- 2018-02-28 02:20:49
- ចំណេះដឹង
មាន File រាប់រយ ចង់ផ្លាស់ប្ដូរឈ្មោះម្ដងទាំងអស់ មានទៅអីពិបាក
- 2018-02-28 02:20:49
- ចំនួនមតិ 0 | ចំនួនចែករំលែក 0
មាន File រាប់រយ ចង់ផ្លាស់ប្ដូរឈ្មោះម្ដងទាំងអស់ មានទៅអីពិបាក
ចន្លោះមិនឃើញ
បើអ្នកមាន File ច្រើនរាប់រយ រាប់ពាន់ ដូចជារូបភាពអ្នកបានថតពីកាមេរ៉ា ហើយចង់ផ្លាស់ប្ដូរឈ្មោះ File ជាធម្មតា អ្នកប្រហែលជាប្ដូរឈ្មោះម្ដងមួយៗ។
ដឹងទេនៅលើ Windows អ្នកអាចធ្វើការផ្លាស់ប្ដូរឈ្មោះ File បានច្រើនក្នុងពេលតែមួយ ដោយមានឈ្មោះដូចគ្នា ខុសគ្នាត្រង់មានលេខសម្គាល់នៅពីក្រោយ។
ឬ អ្នកអាចប្រើកម្មវិធីដាច់ដោយឡែក ដើម្បីផ្លាស់ប្ដូរ បានទាំង ឈ្មោះ និង Extension (ប្រភេទ File)។ អ្នកក៏អាចពិនិត្យមើលឈ្មោះដែលបានផ្លាស់ប្ដូរសិន មុនពេលប្ដូរទាំងស្រុងតែម្ដង ដោយអ្នកអាច Undo បាន។
១. រៀបចំ Files
មុខងារផ្លាស់ប្ដូរឈ្មោះម្ដងទាំងអស់ មានចាប់ពីជំនាន់ Window XP តែត្រង់ចំណុចនេះយើងពិនិត្យលើ Windows 10។
បើក File Explorer > ចូល Folder ដែលផ្ទុកនូវរូបភាពជាច្រើន អ្នកចង់ផ្លាស់ប្ដូរឈ្មោះ។
២. ប្ដូរឈ្មោះ Files
ចុចជ្រើសរើស File ទាំងអស់ ចុចប៊ូតុង F2 លើ Keyboard > បញ្ចូលឈ្មោះ អ្នកចង់បាន > ចុចប៊ូតុង Enter លើ Keyboard។
រាល់ Files នឹងធ្វើការផ្លាស់ប្ដូរឈ្មោះដូចទៅនឹងអ្វីអ្នកបានបញ្ចូលទាំងអស់ រួមទាំងលេខក្នុងរង្វង់ក្រចក ដើម្បីសម្គាល់ File ខុសគ្នា។ បើអ្នកមិនពេញចិត្ត អាចចុចប៊ូតុង Ctrl + Z លើ Keyboard ដើម្បី Undo នោះឈ្មោះ File នឹងប្ដូរមកទម្រង់ដើមវិញ។
៣. ប្រើកម្មវិធី File Renamer
វិធីខាងលើសាមញ្ញ តែអ្នកអាចប្រើកម្មវិធីជំនួយក្រៅ ដូចជា File Renamer ក្នុងការផ្លាស់ប្ដូរឈ្មោះ ដោយមានមុខងារបន្ថែមល្អៗ។ កម្មវិធីនេះមានទាំងឥតគិតថ្លៃ និងបង់ថ្លៃ។ អ្នកអាចប្រើជំនាន់ឥតគិតថ្លៃបាន រួចបើអ្នកពេញចិត្តនឹងមុខងារបន្ថែមទៀត អាចចំណាយតាមក្រោយ។
៤. ការប្ដូរឈ្មោះ
ដំបូង អ្នកអាចទាញយក និងដំឡើង File Renamer > បើកកម្មវិធី។ Interface មើលទៅដំបូងរាងពិបាកបន្តិច តែក្រោយអ្នកប្រើរួច អ្នកនឹងមានអារម្មណ៍ថាស្រួលប្រើ។
អ្នកចូលទៅកាន់ Folder ដែលផ្ទុករាល់ File។ អ្នកនឹងឃើញរាល់ Files ត្រូវបានជ្រើសរើស។ ត្រង់ផ្នែក Filename ចុចលើប្រអប់ ជ្រើសយក Custom Filename > វាយបញ្ចូលឈ្មោះអ្នកចង់ប្ដូរ > ចុចដោះសញ្ញាធីកចេញពីប្រអប់មុខ Include រួចចុចលើប្រអប់សញ្ញាធីកមុខ Include ម្ដងទៀត។
អ្នកនឹងឃើញឈ្មោះថ្មី អ្នកចង់ប្ដូរបង្ហាញលើកម្មវិធី។
៥. ប្រើ Unique Parameter
ត្រង់ផ្នែក Unique Parameter យើងអាចបន្ថែមលេខ អក្សរ ឬកាលបរិច្ឆេទទៅកាន់ឈ្មោះ File។ ដើម្បីឲ្យសាមញ្ញ ត្រង់នេះគ្រាន់តែបន្ថែមលេខ។
៦. Preview
ដោយសារ ទីនេះមាន File ត្រឹមរាប់រយ ដូច្នេះអាចផ្លាស់ប្ដូរត្រង់ Mask ពី ០០០០ ទៅ ០០០។ ចំណែក Extension ទុកនៅដដែល។ បន្ទាប់មក ពិនិត្យមើលឈ្មោះ File ត្រង់ Sample File Name ដើម្បីប្រាកដថាត្រឹមត្រូវ > ចុចលើប៊ូតុង Preview ដើម្បីមើលឈ្មោះថ្មី File នីមួយៗ។
៧. Apply
បើអ្នកពេញចិត្តនឹងឈ្មោះថ្មី អ្នកអាចចុចប៊ូតុង Apply ដើម្បីប្ដូរឈ្មោះ File។ អ្នកប្រហែលជាឃើញមានប៊ូតុង Undo សម្រាប់ថយក្រោយការប្ដូររបស់អ្នកមកទម្រង់ដើមវិញ។
តែ មុខងារ Undo នេះអាចប្រើបានតែលើជំនាន់បង់លុយប៉ុណ្ណោះ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