- 2019-12-25 02:14:27
- ព័ត៌មាន
ស្មាតហ្វូនមានកាមេរ៉ាកាន់តែច្រើន ធ្វើឲ្យ SONY កាន់តែវីវក់
- 2019-12-25 02:14:27
- ចំនួនមតិ 0 | ចំនួនចែករំលែក 0
ស្មាតហ្វូនមានកាមេរ៉ាកាន់តែច្រើន ធ្វើឲ្យ SONY កាន់តែវីវក់
ចន្លោះមិនឃើញ
សហគ្រាសស្មាតហ្វូនបានដំឡើងកាមេរ៉ាកាន់តែច្រើនគ្រាប់នៅក្នុងរយៈពេល ២ ឆ្នាំចុងក្រោយ។ ទំនោរនេះមានន័យថា Sensor នៃកាមេរ៉ាលើស្មាតហ្វូន ត្រូវផលិតកាន់តែច្រើនលើសមុន ហើយស្ដេចផលិត Sensor គឺ SONY និយាយថាខ្លួនមិនអាចបំពេញនូវតម្រូវការបានឡើយ។
SONY និយាយថារោងចក្រផលិត Sensor រូបភាពរបស់ខ្លួន កំពុងធ្វើការទាំងនៅថ្ងៃឈប់សម្រាក រយៈពេល ២ ឆ្នាំជាប់គ្នាមកហើយ។ នេះក៏ដោយសារចង់បំពេញឲ្យបាននូវតម្រូវនៃ Sensor សម្រាប់ស្មាតហ្វូន ខណៈដែលក្រុមហ៊ុនបានបង្កើនការចំណាយទ្វេដងនៅឆ្នាំ ២០១៩ នេះ សម្រាប់ទ្រទ្រង់ការផលិត។ ក្រុមហ៊ុនក៏កំពុងសាងសង់រោងចក្រថ្មី ដែលគ្រោងនឹងចាប់ផ្ដើមការផលិតនៅខែមេសា ឆ្នាំ ២០២១។
ប៉ុន្តែលោក Terushi Shimizu ជាប្រធានផ្នែកនៃ SONY Semiconductor និយាយថា បង្កើតរោងចក្រថ្មីក៏ប្រហែលជាមិនអាចផលិតគ្រប់តាមតម្រូវនោះទេ។ លោកនិយាយថា ៖ "បើមើលលើអ្វីដែលកំពុងកើតឡើង ទោះបីជាមានការបណ្ដាក់ទុនពង្រីកទំហំផលិត វាក៏ប្រហែលជានៅតែមិនគ្រប់គ្រាន់ដែរ។ យើងបានធ្វើការសុំទោសដល់អតិថិជន ដោយសារយើងមិនអាចផលិតបានគ្រប់៕”
ចុចអាន ៖ Pixel 4 បានពានស្មាតហ្វូនអន់បំផុតប្រចាំឆ្នាំ ខណៈម៉ូឌែលល្អដាច់គេធ្លាក់លើក្រុមហ៊ុនចិន
