- 2021-04-06 12:03:54
- ព័ត៌មាន
ខ្លាំងមែន! រកឃើញថា realme ជាស្មាតហ្វូនជាប់ក្នុងកម្រិតតេស្តស្តង់ដារពិភពលោក
- 2021-04-06 12:03:54
- ចំនួនមតិ 0 | ចំនួនចែករំលែក 0
ខ្លាំងមែន! រកឃើញថា realme ជាស្មាតហ្វូនជាប់ក្នុងកម្រិតតេស្តស្តង់ដារពិភពលោក
ចន្លោះមិនឃើញ
ក្រុមហ៊ុនបច្ចេកវិទ្យា realme បានសហការយ៉ាងពេញចិត្តជាមួយនិងស្ថាប័នជំនាញមួយឈ្មោះថា TÜV Rheinland តាមរយៈការស្រាវជ្រាវដ៏ស៊ីជម្រៅដោយផ្អែកលើបទពិសោធន៍នៃវដ្តជីវិតរយៈពេល ៣ ឆ្នាំដំបូងរបស់ទូរសព្ទ និងដើម្បីជាការឆ្លើយតបទៅកាន់យុវវ័យនិយមប្រើប្រាស់ស្មាតហ្វូនដែលអាចជឿទុកចិត្តលើបាន។
TÜV Rheinland គឺជាស្ថាប័នកំណត់ស្តង់ដារគុណភាពស្មាតហ្វូនកម្រិតពិភពលោក។ អ្វីដែលគួរឲ្យចាប់អារម្មណ៍នោះត្រង់ថា realme គឺជាប្រេនស្មាតហ្វូនដំបូងបង្អស់នៅលើពិភពលោកដែលទទួលបានវិញ្ញាបនប័ត្របញ្ជាក់គុណភាពអាចជឿជាក់ខ្ពស់ពីស្ថាប័នមួយនេះ។
ពួកគេបានប្រើប្រាស់សំណុំបែបបទស្តង់ដារជាច្រើន ដើម្បីធ្វើការត្រួតពិនិត្យគុណភាព និងធ្វើតេស្តទៅលើស្មាតហ្វូនទាំងអស់របស់ realme ក្នុងនោះ realme C ស៊េរីគឺជា ស្មាតហ្វូនដំបូងគេបង្អស់ដែលទទួលបានវិញ្ញាបនបត្រខាងលើនេះ។
បន្ទាប់ពីការស្រាវជ្រាវ និងការធ្វើតេស្តអស់រយៈពេលជាង ៨ ខែកន្លងមក មុននឹងជាប់វិញ្ញាបនប័ត្រ TÜV Rheinland គ្រប់ស្មាតហ្វូនទាំងអស់របស់ realme ត្រូវឆ្លងកាត់ដំណាក់កាលនៃការធ្វើតេស្តធំៗចំនួន ២៣ ចំណុច រួមមាន៖ ការតេស្តចំនួន ១០ ទៅលើសកម្មភាពប្រើប្រាស់ប្រចាំថ្ងៃដូចជា ការទម្លាក់ ឬ ការឆ្កូត។ ការធ្វើតេស្តបរិបទខ្លាំងចំនួន ៧ ដែលមានវិញ្ញាសារដាក់ក្នុងសីតុណ្ហភាពខ្លាំង សំណើមខ្លាំង ការឡើងចុះកំលាំងវ៉ុល ប៊ូតុងធន់ ថាមពលអគ្គិសនីថេរ សម្ពាធខ្យល់ និងការធ្វើតេស្តគុណភាព ៦ យ៉ាងទៀត។
រោងចក្រឆ្លាតវៃ មានគោលបំណងដើម្បីទទួលបានស្វ័យប្រវត្តិកម្មពេញលេញ នាពេលខាងមុខនេះ
ភាពស្ថិតស្ថេរជាផ្នែកមួយនៃគន្លឹះសំខាន់ ដើម្បីធ្វើឱ្យផលិតផលដែលមានគុណភាពខ្ពស់។ ក្រុមហ៊ុន realme បាននឹងកំពុងវិនិយោគនៅក្នុងរោងចក្រឆ្លាតវៃ ដែលមានគោលបំណងធ្វើឱ្យមានស្វ័យប្រវត្តិកម្មពេញលេញនាពេលអនាគត។ តាមវិធីសាស្រ្តនេះ realme អាចបង្កើនប្រសិទ្ធភាព និងភាពជាក់លាក់នៃដំណើរការផលិតដ៏ស្មុគស្មាញ។ ជាឧទាហរណ៍៖ ស្វ័យប្រវត្តិកម្មមួយគឺខ្សែចង្វាក់ផលិតកម្ម SMT ដែលវាទទួលខុសត្រូវក្នុងការដាក់សមាសធាតុផ្សំទៅលើបន្ទះ motherboard PCB។
