- 2020-03-23 02:39:06
- ចំណេះដឹង
អ្នកធ្វើការពីផ្ទះ បើអត់ជៀសទម្លាប់ ៤ នេះ ដឹងតែវក់វីធ្វើអីមិនចេញទេ
- 2020-03-23 02:39:06
- ចំនួនមតិ 0 | ចំនួនចែករំលែក 0
អ្នកធ្វើការពីផ្ទះ បើអត់ជៀសទម្លាប់ ៤ នេះ ដឹងតែវក់វីធ្វើអីមិនចេញទេ
ចន្លោះមិនឃើញ
តាមបណ្តាស្ថាប័នរដ្ឋ-ឯកជននានា បច្ចុប្បន្នបានបង្គាប់ឲ្យបុគ្គលិករបស់ខ្លួនធ្វើការពីផ្ទះ ដើម្បីបញ្ចៀសការជួបជុំមនុស្សច្រើននិងជាគោលដៅទប់ស្កាត់ការរាតត្បាតការឆ្លងវីរុសកូវីដ១៩។
ប៉ុន្តែការធ្វើការពីផ្ទះមិនមែនជារឿងងាយស្រួលនោះទេ ត្បិតនៅផ្ទះរបស់យើងរៀងខ្លួនមែន ប៉ុន្តែមានចំណុចជាច្រើនដែលនឹងទាញឲ្យការងាររបស់យើងមានភាពយឺតយ៉ាវជាងមុន ប្រសិនយើងពុំមានការកំណត់ពេលវេលាជាក់លាក់ និងការជៀសនូវទម្លាប់អាក្រក់មួយចំនួន។
យោងតាមអ្នកជំនាញលោក Steven J.Vaughan-Nichols ដែលមានបទពិសោធន៍ធ្វើការពីផ្ទះប្រមាណ ៣០ ឆ្នាំមកហើយ បានចែករំលែកបទពិសោធន៍ដែលអ្នកគួរជៀសវាងដូចខាងក្រោម៖
កុំចេះតែធ្វើតាមចង់ ត្រូវមានកាលវិភាគច្បាស់លាស់
អ្នករាល់គ្នាត្រូវបង្កើតកាលវិភាគការងារប្រចាំថ្ងៃមួយឲ្យបានច្បាស់លាស់ ហើយត្រូវគោរពលើកាលវិភាគនោះឲ្យបានដិតដល់បំផុត ត្បិតមើលទៅដូចជារឿងតូច តែអ្នកមិនគួររំលងវានោះទេ។
កុំធ្វើសកម្មភាពកម្សាន្តនានា
ទោះនៅផ្ទះរបស់អ្នកផ្ទាល់ក៏ដោយ អ្នកកុំទម្លាប់អនុញ្ញាតខ្លួនឲ្យចង់ឈរ អង្គុយ បរិភោគអាហារ ឬធ្វើសកម្មភាពកម្សាន្តនានាតាមចិត្តឲ្យសោះ ជារួមគឺត្រូវផ្តោតលើការងារជាចម្បង ដោយគ្មានការរំខានអ្វីទាំងអស់។
មិនត្រូវបើក Notification បើពុំចាំបាច់
អ្នកត្រូវធ្វើការ Turn Off រាល់ Notification លើបណ្តាញសង្គមទាំងអស់ ដើម្បីជៀសវាងការអាក់ខានអារម្មណ៍ដែលកំពុងផ្តោតទៅលើការងារ សោតយ៉ាងដូចជា Facebook, Instagram ឬកម្មវិធី Online នានា។ លើកលែងតែ Notification ក្នុង Group នៃក្រុមការងារ ឬមេរបស់អ្នកមួយតែប៉ុណ្ណោះ ដែលរាប់ជាករណីចាំបាច់។
កុំអូសទាញខ្លួនលើការតាមដានព័ត៌មានខ្លាំងពេក
ជាការពិតស្ថិតនៅក្នុងស្ថានភាពការរាតត្បាតជាសកលនៃកូវីដ១៩ អ្នកប្រាកដជាត្រូវការទទួលដឹងលឺព័ត៌មានសំខាន់ៗអំពីវា ប៉ុន្តែអ្នកជំនាញបានណែនាំថាមិនឲ្យលើសពី ១០ ដងក្នុងមួយថ្ងៃទេ ឬពុំចាំបាច់ គឺរង់ចាំតែអាប់ដែតតាមរយៈដំណឹងផ្លូវការរបស់គេហទំព័រឬទំព័រក្រសួងមន្ទីរសុខាភិបាលមួយបានហើយ បន្ទាប់ពីអ្នកបញ្ចប់ការងារប្រចាំថ្ងៃរួចរាល់៕
អានអត្ថបទ: