- 2020-11-06 04:17:55
- ព័ត៌មាន
ដឹងថាប្រកួតមិនឈ្នះដដែល Mercedes សម្រេចដកខ្លួនចេញតែម្ដង
- 2020-11-06 04:17:55
- ចំនួនមតិ 0 | ចំនួនចែករំលែក 0
ដឹងថាប្រកួតមិនឈ្នះដដែល Mercedes សម្រេចដកខ្លួនចេញតែម្ដង
ចន្លោះមិនឃើញ
បើផ្អែកតាមការចុះផ្សាយរបស់សារព័ត៌មានភាសាអាល្លឺម៉ង់ Redaktions Netzwerk Deutschland បានឲ្យដឹងថាក្រុមហ៊ុន Mercedes-Benz បានសម្រេចចិត្តដកខ្លួនពីការប្រកួតប្រជែងផលិតរថយន្តដែលអាចបើកបរស្វ័យប្រវត្តិពេញទី។
អ្នកតំណាងឲ្យក្រុមហ៊ុន Mercedes-Benz បានលើកឡើងអំពីហេតុផលសំខាន់ចំនួនពីរចំណុចនៃការដកខ្លួនចេញពីការប្រកួតប្រជែង ដោយទីមួយគឺមានក្រុមហ៊ុនដទៃកំពុងតែដើរលឿនជាង Mercedes ក្នុងការផលិតរថយន្តបើកបរស្វ័យប្រវត្តិ និងទីពីរគឺដោយសារលុយ។
អ្នកតំណាងបានលើកឡើងដូចនេះថា ៖ "យើងមិនប្រកួតប្រជែងក្នុងការប្រកួតប្រជែងដែលយើងមិនអាចឈ្នះនោះទេ។” អ្នកតំណាងដដែលបានបន្តថា ៖ "អ្នកបណ្ដាក់ទុនរបស់យើងមិនមែនចង់បានតែត្រឹមចំនួនលក់នោះទេ ប៉ុន្តែប្រាក់ចំណេញក៏សំខាន់ដែរ។”
សារព័ត៌មានខាងលើបានបន្ថែមថាការអភិវឌ្ឍន៍រថយន្តបើកបរស្វ័យប្រវត្តិទាំងស្រុងនៅប្រទេសអាល្លឺម៉ង់បានឈានដល់ចំណុចទាល់ច្រកមួយ ខណៈដែលនៅសហរដ្ឋអាមេរិកឯណោះកំពុងតែបន្តបោះពួយយ៉ាងលឿន។ ជាក់ស្ដែងដូចជាក្រុមហ៊ុន Waymo កាលពីថ្មីៗនេះបានចាប់ផ្ដើមដំណើរការរថយន្តតាក់ស៊ីបើកបរស្វ័យប្រវត្តិ ខណៈដែលក្រុមហ៊ុន Mercedes ស្ថិតនៅត្រឹមដំណាក់កាលសាកល្បងប្រព័ន្ធចតរថយន្តស្វ័យប្រវត្តិប៉ុណ្ណោះ៕
