01:28:59
ហាងឆេងផលិតផល

2019-06-16 01:28:59
ចំនួនមតិ 0 | ចំនួនចែករំលែក 0

ចន្លោះមិនឃើញ

Lexus NX 200t ជាប្រភេទឡាន SUV ក៏មានការពេញនិយមនៅទីផ្សារក្នុងស្រុក។ បើតាមការចុះសាកសួររបស់ Sabay តាមឃ្លាំងលក់រថយន្តមួយចំនួនឃើញថា រថយន្ត Lexus ត្រកូល NX នេះត្រូវបានឈ្មួញនាំចូលមកលក់ច្រើនគួរសមមួយរយះចុងក្រោយ ដោយសារតម្រូវការនៃការប្រើប្រាស់មានការកើនឡើង។

ប៉ាណាខាងមុខ Lexus NX 200t F Sport

NX200t អាចចាត់ទុកជាប្រភេទរថយន្តដ៏ទំនើបសម្រាប់អ្នកមានទិញជិះ រួមជាមួយលក្ខណៈពិសេសជាច្រើនបានធ្វើឲ្យរថយន្តនេះត្រូវប៉ាន់។ NX200t មានពីរប្រភេទ គឺ ប្រភេទធម្មតា និង F Sport។ ចំពោះរូបរាងខាងក្រៅមានលក្ខណៈស្រដៀងគ្នាខុសតែការតុបតែងមួយចំនួនប៉ុណ្ណោះដូចជា របាប៉ាណាខាងមុខ , កញ្ចក់ចំហៀង និង យ៉ាន់ ជាដើម។

ផ្នែកចំហៀងខាងក្រោយ Lexus NX 200t F Sport

បច្ចុប្បន្ន NX 200t F Sport ស៊េរីឆ្នាំ ២០១៥ មានតម្លៃប្រមាណជា ៦៥ ០០០ ដុល្លារ តាមប្រភពពីឃ្លាំងលក់រថយន្តអាឡាដាំង។ ចំពោះតម្លៃ NX 200t ប្រភេទធម្មតាវិញមានតម្លៃចន្លោះពី ៥ ម៉ីនទៅ ៦ ម៉ីន ដុល្លារ តាមស៊េរីឆ្នាំ និងគុណភាព។

ផ្នែកខាងក្រោយ Lexus NX 200t F Sport

Lexus NX 200t មានកម្លាំងម៉ាស៊ីន ២៣៥ សេះ ម៉ាស៊ីនស៊ីឡាំងបួនទំហំ ២,០លីត្រ ចង្កឹះលេខ ៦ វគ្គស្វ័យប្រវត្តិ។ ប៉ាណាខាងមុខបែបស្ព័រ កញ្ចក់ចំហៀងពណ៌ខ្មៅ យ៉ាន់ទំហំ ១៨ អ៉ីញ ប្រព័ន្ធបូម ស្ព័រកាងមុខ និងរបាំងការពារភក់ផ្នែកចំហៀងបែបស្ព័រ ភ្ជាប់ជាមួយផ្លាក F Sport អំពូលកាត់អ័ព្ទ LED កៅអីស្ព័រ F Sport មានប្រព័ន្ធកម្ដៅកៅអី មានប្រព័ន្ធ Bluetooth៕

អត្ថបទ៖ ម៉េងងី