- 2019-11-07 10:19:01
- ចំណេះដឹង
ដង Selfie ពេញនិយមខ្លាំង តែអ្នកបង្កើតវាមិនបានអ្វីសូម្បីមួយសេន
- 2019-11-07 10:19:01
- ចំនួនមតិ 0 | ចំនួនចែករំលែក 0
ដង Selfie ពេញនិយមខ្លាំង តែអ្នកបង្កើតវាមិនបានអ្វីសូម្បីមួយសេន
ចន្លោះមិនឃើញ
ដង Selfie សម័យឥឡូវកំពុងតែពេញនិយមយ៉ាងខ្លាំង សម្រាប់អ្នកដែលនិយមថតរូប Selfie គ្នាច្រើន នៅតាមសមុទ្រ ឬកន្លែងកម្សាន្តប្លែកៗនានា។ ប៉ុន្តែប្រិយមិត្តដឹងទេថា តើអ្នកដែលបានបង្កើតដង Selfie នេះទទួលបានប្រាក់ចំណូលប៉ុន្មាន?
លោក Hiroshi Ueda
មនុស្សម្នាក់ដែលបានធ្វើឱ្យដង Selfie លេចជារូបរាងនិងជាទីពេញនិយមសម្រាប់មនុស្សរាប់សិបលាននាក់ជុំវិញពិភពលោក គឺជាជាងថតរូបជនជាតិជប៉ុន លោក Hiroshi Ueda។ Hiroshi Ueda ជាអ្នកថតរូបមួយរូប ដែលបានធ្វើការជាវិស្វករខាងកាមេរ៉ាឱ្យក្រុមហ៊ុន Minolta ហើយនៅក្នុងឆ្នាំ ១៩៨៣ លោកបានបង្កើតដង Selfie ដំបូងបង្អស់ក្នុងលោកឈ្មោះ Extender Stick។ លោក Hiroshi Ueda និយាយថា មូលហេតុដែលលោកបង្កើតដង Selfie នេះឡើង គឺដើម្បីថតរូបជាមួយនឹងគ្រួសារ ក្រោយពេលលោកមានការលំបាកក្នុងការរកអ្នកជួយថតរូបឱ្យ កាលទៅលេងអ៊ឺរ៉ុប។
Extender Stick សម្រាប់ភ្ជាប់ជាមួយនឹងកាមេរ៉ាធន់តូចល្មម ហើយ Hiroshi បានបន្ថែមកូនកញ្ចក់តូចមួយទៅលើកាមេរ៉ាផ្នែកខាងមុខ ដើម្បីងាយឆ្លុះមើលមុខ។ ប៉ុន្តែដោយសារតែ Extender Stick ពេលនោះថតរូបមិនសូវបានស្អាត ទើបលោក Hiroshi មិនទទួលបានជោគជ័យ។
"មូលហេតុចម្បងនៅពីក្រោយការបង្កើតដង Extender Stick នេះ គឺថា ខ្ញុំមិនចាំបាច់ត្រូវការអ្នកណាម្នាក់មកថតរូបឱ្យខ្ញុំទេ...ខ្ញុំអាចថតរូបខ្លួនឯងពេលណាឬកន្លែងណាក៏បាន តាមតែការចូលចិត្ត"។ លោក Hiroshi ប្រាប់ទៅសារព័ត៌មាន BBC។
ក្រោយមកនៅឆ្នាំ ២០០៣ Extender Stick ត្រូវបានក្រុមហ៊ុនមួយចំនួនអភិវឌ្ឍកាន់តែទំនើប ដោយអាចបំពាក់ Smartphone បាន និងមានប៊ូតុងនៅនឹងចុងដង ឬតេលេសម្រាប់បញ្ជា តែចំពោះលោក Hiroshi Ueda ឯណេះវិញ ពុំទទួលបានប្រយោជន៍មួយកាក់មួយសេនឡើយ។
បើនិយាយពីការថតរូប Selfie ហាក់ដូចជាមិនមែនជាគំនិតអ្វីថ្មីថ្មោងនោះទេ ដោយមានរូបថតកាលពីរាប់ទសវត្សរ៍មុន បានបង្ហាញថា ជាងថតរូបប្រើប្រាស់មធ្យោបាយប្លែកៗជាច្រើនសម្រាប់ថតរូបខ្លួនឯង ដូចជាយកដងអំបោសមកចុចលើប៊ូតុងកាមេរ៉ាជាដើម។ ចំណែកឯដើមកំណើតនៃដង Selfie ដែលបង្កើតដោយលោក Hiroshi គឺជាគំនិតមួយកើតឡើងជាង៣០ឆ្នាំមកហើយ និងត្រូវបានបុរសម្នាក់នេះ ដាក់ឈ្មោះថា "3am invention"៕
