គួរសម្រេចចិត្តបែបណា? ទូរសព្ទខូចយកទៅជួសជុល ឬប្ដូរថ្មី

2022-04-20 08:08:25
គន្លឹះ

2022-04-20 08:08:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកកាន់ស្មាតហ្វូនរៀងរាល់ថ្ងៃ តិច ឬច្រើនប្រាកដជាមានបទពិសោធន៍ធ្លាក់ទូរសព្ទចៀសមិនរួច។ ធ្ងន់ធ្ងររហូតដល់ពេលខ្លះបែកអេក្រង់មើលអ្វីមិនកើត។ បើកើតឡើង អ្នកអាចគិតយកទៅឲ្យគេជួសជុល ឬអាចសម្រេចចិត្តប្ដូរថ្មីតែម្តង។

មុនសម្រេចចិត្តធ្វើអីជាដំណោះស្រាយ អ្នកអាចឈរលើហេតុផលខាងក្រោមនេះ។

ឧបករណ៍ថ្មីមានលក្ខណៈល្អប្រសើរឬ?

ពិតណាស់ ម៉ូដែលថ្មីផ្ដល់បច្ចេកវិទ្យា និងបទពិសោធន៍ល្អប្រសើរ ប៉ុន្តែពេលខ្លះមិនគាប់ចិត្តទាំងអស់នោះទេ។ អាចម៉ូដែលថ្មីអេក្រង់ធំពេក ធ្ងន់ពេកពិបាកកាន់ប្រើ ឬស៊ីថ្មច្រើនជាងឧបករណ៍ចាស់។ ម្យ៉ាងវិញទៀត អ្នកអាចស្និទ្ធនឹងប្រើឧបករណ៍ចាស់ជាង។

សរុបមក ឧបករណ៍ថ្មីមិនតែងតែល្អប្រសើរចំពោះចំណូលចិត្តអ្នកនោះទេ។

ប្រៀបធៀបតម្លៃជួសជុល និងឧបករណ៍ថ្មី

តម្លៃជួសជុល អាចថ្លៃស្ទើរស្មើនឹងតម្លៃឧបករណ៍ថ្មី អាស្រ័យលើផ្នែកប៉ះទង្គិច។ បើឧបករណ៍ចាស់អ្នកប្រើចាស់ពេក ប្ដូរថ្មីក៏ម្យ៉ាងដែរ។ ក្នុងការប្រៀបធៀប គួរដឹងពីតម្លៃជួសជុល តម្លៃក្នុងការទិញឧបករណ៍ថ្មី កម្រៃបានពីឧបករណ៍ចាស់ ជាព័ត៌មានបន្ថែមងាយស្រួលដល់ការសម្រេចចិត្ត។

ការម្រេចចិត្តចុងក្រោយ

ការជួសជុល អាចជួយសន្សំសំចៃថវិកា ជាងចំណាយលើទូរសព្ទថ្មី បើសិនការខូចខាតមិនធ្ងន់ធ្ងរ។ បើឧបករណ៍ចាស់ពេក តម្លៃជួសជុលស្ទើរស្មើទូរសព្ទថ្មី ឬអស់អារម្មណ៍មិនចង់ប្រើទូរសព្ទធ្លាប់ខូច ប្ដូរថ្មីក៏គួរគិតគូរដែរ បានទាំងបច្ចេកវិទ្យា និងបទពិសោធន៍ថ្មី៕