ទំហំទិន្នន័យអ៊ីនធឺណិតតាមស្មាតហ្វូនជាមធ្យមប៉ុន្មានទើបសមនឹងអ្នក?

2017-12-29 03:04:35
គន្លឹះ

2017-12-29 03:04:35
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នអ្នកអាចប្រើទិន្នន័យអ៊ីនធឺណិតគ្រប់ទីកន្លែង ដោយគម្រោងទិន្នន័យពីក្រុមហ៊ុនសេវាទូរសព្ទផ្តល់ឲ្យមានតម្លៃសមរម្យ។ យ៉ាងណាមិញ អ្នកគួរប្រាកដថាអ្នកមានគ្រប់គ្រាន់សម្រាប់ប្រើប្រាស់ ដើម្បីកុំឲ្យចំណាយលើសការប្រើ។ គម្រោងទិន្នន័យក្នុងការជ្រើសរើស អាស្រ័យលើលក្ខណៈប្រើទិន្នន័យរបស់អ្នក។ បើអ្នកគ្រាន់តែប្រើសម្រាប់បើកអ៊ីមែល និងបណ្ដាញសង្គម អ្នកប្រហែលជាអាចប្រើគម្រោងទិន្នន័យតូចៗបាន។ បើអ្នកប្រើក្នុងការលេងហ្គេមអនឡាញ ឬមើលវីដេអូ អ្នកប្រហែលជាត្រូវប្រើគម្រោងទិន្នន័យធំបន្តិច ឬគ្មានដែនកំណត់។ អ្នកអាចពិនិត្យមើលការប្រើទិន្នន័យទូទៅជាមធ្យមនៅខាងក្រោម។

តើទិន្នន័យចំនួនប៉ុន្មានអ្នកប្រើ?

ប្រសិនបើការប្រើទិន្នន័យអ្នកមានដែនកំណត់ នោះ Wi-Fi ជាជម្រើសមួយដ៏ល្អដោយក្រោយភ្ជាប់នឹងមិនប៉ះពាល់ទិន្នន័យពី 3G ឬ 4G ប្រចាំខែរបស់អ្នកនោះទេ ហើយអ្នកអាចមើលវីដេអូ ទាញយកកម្មវិធី ឬចម្រៀង មើលអ៊ីមែល និងការងារមួយចំនួនទៀត។

ការប្រើបណ្ដាញសង្គម

ការមើលព័ត៌មានថ្មីៗពី Facebook ចំណាយជាមធ្យម ៥០KB រាល់ពេលអ្នកបើកកម្មវិធី, Twitter ចំណាយប្រហែល ៧០KB ខណៈ Instagram អាចចំណាយពី ៣០KB ទៅ ១៥០KB ក្នុងរូបភាពនីមួយៗ។ ការបង្ហោះព័ត៌មានរបស់អ្នកអាចប្រើទិន្នន័យច្រើនជាងមើលព័ត៌មានថ្មីៗ។ ប្រសិនបើអ្នកបង្ហោះ ១០ដង ក្នុងមួយថ្ងៃ អ្នកត្រូវការប្រើ ០,០៧GB ក្នុងមួយខែ ហើយបើបង្ហោះ ២០០ដងក្នុងមួយថ្ងៃត្រូវការប្រើ ១,៤៣GB ក្នុងមួយខែ។

ការបើកគេហទំព័រ

ប្រសិនបើអ្នកបើកគេហទំព័រលើស្មាតហ្វូនអាចជួយសន្សំសំចៃទិន្នន័យបានខ្លះដែរ ដោយសារទំហំតូច។ រាល់គេហទំព័រមានភាពខុសគ្នា ចំនួនទិន្នន័យអ្នកប្រើក៏ខ្ពស់តាមនោះដែរ ប្រសិនបើទំព័រមានរូបភាព ឬវីដេអូច្រើន។ ប្រសិនបើអ្នកបើកទំព័រល្មមៗលើទូរសព្ទ អ្នកប្រហែលជាត្រូវការទិន្នន័យប្រហែល ១០០MB ក្នុងមួយខែ តែបើបើកទំព័រធំៗ អ្នកប្រហែលជាត្រូវការទិន្នន័យប្រហែលជា ១GB។

