Huawei ជាដៃគូឧបត្ថម្ភធំពិព័រណ៍បច្ចេកវិទ្យា ITET 2014

2014-11-14 22:50:41
ព័ត៌មាន

2014-11-14 22:50:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Huawei ជាដៃគូដ៏សំខាន់ក្នុងការឧបត្ថម្ភនៅក្នុងពិព័រណ៍បច្ចេកវិទ្យាអេឡិចត្រូនិក និងទូរគមនាគមន៍អន្តរជាតិ ឆ្នាំ ២០១៤ (ITET 2014)។

លោក Cary Yang នាយកប្រតិបត្តិក្រុមហ៊ុន Huawei ប្រចាំនៅកម្ពុជាបានឲ្យដឹងថា ការឧបត្ថម្ភចំពោះដំណើរការរៀបចំពិព័រណ៍ ITET 2014 នេះជាផ្នែកមួយនៃការបន្តកិច្ចខិតខំប្រឹងប្រែងរបស់ក្រុមហ៊ុន ដើម្បីគាំទ្រដល់វិស័យឧស្សាហកម្មបច្ចេកវិទ្យាព័ត៌មាននៅក្នុងប្រទេសកម្ពុជា។

លោកបានលើកឡើងបន្តថា ដោយបានធ្វើប្រតិបត្តិការនៅក្នុងប្រទេសកម្ពុជា អស់រយៈពេលជាង ១៥ ឆ្នាំ ក្រុមហ៊ុន Huawei តែងតែគាំទ្រសម្រាប់ការចូលរួមចំណែកជំរុញនិងអភិវឌ្ឍវិស័យបច្ចេកវិទ្យារបស់ប្រទេសកម្ពុជា ឲ្យកាន់តែរីកចម្រើនបន្ថែមទៀត។

សហព័ន្ធបច្ចេកវិទ្យាកម្ពុជា (ICTF) បានរៀបចំព្រឹត្ដិការណ៍អន្ដរជាតិដ៏ធំ ITET នៅមជ្ឈមណ្ឌលសន្និបាទ និងពិព័រណ៍កោះពេជ្រ។ ពិព័រណ៍នេះបង្កើតឡើងក្នុងគោលបំណងលើកកម្ពស់វិស័យ ICT នៅកម្ពុជា ដែលនឹងជួយឱ្យប្រជាជនកម្ពុជាអាចភ្ជាប់ទំនាក់ទំនងជាមួយពិភពលោកបានកាន់តែងាយស្រួល។

ពិព័រណ៍ព័ត៌មានបច្ចេកវិទ្យានិងទូរគមនាគមន៍កម្ពុជាមានការចូលរួមឧបត្ថម្ភពីបណ្តាដៃគូឧបត្ថម្ភនានា ដោយក្នុងចំណោមនោះដៃគូឧបត្ថម្ភធំមានដូចជា ក្រុមហ៊ុន Huawei Technology, ក្រុមហ៊ុន Metfone, Sabay Digital និងក្រុមហ៊ុន Sony។