ព្រោះតែពេញនិយមប្រើប្រាស់ Telegram ក៏ជាផ្ទាំងស៊ីបពីក្រុមលួចយកគណនីផងដែរ (hacker) ប៉ុន្ដែបើអនុវត្តបាន ៤ចំណុច ខាងក្រោម នោះគណនីអ្នកដូចជាបានពាក់ខែលដែកថែបការពារដូចច្នោះដែរ។

១. ប្រើ Passcode ឬ Face ID ដើម្បីបើកកម្មវិធី ជៀសវាងការលួចប្រើពីនរណាម្នាក់ដោយមិនបានរំពឹងទុក។

របៀបកំណត់៖

• Telegram > Settings > Privacy and Security > Passcode & Face ID
• Turn Passcode on > enable លើ Unlock with Face ID សម្រាប់ស្គេនមុខ ជំនួសឱ្យវាយលេខកូដ

២. ប្រើសោពីជាន់ Two-Step Verification ដើម្បីសុវត្ថិភាពខ្ពស់បន្ថែមទៀត។

របៀបកំណត់៖

• Telegram > Settings > Privacy and Security > Two-Step Verification
• Set Additional Password > បញ្ចូលលេខសម្ងាត់ > បញ្ចូលពាក្យ Hint ដើម្បីរំលឹកខ្លួនឯងពេលភ្លេចលេខសម្ងាត់
• ដាក់ Recovery Email ជាជំនួយសម្រាប់កំណត់លេខសម្ងាត់ឡើងវិញ ក្នុងករណីភ្លេច
• បន្ទាប់មក វាយបញ្ចូលលេខកូដបញ្ជាក់ដែលផ្ញើចូលអ៊ីមែល > ចុច Return to Settings ជាការស្រេច

៣. រក្សាលេខទូរសព្ទ និង Email ឱ្យគង់ ព្រោះវត្ថុទាំងពីរនេះ អាចទាញយកគណនីរបស់អ្នកបានដោយងាយ ទោះបីគេមិនដឹងលេខកូដ ឬគណនីមានសោ២ជាន់ទៅហើយក៏ដោយ តាមវិធី Reset Password។

៤. ត្រួតពិនិត្យក្នុង Telegram Session ដើម្បីឆែកមើលតើមាន ឧបករណ៍ណាខ្លះបាន Log in ឬលួចចូលក្នុងករណីថ្លោះធ្លោយណាមួយ។

របៀបពិនិត្យ៖

• Telegram > Settings > Devices

ត្រង់ចំណុចនេះ អ្នកអាចឃើញឧបករណ៍ច្រើន ឬតិចបាន log in។ គួរពិនិត្យមើលថា តើមានឧបករណ៍ណាមួយចម្លែក មានឈ្មោះមិនមែនជាទូរសព្ទ ឬកុំព្យូទ័ររបស់អ្នកដែរឬអត់?

បើមាន គួរលុបឧបករណ៍នោះចោលភ្លាម ដោយគ្រាន់តែចុចលើឧបករណ៍នោះ គ្រវាសមកស្ដាំ ចុចលើប៊ូតុង Terminate > Terminate session ជាការស្រេច។

សរុបមក ចំណុចទាំង៤នេះ គឺចំណុចសុវត្ថិភាពខ្ពស់លើ Telegram បើអ្នកអនុវត្តវាបាន នោះគណនីរបស់អ្នក មិនងាយនឹងបាត់បង់ ឬលេចធ្លាយទិន្នន័យទៅក្រៅនោះទេ៕