ការប្រើអ៊ីមែល

អ៊ីមែលប្រហែលជាមានការប្រើច្រើនលើទូរសព្ទ ដោយសារប្រើបានរហ័ស។ ប្រសិនបើអ្នកបញ្ជូនសារ ៥០០ ក្នុងមួយថ្ងៃ អ្នកប្រហែលជាត្រូវការទិន្នន័យ ០,៥GB នៅចុងខែ ហើយបើបញ្ជូនតែ ១០ ឬ ២០ ប្រហែលជាត្រូវការ ០,០២GB សម្រាប់មួយខែ ដោយសារទាំងនោះជាអក្សរសុទ្ធ។

ការបញ្ជូនអ៊ីមែលជាអក្សរ ឬរូបភាព មានភាពខុសគ្នាធំមួយដែរ ប្រសិនបើអ្នកបញ្ជូនសារ ៥ ០០០ ដោយមានរូបភាពមួយៗ អ្នកប្រហែលជាត្រូវការទិន្នន័យ ២GB ក្នុងមួយខែ។ យ៉ាងណាមិញ ភាគច្រើនអ្នកប្រហែលជាមិនផ្ញើរសារមានរូបភាពច្រើននោះទេ ដូច្នេះទិន្នន័យប្រើប្រហែលជា ១០០MB ក្នុងការផ្ញើរពីរ ឬបីជាមួយរូបភាពក្នុងមួយថ្ងៃ។

ការស្តាប់ចម្រៀងលើអ៊ីនធឺណិត

ការស្តាប់សំឡេងលើអ៊ីនធឺណិត អាចចំណាយទិន្នន័យច្រើន ប្រសិនបើអ្នកបើក ២ម៉ោងរាល់ថ្ងៃ អ្នកនឹងប្រើទិន្នន័យប្រហែលជា ៣,៥GB ក្នុងមួយខែ ហើយពេលខ្លះអាចស្តាប់ច្រើនជាងពីរម៉ោង ដូច្នេះអ្នកប្រហែលត្រៀម ៦GB ក្នុងមួយខែ។ យល់ល្អគួរភ្ជាប់ Wi-Fi ក្នុងការស្តាប់តន្ត្រីលើអ៊ីនធឺណិត អាចជួយសន្សំសំចៃបានច្រើនដែរ។

ការមើលវីដេអូ

ពេលអ្នកមើលវីដេអូលើ Youtube ៦០នាទីលើកម្រិតគុណភាពស្តង់ដារមួយអាច 360p ឬ 480p អ្នកត្រូវការប្រើទិន្នន័យប្រហែលជា ៨GB ក្នុងមួយខែ ហើយបើមើលកម្រិត HD អាចដល់ទៅ ៣០GB ក្នុងមួយខែ ដែល Wi-Fi ជាជម្រើសល្អបំផុតក្នុងការភ្ជាប់ប្រើលើសកម្មភាពនេះ។

ការលេងហ្គេម

ការលេងហ្គេមលើទូរសព្ទមានការនិយមច្រើន ដោយ Smartphone អាចប្រើបានជាមួយ 3D graphic និងការលេងជាមួយអ្នកដទៃបាន (Multiplayer)។ ការលេងហ្គេមលើ Online មិនត្រឹមតែចំណាយទិន្នន័យនោះទេ ថ្មក៏ប្រើច្រើនដែរ ប៉ុន្តែទិន្នន័យប្រើពេលលេង ១០នាទី ទៅ ៣០នាទីក៏មិនមានច្រើនខ្លាំងពេកដែរ តែនៅតែល្អបំផុតក្នុងការភ្ជាប់ Wi-Fi បើអ្នកចង់លេងហ្គេមជាមួយមិត្តភក្ដិអ្នក។

ការទាញយក

ពេលអ្នកភ្ជាប់ Wi-Fi អ្នកគួរធ្វើការទាញយកតន្ត្រី ឬវីដេអូទុកក្នុងទូរសព្ទតែម្តង ពេលអ្នកមានដំណើរកំសាន្តផ្លូវឆ្ងាយ ដែលអាចជួយកាត់បន្ថយការប្រើទិន្នន័យអ្នកបាន។ មួយវិញទៀត បើទាញយកដោយប្រើទិន្នន័យទូរសព្ទគួរទាញយកតែ File តូចៗដូចជារូបភាពពីអ៊ីមែល ឬកម្មវិធីថ្មី៕