- 2019-06-12 02:35:47
- ផលិតផលថ្មី
ផ្លូវការ! Mi Band 4 វិវត្តឡើងអេក្រង់ពណ៌ ងូតទឹកបានជម្រៅ ៥០ ម៉ែត្រធូរថ្លៃត្រឹម ២៥ ដុល្លារ
- 2019-06-12 02:35:47
- ចំនួនមតិ 0 | ចំនួនចែករំលែក 0
ផ្លូវការ! Mi Band 4 វិវត្តឡើងអេក្រង់ពណ៌ ងូតទឹកបានជម្រៅ ៥០ ម៉ែត្រធូរថ្លៃត្រឹម ២៥ ដុល្លារ
ចន្លោះមិនឃើញ
ក្រុមហ៊ុន Xiaomi បានប្រកាសជាផ្លូវការឧបករណ៍ពាក់ជាប់នឹងដៃ Mi Band 4 កាលពីយប់មិញនៅឯប្រទេសចិន ដែលជំនាន់ក្រោយនេះមានការវិវត្តច្រើន គួបផ្សំតម្លៃនៅរក្សាថេរដដែល។
ប្រភេទ Smartband ឆ្លាតវៃសេរ៊ីឆ្នាំ ២០១៩ មានប្រើប្រាស់អេក្រង់ AMOLED ទំហំ ០,៩៥ អ៊ីញ នៅកម្រិតបង្ហាញ ១២០ x ២៤០ ភីកសែល ស្រោបដោយកញ្ចក់ការពារឆ្កូត 2.5D។ ច្នៃទាក់ភ្នែកជាមួយការផ្លាស់ប្តូរ Themes ទាំង ៧៧ និងជម្រើសខ្សែផ្លូវការ ៨ ប្រភេទ (រួមបញ្ចូលទាំងខ្សែ Avenger)។
Mi Band 4 វិវត្តការតាមដានសកម្មភាពមួយចំនួនរបស់អ្នកប្រើ តាមរយៈខ្សែអ័ក្សទាំង ៦ មិនថាតែអំឡុងពេលហែលទឹក ពោលគឺអាចងូតទឹកបានដល់ជម្រៅ ៥០ ម៉ែត្រឯណោះ។ លើសពីនេះក៏មានបង្កប់នូវប្រព័ន្ធស្រូបសំឡេងដើម្បីដំណើរការមុខងារបញ្ជាដោយសំឡេង Xiao AI ថែមទៀតផង។
គាំទ្រប្រព័ន្ធ Bluetooth 5.0 ដោយថាមពលថ្មកាន់បាន ១៥ ថ្ងៃសម្រាប់ជំនាន់ NFC និង ២០ ថ្ងៃពេញសម្រាប់ជំនាន់ធម្មតា។ មានជម្រើសខ្សែប្លែកៗដូចជាខ្មៅ, ត្នោត, ខៀវ, ទឹកក្រូច និងផ្កាឈូកជាដើម។
ស្ថិតក្នុង ៣ ជម្រើសដោយជំនាន់ Mi Band 4 ធម្មតាតម្លៃ ២៤ ដុល្លារ ស្របពេលជំនាន់ NFC តម្លៃ ៣៣ ដុល្លារ និងជំនាន់ពិសេស Avenger Limited Edition ថ្លៃ ៥០ ដុល្លារ ។ ការបើកលក់ក្នុងប្រទេសចិន នឹងធ្វើឡើងនៅថ្ងៃទី ១៦ មិថុនា ខណៈដំណឹងលម្អិតលើទីផ្សារសកលមិនទាន់ត្រូវបានបង្ហើបនៅឡើយ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: