ត្បិតថាតម្រូវការប្រចាំថ្ងៃរបស់មនុស្សម្នាក់ៗមានច្រើន ក៏ដូចជាឯកសារមានទំហំធំៗ និងរូបថតវីដេអូចំនួនច្រើន ជាហេតុធ្វើឱ្យ iPhone របស់អ្នកឆាប់ពេញមេម៉ូរី។ ដូច្នេះថ្ងៃនេះ Sabay នឹង​ចែករំលែកគន្លឹះ​ខ្លីៗ​ជូន​​ដើម្បីដោះស្រាយបញ្ហាឆាប់​ពេញ​មេម៉ូរី តាមវិធីងាយៗខាងក្រោម៖

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

១. Offload Unused Apps ជាមុខងារលុបកម្មវិធីដែលអ្នកមិនសូវប្រើដោយស្វ័យប្រវត្តិ ប៉ុន្ដែវានឹងរក្សាទិន្នន័យផ្សេងៗនៅក្នុងកម្មវិធីនោះដដែល។ របៀបបើកមុខងារនេះ៖

• ចូលទៅកាន់ Setting > General > iPhone Storage > Offload Unused Apps បន្ទាប់មកចុច Enable ជាការស្រេច។

២. ប្រើមុខងារ Optimize iPhone Storage ជាមុខងារផ្ទុករូបថតរបស់អ្នកក្នុង iPhone ឱ្យទៅជាទំហំតូចៗ ប៉ុន្ដែរូបថតដើមទំហំធំគឺនឹងត្រូវរក្សាលើ iCloud ជំនួសវិញ។ ដើម្បីបើកមុខងារ Optimize iPhone Storage ចាំបាច់ត្រូវ បើកមុខងារ iCloud Photo ដើម្បី Upload រូបថតឬវីដេអូ ទៅ iCloud ជាមុនសិន។ របៀបបើកមុខងារទាំងពីរ៖

• ចូលទៅកាន់ Setting > Photos > iCloud Photos បន្ទាប់មកចុច Enable រួចជ្រើសយកគ្រីសយក Optimize iPhone Storage ជាការស្រេច។

៣. លុបរូបថត ឬវិដេអូដែលស្ទួនគ្នា ក្នុងកម្មវិធី Photos ការថតរូបរបស់អ្នកជួនកាលអាចមានរូបជាន់គ្នា ឬដូចៗគ្នាច្រើន ដូចនេះការលុបរូបខ្លះៗ ឬវីដេអូមួយចំនួនអាចធ្វើឱ្យ iPhone របស់អ្នកសល់ទំហំធំជាងមុនផងដែរ។

៤. iPhone Storage ព្រោះតែកម្មវិធីមានច្រើនលើ iPhone ដូចនេះទិន្នន័យជាច្រើនក្នុងកម្មវិធីទាំងនោះ ក៏ជាហេតុផលធ្វើឱ្យ iPhone របស់អ្នកពេញមេម៉ូរីដោយមិនដឹងខ្លួនផងដែរ។ ដើម្បីពិនិត្យមើលកម្មវិធីណាផ្ទុកឯកសារ ឬប្រើមេម៉ូរីអស់ច្រើនជាងគេ សូមចូលតាមវិធីខាងក្រោម។

• ចូលទៅកាន់ Setting > General > iPhone Storage បន្ទាប់មកអ្នកនឹងឃើញកម្មវិធីណាមួយដែលប្រើមេម៉ូរីអស់ច្រើនជាងគេ ដូចនេះអ្នកអាចចូលទៅកាន់កម្មវិធីនោះដោយផ្ទាល់ ដើម្បីលុបឯកសារណាមួយដែលមិនចាំបាច់ចេញ៕