- 2020-01-28 08:39:54
- ព័ត៌មាន
ទីបំផុតដឹងថ្ងៃចាប់កំណើត កំពូលស្មាតហ្វូនលំដាប់ថវិកាថ្មី
- 2020-01-28 08:39:54
- ចំនួនមតិ 0 | ចំនួនចែករំលែក 0
ទីបំផុតដឹងថ្ងៃចាប់កំណើត កំពូលស្មាតហ្វូនលំដាប់ថវិកាថ្មី
ចន្លោះមិនឃើញ
Pocophone F1 ជាស្មាតហ្វូនលំដាប់ថវិកាមួយ ដែលចេញលក់កាលពីឆ្នាំ ២០១៨ និងទទួលបានការគាំទ្រខ្លាំង ដោយសារវាមានលក្ខណៈសម្បត្តិកំពូលៗដូចជាប្រើឈីប Snapdragon 845 ជាដើម។ នៅឆ្នាំ ២០១៩ គ្រប់គ្នាបានទន្ទឹងរង់ចាំអ្នកស្នងតំណែង Pocophone F1 នេះ ប៉ុន្តែមិនបានឮដំណឹងពី Xiaomi នោះឡើយ ពេលមួយឆ្នាំ ២០១៩។
យ៉ាងណាក្ដីនៅឆ្នាំ ២០២០ នឹងមានការបញ្ចេញត្រកូល Poco ជំនាន់ថ្មី បន្ទាប់ពី Xiaomi បានសម្រេចបំបែក Poco ចេញ ឲ្យក្លាយជាម៉ាកទូរសព្ទឯករាជ្យមួយ។ ស្មាតហ្វូន Poco ដំបូងប្រចាំឆ្នាំ ២០២០ នេះដែរ នឹងត្រូវប្រកាសចេញជាផ្លូវការនាថ្ងៃទី ៤ ខែកុម្ភៈ ជាម៉ូដែល Poco X2។
ផ្អែកតាម Teaser ដែលបង្ហាញចេញ គេអាចដឹងថា Poco X2 នឹងមានកម្រិត Refresh Rate នៃអេក្រង់ខ្ពស់ អាចមានដល់ ១២០Hz។ បន្ទាប់មកគឺតម្រុយទាក់ទងនឹងទំហំ Sensor នៃកាមេរ៉ា ដែលវាទំនងជាមានទំហំ ៦៤MP ជាប្រភេទ IMX686។
បន្ទាប់មកទៀតគឺការឲ្យតម្រុយទាក់ទងនឹងបន្ទះឈីប ដោយចចាមអារ៉ាមកន្លងមកគឺបាញ់សំដៅទៅបន្ទះឈីប Snapdragon 765G។ ចុងក្រោយគឺ Teaser ដែលមានរំឭកអំពីប្រព័ន្ធបញ្ចុះកម្ដៅដោយទឹក និងសាកថ្មបានលឿនផងដែរ៕
