ក្រុមហ៊ុន Apple ធ្លាប់​បាន​ប្រកាស​​ថា iPhone 6/6 Plus មាន​ដែល​មាន​ទំហំ​កាមេរ៉ា​ក្រោយ​ 8MP អាច​ថត​រូបភាព ​និង​វីដេអូ​បាន​ច្បាស់​ជាង Smartphone ដទៃ​​​ដាច់​​។ ចំណែក​​ក្រុមហ៊ុន​ Samsung ឯនេះ​វិញ​ក៏​បាន​ប្រកាស​ថា​​ Galaxy S6 និង S6 Edge មាន​កាមេរ៉ា​ក្រោយ 16MP ពិត​ជា​អាច​ថត​រូប​បាន​ច្បាស់​មាន​គុណភាព​ខ្ពស់ ជាពិសេស​គឺ​ការ​ថតរូប​នៅ​ទី​ងងឹត​​​បាន​​ភ្លឺ​ច្បាស់​ជាង Smartphone ដទៃ​រួម​ទាំង iPhone 6/6 Plus។​

ក្រុមហ៊ុន Samsung បាន​បង្កើន​ការ​ផលិត​ Galaxy S6/S6 Edge វាយលុក​ទីផ្សារ​ ដើម្បី​​​ស្រោច​ស្រង់​ប្រាក់​ចំណូល​ ដែល​បាន​ខាត​បង់​កាល​ពី​ត្រីមាស​កន្លង​ទៅ។ នេះ​បើ​តាម​ភ្នាក់ងារ​សារព័ត៌មាន​​ the Electronic Times។

Galaxy S6 និង S6 edge ស្មាត​ហ្វូន​ជំនាន់​ចុងក្រោយ​របស់ Samsung ដែល​ទើប​តែ​ប្រកាស​កាល​ពី​សប្ដាហ៍​មុន​នេះ ពេល​នេះ​ទទួល​បាន​ការ​​បញ្ជា​ទិញចំនួន២០​លាន​គ្រឿងពី​បណ្ដា​ក្រុមហ៊ុន​ចែកចាយ​ ដែល​ជា​កំណត់​ត្រា​ថ្មី​របស់ក្រុមហ៊ុន​យក្ស​កូរ៉េ​ខាងត្បូង​មួយ​នេះ។

ក្រោយ​ពេល​ដែល Galaxy S6/S6 Edge ចេញ​ភ្លាម​ មាន​អ្នក​ជំនាញ​ទូរសព្ទ​​ជា​ច្រើន​បាន​យក​ Smartphone ទាំង​ពីរ​ប្រៀប​ជាមួយ​នឹង iPhone 6 ដើម្បី​បង្ហាញ​អំពី​កម្រិត​គុណភាព​រូបភាព​ដែល​បាន​ថត ​និង​រូបរាង​​ប្រណិត​។ ចំណែក​ឯ​ពេល​នេះ​វិបសាយ​បច្ចេកវិទ្យា​ Phonearena បាន​បញ្ចេញ​វីដេអូ​ ប្រៀបធៀប​ល្បឿន​ GS6 Edge និង iPhone 6​ ដើម្បី​ឱ្យ​ដឹង​ថា​មួយ​ណា​លឿន​ជាង​មួយ​ណា​​ចំពោះ​ការ​បើក​កម្មវិធី​សាមញ្ញ​ចំនួន ៦។

Galaxy S6 និង​ S6 Edge ​​កំពុង​តែ​ទទួល​បាន​ការ​​ចាប់​អារម្មណ៍​យ៉ាង​ខ្លាំង​​ ទោះ​បី​មិន​ទាន់​​ចេញ​លក់​​លើ​ទី​ផ្សារ​​ក៏​ដោយ។ Sabay បាន​បង្ហាញ​ប្រិយមិត្ត​ជា​ច្រើន​មក​ហើយ ពី​ទូរសព្ទ​ទាំង​២​ម៉ូដែល​នេះ ប៉ុន្តែ​ថ្ងៃ​នេះ​ប្រិយមិត្ត​នឹង​បាន​ដឹង​​ពី​​មុខ​ងារ ​និង​បច្ចេកវិទ្យា​មួយ​ចំនួន​​ទៀត​ដែល​ S6/S6 Edge ​អាច​ធ្វើ​បាន តែ iPhone មិន​អាច​ធ្វើ​បាន។

Galaxy S6 និង S6 Edge កំពុង​ទទួល​ការ​ពេញ​និយម​យ៉ាង​ខ្លាំង​ ដោយ​សារ​ការ​ផ្លាស់​ប្តូរ​រូបរាង​ពី​ជ័រ​ ទៅ​ជា​អាលុយមីញ៉ូម​យ៉ាង​រលើបរលោង​។ ផ្នែក​ខាង​មុខ​ និង​​ខាង​ក្រោយ​របស់​​ GS6/GS6 Edge ស្រោប​ដោយ កញ្ចក់​ប្រភេទ​ Corning Gorilla Glass 4។ ដោយ​ឡែក​ ចំពោះ​កម្រាស់​វិញ Galaxy S6 Edge ​មាន​កម្រាស់ (៧ម.ម) ​ក្រាស់​​ជាង Galaxy S6 (៦,៨ម.ម) ហើយ​ថាមពល​ថ្ម​របស់​វា​ អាច​ប្រើ​បាន​៤ម៉ោង​ ចំពោះ​ការ​សាក​ថ្ម​រយៈ​ពេល​ ១០នាទី។

កំពូល Smartphone ប្រចាំ​ឆ្នាំ​របស់​ក្រុមហ៊ុន​ Samsung គឺ Galaxy S6 និង S6 Edge អេក្រង់​កោង​សង​ខាង​ ត្រូវ​បាន​ប្រកាស​កាល​ពី​យប់​មិញ ដែល​ពិត​ជា​មាន​រាង​ស្អាត​ ស្តើង​ជាង​ស៊េរី​មុន​ៗ​ដាច់​តែ​ម្តង។