អត្រាស្វ័យប្រវត្តិកម្មនាពេលបច្ចុប្បន្ននៅក្នុងរោងចក្រឆ្លាតវៃនេះ គឺមានអាត្រា 87.5% ដែលខ្ពស់ជាងបទដ្ឋានស្តង់ដារឧស្សាហកម្ម ក៏ព្រោះតែមានមុខងារស្វ័យប្រវត្តិរបស់ បញ្ញាសប្បនិមិត្ត AI ដែលជារោងចក្រឆ្លាតវៃ realme AI បច្ចុប្បន្នអាចផលិតបាន 60 លានគ្រឿងជារៀងរាល់ឆ្នាំ។
រចនាឡើងដើម្បីឱ្យមានគុណភាពខ្ពស់
realme ជឿជាក់ថាផលិតផលដែលមានគុណភាពខ្ពស់ចាប់ផ្តើមពីការគិតរចនាដ៏ល្អ។ មនុស្សភាគច្រើនគិតថាស្មាតហ្វូន realme ត្រូវបានរចនាម៉ូតទៅតាមភាពទាន់សម័យ និងបច្ចេកវិទ្យាឈានមុខគេ។ ទន្ទឹមនឹងនេះ realme យកការរចនាផលិតផល ដែលមានគុណភាពជាចំបង។ realme ធ្វើតាមគោលការណ៍និងលក្ខណៈវិនិច្ឆ័យនេះយ៉ាងតឹងរឹង នៅពេលរចនាផលិតផលណាមួយ។ រាល់ផលិតផលរបស់ realme ចាំបាច់ត្រូវមានការរចនាម៉ូតទាន់សម័យ ដែលបំពាក់ដោយបច្ចេកវិទ្យាថ្មីនិងផលិតវាតាមរយៈការត្រួតពិនិត្យគុណភាពយ៉ាងម៉ត់ចត់។
ក្រុមត្រួតពិនិត្យគុណភាពមានសិទ្ធិបដិសេធនូវផលិតផលដែលមានគុណភាពទាប
ទាក់ទងនឹងដំណើរការនៃរបៀបដែលស្មាតហ្វូនត្រូវបានបង្កើត និងសាកល្បងនៅក្នុងរោងចក្ររបស់ពួកគេត្រូវបានបែងចែកជា 6 ដំណាក់កាល៖ ក្រុមត្រួតពិនិត្យគុណភាពនឹងចូលរួមគ្រប់ជំហាន នៃការត្រួតពិនិត្យលើគុណភាពផលិតផល។ នៅពេលណាមួយ ប្រសិនបើផលិតផលមិនត្រូវនឹងស្តង់ដារគុណភាព ក្រុមត្រួតពិនិត្យគុណភាពមានសិទ្ធិបដិសេធផលិតផលដែលមានគុណភាពអន់ ហើយផលិតផលដែលត្រូវបានបដិសេធនឹងត្រូវបានរៀបចំផលិតឡើងវិញ ។
គុណភាពត្រូវបានរចនាឡើងដោយឌីជីថល
ផ្អែកលើសកម្មភាពរបស់យុវវ័យ ដូចជាការធ្វើដំណើរ នឹងការលេងកីឡាខាងក្រៅ(outdoor sport) realme បានធ្វើការតេស្តយ៉ាងម៉ត់ចត់ជាងមុននៅក្នុងកន្លែងដែលទាក់ទងនឹងបរិស្ថាន ដើម្បីទប់ទល់នឹងការធ្លាក់នៅពេលលេងកីឡាខាងក្រៅ(outdoor sport) ដូចជា ការជិះបន្ទះក្តាររអិលនៅសួនជាដើម ផលិតផលឆ្លងកាត់ការធ្វើតេស្តទម្លាក់យ៉ាងខ្លាំងនៅកម្ពស់រហូតដល់ 1.8 ម៉ែត្រនៅច្រើនកន្លែងលើផ្ទៃដែលមានវត្ថុធាតុផ្សេងៗគ្នា។
សម្រាប់ការធ្វើដំណើរ realme ក៏ធ្វើការក្នុងសីតុណ្ហភាពខ្លាំងពី -40 អង្សាសេដល់ 75 អង្សាសេនៅក្នុងបរិស្ថានខាងក្រៅដើម្បីធានាថាផលិតផល realme ទាំងអស់អាចទ្រទ្រង់បាន៕