រវាង MasterCard និង Visa Card គួរប្រើមួយណា? អានចប់នឹងដឹងច្បាស់

2018-05-30 03:01:42
ចំណេះដឹង

2018-05-30 03:01:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលដែលឮពី MasterCard និង Visa ភ្លាមអ្នកទាំងអស់គ្នាប្រាកដជាគិតដល់កាតធនាគារ ដែលអាចធ្វើប្រតិបត្តិការលើអ៊ីនធឺណិត និងក្រៅប្រទេសជាមិនខាន។ មនុស្សមួយភាគធំយល់ច្រឡំថា MasterCard និង Visa ជាធនាគារ ប៉ុន្តែវាមិនមែនជាការពិតទេ។ តាមពិតទៅ MasterCard និង Visa គឺជាក្រុមហ៊ុន ២ ផ្សេងគ្នា ដែលមានប្រតិបត្តិការលើដំណើរការរបស់សាច់ប្រាក់នៅក្នុងគណនីធនាគាររបស់អ្នក។

MasterCard និង Visa ធ្វើការជាមួយនឹងធនាគារ ដែលសហការនៅទូទាំងពិភពលោក ហើយគ្រប់គ្រងលើការប្រតិបត្តិការសាច់ប្រាក់ ដែលត្រូវបានប្រើប្រាស់លើអ៊ីនធឺណិត ឬនៅប្រទេសផ្សេងរបស់ធនាគារនោះ។ នៅពេលដែលអ្នកចង់ចំណាយលើអ្វីមួយ នៅលើអ៊ីនធឺណិត MasterCard និង Visa នឹងធ្វើការផ្ទៀងផ្ទាត់ជាមួយធនាគាររបស់អ្នកថាតើគណនីរបស់អ្នកអាចធ្វើប្រតិបត្តិការបានដែរឬក៏យ៉ាងណា ហើយក៏ទាក់ទងទៅនឹងគេហទំព័រដែលអ្នកចង់ទិញរបស់នោះដែរថាតើគេនឹងទទួលយកការចំណាយតាម MasterCard និង Visa ឬអត់។ ម៉្យាងទៀត MasterCard និង Visa ក៏ផ្ដល់ជាប្រព័ន្ធសុវត្ថិភាព ពេលវាចាប់ធ្វើប្រតិបត្តិការដែរ។

បើនិយាយពីចំណុចខុសគ្នាវិញ MasterCard និង Visa មានមិនច្រើនឡើយ តែវាអាចចែកចេញជា ៣ ចំណុចដូចខាងក្រោមនេះ៖

១. ទីតាំងដែលទទួលយកប្រតិបត្តិការ

MasterCard និង Visa មានប្រតិបត្តិការជាមួយកន្លែងលក់ទំនិញ ឬសេវាកម្ម ដល់ទៅជាង ២០ លាន កន្លែងក្នុង ១៥០ ប្រទេស ឯណោះ។ ចំណុចដែលគួរឲ្យកត់សម្គាល់គឺ អ្នកគួរមើលលើប្រទេសដែលអ្នកចង់ធ្វើដំណើរទៅ ឬលើឥវ៉ាន់ដែលអ្នកចង់ទិញលើ អ៊ីនធឺណិតនោះថាវាប្រើក្រុមហ៊ុនមួយណា MasterCard ឬ Visa ។

២. ប្រព័ន្ធសុវត្ថិភាព

និយាយដល់ប្រព័ន្ធសុវត្ថិភាពវិញ ទាំង Visa និង MasterCard មានផ្ដល់ជា SecureCode Scheme ពីខាង MasterCard និង Verified by Visa scheme ពីខាង Visa។ ប្រព័ន្ធសុវត្ថិភាពទាំង ២ នេះទាមទារឲ្យអ្នកប្រើប្រាស់ត្រូវបញ្ចូលព័ត៌មានរបស់កាត និងលេខសម្ងាត់ជៀសវាងពីការលួចបន្លំ។

៣. ការផ្ដល់ជូនពិសេស

វាជាចំណុចពិសេសមួយ ដែលជួយឲ្យអ្នកងាយជ្រើសរើសរវាង Visa ឬ MasterCard៖

MasterCard ផ្ដល់ការបញ្ចុះតម្លៃជាពិសេស និងសំបុត្រផ្សេងៗដោយមិនគិតថ្លៃ ចំពោះកាត Premium។
Visa មានផលប្រយោជន៍សម្រាប់ ការដើរកម្សាន្ត ញ៉ាំអាហារ និងការបញ្ចុះតម្លៃសម្រាប់ទំនិញ Premium ដែល Visa មានលក់។

ចុចអាន៖

ប្រភព៖ nerdwallet ប្រែសម្រួល៖ ផាត សុវត្ថិ