របៀបផ្ញើ និងទទួលសារនៅលើកុំព្យូទ័រ Mac

2017-08-30 02:21:19
គន្លឹះ

2017-08-30 02:21:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាច្រើនឆ្នាំមកនេះកម្មវិធីជាច្រើនដែលមានលើ iPhone និង iPad ក៏បានបង្កើតឲ្យមានលើ Mac ជាមួយនឹងកំណែទម្រង់ MacOS ដោយរួមមាន Notes, Maps, Photos, iBooks និង Messages។ ការប្រើប្រាស់កម្មវិធី Messages លើ Mac យើងអាចបញ្ជូន និងទទួលសារ SMS និង iMessages ដោយមិនចាំបាច់ទាញ iPhone ចេញពីកាបូបនោះទេ។ ជាទូទៅមានពីរប្រភេទផ្សេងគ្នានៅលើសារដែលអ្នកអាចបញ្ជូន និងទទួលលើ Mac ដោយសម្រាប់ iMessage ត្រូវបានបញ្ជូនតាមរយៈ Server របស់ Apple ហើយសារអក្សរធម្មតាត្រូវបានបញ្ជូនតាមរយៈ iPhone។

របៀបបញ្ជូនសារពី Mac

ចុច icon Messages លើ Dock ឬស្វែងរកដោយចុច Cmd + Space ហើយវាយពាក្យ Messages ។
Sign in ដោយប្រើប្រាស់ Apple ID ដែលដូចនឹង iPhone។
ចុចលើ icon New Message នៅក្បែរនឹងប្រអប់ Search
ដាក់ Cursor ក្នុងប្រអប់ To: ហើយវាយនូវលេខទូរសព្ទ ឬអ៊ីមែល សម្រាប់មិត្តភ័ក្ដិដែលអ្នកចង់ទំនាក់ទំនង (អ៊ីមែលគួរសម្រាប់ប្រើជាមួយនឹង iMessage) បន្ទាប់មកចុច Enter។
បើអ្នកបាន Sync នូវ Contacts file ជាមួយនឹង Mac អ្នកគួរតែអាចចុចលើសញ្ញា + ដើម្បីបន្ថែមមនុស្សពី Contacts របស់អ្នក។
ប្រសិនបើមិត្តភ័ក្ដិអ្នកមាន iPhone អ្នកអាចប្រាប់ពួកគេ ព្រោះលេខរបស់ពួកគេនឹងមានប្រអប់ពណ៌ខៀវ ដែលមានន័យថាពួកគេអាចទទួលសារជាអក្សរដោយ iMessage ដែលត្រូវបានបញ្ជូនតាមរយៈ Server របស់ Apple។ ចំណាំថា iMessage បញ្ជូននូវវិធីបែបនេះ ទៅដល់ទូរសព្ទមិត្តភ័ក្ដិអ្នកជាមួយនឹងអ៊ីមែលដែលប្រើក្នុង Apple ID ជៀសជាងលេខទូរសព្ទ ដោយអាស្រ័យលើព័ត៌មាន Contacts ដែលអ្នកបង្កើតលើទូរសព្ទ។
បើមិត្តភ័ក្ដិអ្នកអាចទទួលនូវ iMessage ដោយគ្រាន់តែវាយនូវសារក្នុងប្រអប់ iMessage ហើយពេលអ្នកបានបញ្ចប់ចុច Enter/Return ដើម្បីបញ្ជូនវា។

ពេលអ្នក Login ចូល Apple ID ក្នុង Messages នៅលើ Mac អ្នកនឹងអាចទទួល iMessage ដែលបានបញ្ជូនដោយ iPhone លើ Mac។ សារនេះក៏នឹងបង្ហាញលើ iPhone ផងដែរ។

របៀបបញ្ជូនអក្សរពី Mac ប្រសិនបើមិត្តភ័ក្ដិអ្នកគ្មាន iPhone

ប្រសិនបើមិត្តភ័ក្ដិអ្នកមានប្រភេទទូរសព្ទផ្សេង លេខពួកគេប្រហែលមានប្រអប់ពណ៌ក្រហម ពេលអ្នកបញ្ចូលទៅកាន់ប្រអប់ To: ដែលបង្ហាញថាទូរសព្ទពួកគេមិនទាន់ Register ជាមួយនឹង iMessage។ ប្រសិនបើអ្នកព្យាយាមបញ្ជូនសារជាអក្សរ អ្នកនឹងឃើញផ្ទាំងព័ត៌មាននិយាយថា “Your message could not be sent” មានន័យថាសាររបស់អ្នកមិនអាចបញ្ជូនបានទេ។ ប៉ុន្តែមិនមែនមានន័យថាអ្នកមិនអាចបញ្ជូនសារអក្សរពួកគេបានទេ ដោយអ្នកគ្រាន់តែត្រូវការរៀបចំលើ Mac បន្ថែមដូច្នេះវាអាចបញ្ជូនសារតាម iPhone បាន។ អ្នកអាចអនុវត្តតាមវិធីដូចខាងក្រោម៖

ប្រាកដថាអ្នក Sign in ចូល iCloud លើ Mac និង iPhone ដោយប្រើប្រាស់ Apple ID តែមួយ។
លើ Mac ចូលទៅកាន់ System Preferences > iCloud ហើយ Sign in ដោយប្រើប្រាស់ផ្ទាំង Apple login details។
លើ iPhone អ្នកប្រហែលជាចង់ពិនិត្យមើល Apple ID ដែលអ្នកប្រើប្រាស់ដូចគ្នាឬអត់ ដោយចូលទៅកាន់ Settings > iCloud។
បើកកម្មវិធី Message លើ Mac
ចូលទៅកាន់ Settings > Messages លើ iPhone ហើយចុចលើ Text Messages Forwarding។
អ្នកនឹងឃើញ Mac ក្នុងបញ្ជីជាមួយនឹងប៊ូតុងបិទ បើក Slider ក្បែរនោះ។ ដើម្បីអាចឲ្យ Mac បញ្ជូន និងទទួលសារអក្សរគ្រាន់តែចុចប្ដូរ Slider ទៅជាពណ៌បៃតង។
នឹងឃើញផ្ទាំងសារមួយ ហើយបញ្ចូលកូដ ដែលបានបង្ហាញលើ Mac ដើម្បីឲ្យ iPhone ក៏អាចបញ្ជូន និងទទួលសារលើ Mac បាន បន្ទាប់មករង់ចាំសម្រាប់ Device ធ្វើការផ្ទៀងផ្ទាត់។
ឥលូវពេលអ្នកបន្ថែមលេខទូរសព្ទមិត្តភ័ក្ដិអ្នកដែលមិនប្រើ iPhone វានឹងមានប្រអប់ពណ៌បៃតង ដែលបង្ហាញថាអ្នកអាចបញ្ជូនសារជាអក្សរ។

របៀបទទួលសារអក្សរលើ Mac

ដើម្បីទទួលសារជាអក្សរ (បានបញ្ជូនពីអ្នកដែលមិនប្រើ iPhone) លើ Mac អ្នកត្រូវការរៀបចំ Mac និង iPhone ដូចដែលបានរៀបរាប់ខាងលើ ដែលមានទាក់ទងនឹងការ Log in ចូលក្នុង Mac ជាមួយនឹង Apple ID ក្នុង System Preference ហើយរៀបចំសារជាអក្សរទៅលើ iPhone ក្នុង Settings > Messages៕