តួ​លេខ​អ្នក​ប្រើប្រាស់​សរុប​នៃ​បណ្ដាញ​សង្គម​ ​Instagram​ ​បាន​កើន​ដល់​ ​៧០០​លានគណនី​ ​ដោយ​គិត​ត្រឹម​ថ្ងៃ១៧​ ​មេសា​ ​២០១៧​ ។​ ​ទន្ទឹម​នេះ​​ ​Sabay​ ​ជឿ​ថា​មាន​យុវវ័យ​កម្ពុជា​ជា​ច្រើន​ ​បាន​កំពុង​ប្រើប្រាស់​វា​ប្រចាំ។

យ៉ាងណាមិញ​តាម​ការ​សង្កេត​មើល​ ​Instagram​ ​ឫ​និយម​ហៅ​កាត់​ថា​ ​IG​ ​​មាន​តិចនិក​ពិសេស​ ​១១​ ​ យ៉ាង​ ​ដែល​មាន​អ្នក​លេង​តិច​បំផុត​មាន​ជំនាញ​ក្នុង​ការ​ប្រើប្រាស់​វា។ ចង់​ដឹង​តិចនិក​ពិសេស​ទាំង​នោះ​មាន​អ្វី​ខ្លះ​ ​តោះ​អាន​ទាំង​អស់​គ្នា​ ​៖

១. មើល​ការ​បង្ហាញ​រាល់​ផុស​ទាំង​អស់​ ​ដែល​អ្នក​បាន​ Like :

​​​​ជា​ទូទៅ​ការ​ប្រើប្រាស់​នៅ​ពេល​ដែល​​អ្នក​​ពេញ​ចិត្ត​អ្វី​មួយ​ ​អ្នក​​នឹង​ចុច​ប៊ូតុង​រូប​បេះ​ដូង​ ​ដែល​បញ្ជាក់​ថា អ្នក​​ចូលចិត្ត​​​ការ​ផុស​នោះ។​ ​​ប្រិយមិត្ត​ក៏​អាច​វិល​ត្រលប់​មក​មើល​រាល់​ផុស​ដែល​អ្នក​បាន​ចុច​ ​Like​ ​នា​ពេល​កន្លង​មក​។

• ចុច​ចូល​ ​Profile​ ​ត្រង់​រូប​មនុស្ស​តំណាង​នៅ​ផ្នែក​ខាង​ក្រោម​ ​ចំហៀង​ខាង​ស្ដាំ
• សម្រាប់​ ​iOS​ ​ចុច​លើ​រូប​ខ្ចៅ​តំណាង​ ​Settings​ ​រីឯ​ ​Android​ ​ចុច​លើ​គ្រាប់​មូល​ៗ​ ​៣
• អូស​មក​ក្រោម​ ​រើស​យក​ពាក្យ​ ​Posts You've Liked

២. លុប​ចោល​ប្រវត្តិ​នៃ​ការ​ ​Search :

រាល់​ដង​ ​ដែល​អ្នក​បាន​ ​Search​ ​ស្វែង​រក​ឈ្មោះ​នរណា​ម្នាក់​ ​IG​ ​នឹង​ចាប់​ជាប់​នៅ​ក្នុង​គណនី​ ​ប៉ុន្តែ​អ្នក​ក៏​អាច​ធ្វើ​ការ​លុប​វា​ចោល​ទាំង​អស់​បាន​ដោយ​ងាយ​ស្រួល​បំផុត​។

• ចុច​ចូល​ ​Profile​ ​ត្រង់​រូប​មនុស្ស​តំណាង​នៅ​ផ្នែក​ខាង​ក្រោម​ ​ចំហៀង​ខាង​ស្ដាំ
• សម្រាប់​ ​iOS​ ​ចុច​លើ​រូប​ខ្ចៅ​តំណាង​ ​Settings​ ​រីឯ​ ​Android​ ​ចុច​លើ​គ្រាប់​មូលៗ​ ​៣
• អូស​មក​ក្រោម​ ​រក​ពាក្យ​ ​Clear Search History

