- 2017-11-14 11:50:00
- ព័ត៌មាន
ការស្រាវជ្រាវ៖ សារជាតិពុល CO2 ក្នុងឆ្នាំ ២០១៧ កើនឡើងដល់ ២%
- 2017-11-14 11:50:00
- ចំនួនមតិ 0 | ចំនួនចែករំលែក 0
ការស្រាវជ្រាវ៖ សារជាតិពុល CO2 ក្នុងឆ្នាំ ២០១៧ កើនឡើងដល់ ២%
ចន្លោះមិនឃើញ
ការបំភាយកាបូនឌីអុកស៊ីត CO2 នៅទូទាំងសកលលោកត្រូវគេរំពឹងថានឹងកើនឡើង ២% ក្នុងឆ្នាំ ២០១៧ ពោលគឺជាតួលេខគួរឱ្យភ្ញាក់ផ្អើលមួយខណៈកាលពី ៣ ឆ្នាំមុនតួលេខមិនកើននោះទេ។ នេះបើយោងតាមការសិក្សាស្រាវជ្រាវមួយចេញផ្សាយកាលពីថ្ងៃចន្ទម្សិលមិញនេះ។
ការព្យាករណ៍គួរឱ្យភ័យខ្លាចពីការបំភាយ CO2 ប្រចាំឆ្នាំ ២០១៧ គឺត្រូវបានបង្ហាញក្នុងរបាយការណ៍ថ្មីដោយ Global Carbon Project (GCP) ដែលជាក្រុមហ៊ុនស្រាវជ្រាវអន្តរជាតិមួយ។
តាមរបាយការណ៍ឱ្យដឹងថា ការបំភាយ CO2 ទូទាំងសកលលោកបណ្តាលមកពីសកម្មភាពរបស់មនុស្សទាំងស្រុងនឹងឈានដល់ ៤១ ពាន់លានតោននៅដំណាច់ឆ្នាំ ២០១៧ ហើយការបំភាយមកពីចំហេះឥន្ធនៈត្រូវគេកំណត់ថានឹងហក់ឡើងខ្ពស់ដែរ ។ កាលពីមុនអ្នកស្រាវជ្រាវសង្ឈឹមថាការបំភាយនេះមិនយូរប៉ុន្មានអាចនឹងឈានដល់ចំណុចខ្ពស់មួយបន្ទាប់ពីតួលេខនៃការបំភាយបាននៅទ្រឹងអស់រយៈពេលបីឆ្នាំមកហើយ។
យ៉ាងណាក៏ដោយរបាយការណ៍ថ្មីនេះផ្តល់នូវសារគួរឱ្យបារម្ភមួយដល់មនុស្សជាតិ ។ លោកសាស្រ្តាចារ្យដឹកនាំការស្រាវជ្រាវលោក Corinne Le Quere នៅសកលវិទ្យាល័យ University of East Anglia និយាយថា ក្នុងរយៈពេល ៥ ឆ្នាំទៀត យើងនឹងជម្រុញឱ្យការបំភាយឱ្យថយចុះជាបន្តបន្ទាប់ដើម្បីបង្ហាញពីបម្រែបម្រួលអាកាសធាតុ និងកំណត់ពីផលប៉ះពាល់របស់វា៕