- 2019-08-21 01:46:51
- ព័ត៌មាន
ដង្គុំកាមេរ៉ា iPhone 11 ចាប់ផ្ដើមផលិតឡើងហើយ
- 2019-08-21 01:46:51
- ចំនួនមតិ 0 | ចំនួនចែករំលែក 0
ដង្គុំកាមេរ៉ា iPhone 11 ចាប់ផ្ដើមផលិតឡើងហើយ
ចន្លោះមិនឃើញ
LG Innotek បានរាយការណ៍ថា បានចាប់ផ្ដើមការផលិតដង្គុំកាមេរ៉ាសម្រាប់ iPhone ឆ្នាំ ២០១៩។ ដើម្បីបំពេញតម្រូវការរបស់ Apple ក្រុមហ៊ុននេះ បានបង្កើនចំនួនបុគ្គលិក ៤ ដង ចាប់តាំងពីខែមីនាមក។
វាដូចគ្នានឹងឆ្នាំមុនដែរ ដោយ LG គឺជាដៃគូផ្គត់ផ្គង់ធំមួយរបស់ Apple ផ្ដល់ជូននូវដង្គុំសម្រាប់កាមេរ៉ាខាងក្រោយ, កាមេរ៉ាមុខ និងប្រព័ន្ធកាមេរ៉ា TrueDepth ដែលប្រើជាមួយមុខងារ FaceID។ ETNews បានចុះផ្សាយថា នៅត្រីមាសទី ២ ឆ្នាំ ២០១៨ ក្រុមហ៊ុនបានបង្កើនចំនួនបុគ្គលិកធ្វើការរយៈពេលខ្លី ពី ៦១២ នាក់នៅខែមីនា ឡើងដល់ ៣ ៣៩៦ នាក់ នៅចុងខែកញ្ញា ដើម្បីបំពេញតម្រូវការ iPhone ឆ្នាំមុន។
ជាលទ្ធផលនៅត្រីមាសទី ៣ ឆ្នាំ ២០១៨ ក្រុមហ៊ុន LG Innotek អាចបង្កើតបានកំណត់ត្រាខ្ពស់មួយ។ ក្រុមហ៊ុនអាចរកចំណូលបាន ១,៩១ ពាន់លានដុល្លារ ជាមួយប្រាក់ចំណេញ ១០៧ លានដុល្លារ។
ឆ្នាំ ២០១៩ នេះ LG អាចនឹងទទួលបានផលកាន់តែល្អ ដោយ iPhone ស៊េរីថ្មី រំពឹងថានឹងមានបន្ថែមកាមេរ៉ាលើសមុខមួយគ្រាប់។ នេះមានន័យថាតម្លៃនៃដង្គុំកាមេរ៉ា អាចនឹងឡើងថ្លៃផងដែរ៕
ចុចអាន ៖ សប្ដាហ៍មុន ធ្លាយមួយទំហឹងដំណឹងជុំវិញ iPhone ចេញឆ្នាំ ២០១៩