៣. ទទួល​ដំណឹង​នៅ​ពេល​គណនី​ឯ​ទៀត​ ​បង្ហោះ​អ្វី​ថ្មី​ :

​ពេល​មនុស្ស​ពិសេស​របស់​អ្នក​ផុស​អ្វី​ថ្មី​ ​អ្នក​តែង​ចង់​ឃើញ​ការ​ផុស​នោះ​មុន​គេ​ហើយ​មែន​ទេ?​

• ចុច​លើ​គណនី​ណា​មួយ​ដែល​អ្នក​ពេញចិត្ត
• ត្រង់​ជ្រុង​ខាង​លើ​ ​ផ្នែក​ខាង​ស្កាំ​ ​ចុច​លើ​រូប​រង្វង់​មូល​ ​៣​ ​គ្រាប់
• រើស​យក​ពាក្យ​ថា​ ​Turn on Post Notificatons

៤. វិធី​បញ្ចូល​ ​និង​ការ​ប្រើ​គណនី​ច្រើន​ក្នុង​ ​IG​ ​តែ​មួយ​ :

អ្នក​មួយ​ចំនួន​បាន​ប្រើប្រាស់​គណនី​ ​IG​ ​ដល់​ទៅ​ពីរ​បី​តែ​ម្នាក់​ឯង​ ​ទុក​មួយ​សម្រាប់​ប្រើប្រាស់​កម្សាន្ត​ មួយ​សម្រាប់​ជំនួញ​អី​អញ្ចឹង​ទៅ។

• ចុច​លើ​រូប​មនុស្ស​តំណាង​នៅ​ជ្រុង​ខាង​ក្រោម​ ​ផ្នែក​ខាង​ស្ដាំ
• សម្រាប់​ ​iOS​ ​ចុច​លើ​រូប​ខ្ចៅ​តំណាង​ ​Settings​ ​រីឯ​ ​Android​ ​ចុច​លើ​គ្រាប់​មូល​ៗ​ ៣
• អូស​មក​ក្រោម​ ​យក​ពាក្យ​ ​Add Account
• បំពេញ​ឈ្មោះ​ ​និង​កូដ​គណនី
• ក្រោយ​ពេល​ធ្វើ​រួច​រាល់​ ​បើ​អ្នក​ចង់​ផ្លាស់​ប្ដូរ​សូម​មើល​ត្រង់​ទីតាំង​ ​Profile​ ​ហើយ​ឈ្មោះ​សម្គាល់​
• ចុច​លើ​នោះ​ ​អ្នក​នឹង​ឃើញ​គណនី​ដែល​អ្នក​បាន​ដាក់​ទាំង​ប៉ុន្មាន​ដូច​រៀប​រាប់​ខាង​លើ

៥. ការ​លុប​ ​Comment :

តាម​ពិត​ទៅ​ការ​ប្រើប្រាស់​មុខងារ​ចាំ​បាច់​បែប​នេះ​ ​មិន​ប្រាកដ​ថា​ងាយ​ស្រួល​ដូច​កម្មវិធី​ ​Facebook ឡើយ​ ​ចំពោះ​ ​IG​ ​អ្នក​អាច​ធ្វើ​បែប​នេះ​បាន​ដូច​គ្នា​ ​ដោយ​ត្រូវ​ ​:

• ចុច​លើ​ ​Comment​ ​នៅ​លើ​ផុស​ណា​មួយ​របស់​អ្នក​
• អូស​ត្រង់​ទីតាំង​ ​Comment​ ​មក​ឆ្វេង
• ចុច​លើ​រូប​ធុង​សំរាម​ជា​ការ​ស្រេច

៦. ការ​ពង្រីក​មើល​ផុស :

• ស្វែងរក​មើល​ផុស​ណា​មួយ​ដែល​អ្នក​ពេញចិត្ត​
• ប្រើ​ម្រាម​ដៃ​ពីរ​ ​អូស​ពង្រីក​ទាញ​ចេញ​ ​(ដូច​យើង​ Zoom រូប​ធម្មតា)

