- 2021-09-16 02:56:48
- គន្លឹះ
App វចនានុក្រមល្អៗទាំង ១០ នេះជួយបាន បើមិនទុកចិត្តក្ដារចុចទូរសព្ទ សរសេរខុសមិនដឹងខ្លួន
- 2021-09-16 02:56:48
- ចំនួនមតិ 0 | ចំនួនចែករំលែក 0
App វចនានុក្រមល្អៗទាំង ១០ នេះជួយបាន បើមិនទុកចិត្តក្ដារចុចទូរសព្ទ សរសេរខុសមិនដឹងខ្លួន
ចន្លោះមិនឃើញ
ជារឿយៗយើងតែងតែ សង្កេតឃើញកំហុសអចេតនាបង្កជាកំហុសឆ្គងដោយមិនដឹងខ្លួន នៅពេលសរសេរអក្សរជាតិជាភាសាខ្មែរ សូម្បីតែពាក្យធម្មតាៗប្រើប្រាស់ជាប្រចាំថ្ងៃក៏ដោយ។ ថ្ងៃនេះ Sabay សូមចែករំលែកនូវ កម្មវិធីវចនានុក្រមភាសាទាំង ១០ ជាទម្រង់ App សម្រាប់ជាជំនួយបន្ថែមអាចដោនឡូតដោយឥតគិតថ្លៃ។ សូមចូលរួមទាំងអស់គ្នា ផ្ទៀងផ្ទាត់ឲ្យបានញឹកញាប់តាមរយៈ Apps លើទូរសព្ទដៃ បើមិនទុកចិត្តក្ដារចុចទូរសព្ទ សរសេរខុសមិនដឹងខ្លួន ដើម្បីជៀសវាងបង្កើតកំហុសតិចតួចបែបនោះ។
ខាងក្រោមនេះជា App វចនានុក្រមល្អៗទាំង ១០ ភាសា៖
១) ខ្មែរ-ខ្មែរ
កម្មវិធីវចនានុក្រមខ្មែរនេះ ត្រូវបានបង្កើតឡើងដោយក្រុមអ្នកអភិវឌ្ឃន៍កម្មវិធីមកពី សាកលវិទ្យាល័យភូមិន្ទភ្នំពេញ ដកស្រង់ដោយយកចិត្តទុកដាក់ ចេញពីវចនានុក្រមសម្ដេចសង្ឃរាជ ជួន ណាត មកបង្កើតជា App ក្រោមការឧបត្ថម្ភថវិកាដោយ អគ្គិសនីកម្ពុជា EDC សម្រាប់ដាក់ឲ្យប្រើប្រាស់ឥតគិតថ្លៃ។
២) ខ្មែរ-អង់គ្លេស
ជាកម្មវិធីវចនានុក្រមខ្មែរ-អង់គ្លេសជំនាន់ទី ៣ ដែលបង្កើតឡើងដោយក្រុមអ្នកអភិវឌ្ឍន៍កម្មវិធីឈ្មោះ Biz Solutions ដែលមានបន្ថែមមុខងារជាច្រើន និងអាចដោនឡូតបានដោយឥតគិតថ្លៃទៀតផង។
៣) ខ្មែរ-បារាំង
ជាកម្មវិធីវចនានុក្រមដែលប្រមូលផ្ដុំដោយពាក្យពេចន៍ជាភាសាបារាំងយ៉ាងសំបូរបែប ដែលបង្កើតឡើងដោយអ្នកអភិវឌ្ឍន៍កម្មវិធីក្នុងស្រុកដែលមានឈ្មោះថា DroidSVS។ ចំណែក Link សម្រាប់ដោនឡូតលើ iOS បង្កើតដោយលោក Ratanak JAI ។
៤) ខ្មែរ-កូរ៉េ
ជាកម្មវិធីវចនានុក្រមខ្មែរ-កូរ៉េ ដែលបង្កើតឡើងដោយក្រុមអ្នកអភិវឌ្ឍន៍កម្មវិធីឈ្មោះ Biz Solutions ដូចទៅកម្មវិធីខាងលើដែរ មានបន្ថែមមុខងារជាច្រើន និងអាចដោនឡូតបានឥតគិតថ្លៃទៀតផង។
៥) ខ្មែរ-ចិន
កម្មវិធីវចនានុក្រមនេះ ប្រមូលផ្ដុំដោយពាក្យជាច្រើនជា ភាសាចិនមានប្រែជាភាសាខ្មែរងាយយល់សម្រាប់អ្នកទើបចាប់ផ្ដើមរៀន ឬក៏អ្នកដែលចេះស្រាប់ហើយ ក្នុងនោះដែរក្រុមការងារបានដាក់ Link ឲ្យដោនឡូតផ្សេងៗគ្នា ព្រោះមានអ្នកអភិវឌ្ឍន៍កម្មវីធីផ្សេងដែរគ្នា។
៦) ខ្មែរ-ថៃ
ជាកម្មវិធីដែលបង្កើតដោយក្រុមអ្នកអភិវឌ្ឍន៍កម្មវិធីមួយឈ្មោះ khmer Group សម្រាប់ដាក់ឲ្យដោនឡូតដោយឥតគិតថ្លៃ និងមានពាក្យជាច្រើនសម្រាប់ការសិក្សាកាន់តែងាយស្រួល។ ចំណែកឯ Link សម្រាប់ដោនឡូតលើ iOS បង្កើតដោយលោក Titya Eng។
៧) ខ្មែរ-វៀតណាម
កម្មវិធីវចនានុក្រមនេះមិនមាននៅលើ App Store នោះទេ តែសម្រាប់អ្នកប្រើ Android អាចដោនឡូតបានដោយឥតគិតថ្លៃ។ កម្មវិធីនេះ មានពាក្យពេចន៍មិនសូវជាសំបូរទេ ប៉ុន្តែអាចប្រើការបានខ្លះដែរ។
៨) ខ្មែរ-ជប៉ុន
កម្មវិធីនេះ ក្រុមការងារបានដាក់ link ដោនឡូតពីរផ្សេងគ្នាដោយហេតុថា អ្នកអភិវឌ្ឍន៍ផ្សេងគ្នា តែវាជាកម្មវិធីវចនានុក្រមខ្មែរ-ជប៉ុនដូចគ្នា ដូចនេះអ្ន្កកទាំងអស់គ្នា ពេញចិត្តមួយណា អាចដោនឡូតយកមួយហ្នឹងចុះ។
៩) ខ្មែរ-ម៉ាឡេស៊ី
កម្មវិធីវចនានុក្រមនេះ មិនសូវសំបូរមានពាក្យច្រើននោះទេ តែអាចប្រើការបានខ្លះដែរ សម្រាប់អ្នកដែលចង់ស្វែងរកពាក្យជាភាសាម៉ាឡេ។
១០) ខ្មែរ-ឡាវ
កម្មវិធីវចនានុក្រមនេះ ជាកម្មវិធីដែលមានអំបូរតែមួយជាមួយកម្មវិធីវចនានុក្រមខ្មែរ-ម៉ាឡេ ដែរ។ ទោះជាមិនសូវសំបូរមានពាក្យច្រើននោះទេ តែអាចប្រើការបានខ្លះដែរ សម្រាប់អ្នកដែលចង់ស្វែងរកពាក្យជាភាសាឡាវ។
ចុចអានអត្ថបទបន្ត៖