DJI Phantom 2 Vision+ ជាប្រភេទកូនយន្តហោះ​មាន​សមត្ថភាព​អាច​បញ្ជាឲ្យថតវីដេអូ ឬរូបភាពផ្សេងៗនៅលើអាកាស។ កូន​យន្តហោះ​នេះ ត្រូវ​គេ​ចាប់​​ជាមួយ​កាមេរ៉ា ដើម្បី​ថត​ផ្តិត​យក​ទិដ្ឋភាព​​ពី​លើ​អាកាស​ក្នុង​ពិព័រណ៍ ITET នៅ​កោះ​ពេជ្រ។

លោក ហ៊ាង ឈុនហេង អ្នកបច្ចេកទេសនៃក្រុមហ៊ុន Investment Holding បានឲ្យដឹងថា កូន​យន្តហោះ​ចាប់​កាមេរ៉ា​នេះ​ដំណើរការ​បាន​លុះត្រា​​តែ​មាន Remote បញ្ជា រួមផ្សំ និងតួយន្តហោះ​ដែល​មាន​ស្លាបតូច​ៗ ៤ ដែលអាចចាប់កាមេរ៉ាបាន។

លោកបន្តថា សម្រាប់កាមេរ៉ាគឺមានទំហំ ១៤ មេហ្គាភីសែលអាចថតយករូបភាព និង វីដេអូលើអាកាសក្នុងកំរិត Full HD ច្បាស់បំផុត។ ដោយការចាប់យករូបភាពនេះគឺអាចមើលផ្ទាល់តាមរយៈ Smartphone ឬ Tablet ដែលដើរដោយប្រព័ន្ធប្រតិបត្តិការ iOS និង Android។

អ្វីដែលពិសេសគឺមានបំពាក់ GPS ដែលអាចហោះ​ថត​បាន​ក្នុង​រយៈពេល ២៤ នាទី បន្ទាប់​មក​នឹង​ត្រលប់​មក​ទីតាំង​ដើម​ដោយ​ស្វ័យប្រវត្តិ។

បើប្រិយមិត្តចាប់អារម្មណ៏អាចទិញបានតម្លៃលក់ក្នុងពិព័រណ៏បច្ចេកវិទ្យាគឺប្រហែល ១.៣៧០ ដុល្លារ។ ព័ត៌មាន​បន្ថែម​អាច​ទំនាក់ទំនង​តាម​លេខ ០២៣ ៩៨៨ ១៧៧៕

អត្ថបទ៖ ដារ៉ាឆានី