៧. បង្ហោះ​វីដេអូ​កុំ​ឱ្យ​មាន​សំឡេង​ ​:

• ចុច​លើ​រូប​ ​+​ ​(តំណាង​ការ​ផុស)​
• រើស​វីដេអូ​ដែល​អ្នក​ចង់​ផុស​ ​>​ ​Next
• ត្រង់​រូប​សំឡេង​នៅ​ផ្នែក​ខាង​លើ​កណ្ដាល​ ​ចុច​លើ​នោះ​មួយ​ វា​នឹង​ចេញ​ ​Video Sound Off

៨. វិធី​បង្ហោះ​រូប​ចេញ​ពី​ ​Camera Roll​ ​:

​វា​មាន​ ​២​ ​យ៉ាង​ក្នុង​ការ​ផុស​ ​អ្នក​អាច​ចុច​លើ​រូប​ ​+​ ​ខាង​ក្រោម​ហើយ​ផុស​យក​ក៏​បាន​ ​ប៉ុន្តែ​អ្នក​មួយ​ចំនួន​​ទៀត​​ទម្លាប់​អូស​​មក​ស្ដាំ​នៃ​ផ្នែក​អេក្រង់​ ​ហើយ​អ្នក​ខ្លះ​មាន​បញ្ហា​ឆ្ងល់​ត្រង់​ចំណុច​ហ្នឹង​អាច​ផុស​រូប​បាន​ ​ឫ​អត់?

• ទន្ទឹម​នឹង​អ្នក​កំពុង​អូស​មើល​ផុស​ធម្មតា​ > អូស​លើ​ផ្នែក​អេក្រង់​ចំហៀង​ខាង​ឆ្វេង​​មក​ខាង​ស្កាំ
• អ្នក​ឃើញ​មាន​តែ​ការ​ថត​ផ្ទាល់​ ​បើ​ចង់​បង្ហោះ​រូប​ចេញ​ពី​ទូរស័ព្ទ​ ​សូម​អូស​ផ្នែក​ខាង​ក្រោម​អេក្រង់​មក​លើ​
• នោះ​វា​នឹង​បង្ហាញ​រូប​ចេញ​ពី​ទូរស័ព្ទ​អ្នក​ដូច​គ្នា

៩. វិធី​បញ្ចូល​ ​Filter​ ​(កែ​ពណ៌​រូបភាព)​ ​:

អ្នក​លេង​ ​IG​ ​មួយ​ចំនួន​ ​មិន​ថា​ទើប​រៀន​លេង​ថ្មីថ្មោង​ក៏​ដោយ​ ​ប្រាកដ​ជា​ដឹង​ច្បាស់​ ​តើ​ហេតុ​អ្វី​រូបភាព​នៅ​លើ​ ​IG​ ​មួយ​ចំនួន​មាន​ពណ៌​បន្ថែម​ស្រស់​ស្អាត​ម្ល៉េះ?​ ​ចម្លើយ​គឺ​អ្នក​ផុស​បាន​បញ្ចូល​ ​Filter​ ​ពី​កម្មវិធី IG​ ​ផ្ទាល់។

• ចុច​ត្រង់​កន្លែង​បង្ហោះ​រូប​ធម្មតា​ ​ហើយ​រើស​រូប
• អូស​មក​ឆ្វេង​ ​ឫ​អូស​មក​ស្ដាំ
• ភ្លាម​ៗ​អ្នក​នឹង​ឃើញ​ពណ៌​រូបភាព​មាន​ការ​ផ្លាស់ប្ដូរ (Sabay​ ​សូម​និយាយ​ថា​មុខងារ​បន្ថែម​ ​Filter​ ​របស់​ ​IG​ ​គឺ​ពិសេស​ជាង​កម្មវិធី​មួយ​ចំនួន​ទៅ​ទៀត)

១០. Mention​ ​គណនី​អ្នក​ដទៃ​ចូល​មក​ក្នុង​ការ​ផុស​របស់​អ្នក​ ​:

ជា​ទូ​ទៅ​ការ​ផុស​នៅ​លើ​ ​IG​ ​គេ​ច្រើន​ហៅ​ថា​ ​Story​ ​ដែល​មុខងារ​នេះ​វា​មាន​ដូច​ទៅ​នឹង​ ​Facebook​ ​ដែរ ប៉ុន្តែ​នៅ​លើ​ ​Facebook​ ​មិន​ទាន់​មាន​អ្នក​និយម​ប្រើ​ច្រើន។ សម្រាប់​ ​IG​ ​សឹង​តែ​ ​៩០​ ​ភាគរយ​ហើយ​គឺ​គេ​និយម​ប្រើ​ប្រចាំ​ថ្ងៃ​ ​ហើយ​បើ​អ្នក​ចង់​ ​Mention​ ​ឈ្មោះ​អ្នក​ដទៃ​ចូល​មក​ក្នុង​ផុស​នោះ​ ​ក៏​ងាយ​ដែរ។

• ចុច​ត្រង់​ទីតាំង​ផុស​រូប​ធម្មតា
• ត្រង់​ផ្នែក​ខាង​លើ​មាន​រូប​តំណាង​ ​Aa​ ​ចុច​ត្រង់​នោះ
• វាយ​បញ្ចូល​ ​@​ ​ហើយ​បន្ថែម​ឈ្មោះ​ដើម​តួ​​នរណា​ម្នាក់​ ​នោះ​វា​នឹង​លោត​បង្ហាញ​នៅ​ខាង​ក្រោម
• អ្នក​អាច​ ​Mention​ ​បាន​ដល់​ទៅ​ ​១០​ ​នាក់​ ​ក្នុង​ការ​ផុស​នីមួយៗ

១១. រក្សា​ទុក​ការ​ផុស​ក្នុង​ ​Camera Roll :

ដូច​ដែល​ ​Sabay​ ​បាន​លើក​សង្ខេប​នូវ​ចំណុច​ទី​ ​១០​ ​អញ្ចឹង​ ​IG​ ​គឺ​មាន​មុខងារ​ ​Story​ ​ហើយ​អ្នក​ក៏​អាច​ Save​ ​រាល់​ការ​ផុស​ទាំង​នោះ​បាន​ ​សម្រាប់​រក្សា​ទុក​ក្នុង​ ​Camera Roll។

• ចុច​លើ​ ​Story​ ​របស់​អ្នក
• ត្រង់​ទីតាំង​គ្រាប់​មូល​ ​៣​ ​នៅ​ខាង​ក្រោម​ ​ចុច​រើស​យក​ ​Save...​ ​ជា​ការ​ស្រេច (អ្នក​ក៏​អាច​ ​Delete​ ​ផុស​នោះ​បាន​ ​បើ​អ្នក​ពុំ​ពេញ​ចិត្ត​)

សរុប​មក​វិញ​ក្រោយ​ការ​សង្ខេប​នូវ​ចំណុច​ពិសេសៗ​ ​និង​ល្បិច​នៃ​ការ​ប្រើប្រាស់​ទាំង​ ​១១​ ​យ៉ាង​សម្រាប់​ ​Instagram​ ​នៅ​ខាង​លើ​រួច​មក​ ​Sabay​ ​ជឿ​ថា​ ​ប្រិយមិត្ត​នឹង​ទទួល​បាន​បទពិសោធន៍​ថ្មី​ក្នុង​ការ​ប្រើប្រាស់​វា។

យ៉ាង​ណា​មិញ​បើ​មាន​ចម្ងល់​ ​ឫ​ចង់​ទទួល​បាន​ការ​ប្រើប្រាស់​មុខងារ​ពិសេស​ណា​ផ្សេង​ទៀត​ ​សូម​ធ្វើ​ការ​ ​Comment​ ​នៅ​ខាង​ក្រោម​ ​ក្រុម​ការងារ​នឹង​បន្ត​ស្វែង​រក​ដើម្បី​ចែក​រំលែក​ជា​បន្ត​បន្ទាប់៕