- 2019-09-18 06:19:17
- ចំណេះដឹង
នេះយន្តហោះល្បឿនលឿនបំផុតទាំង ៥ កំពុងដាក់ដំណើរការសព្វថ្ងៃ
- 2019-09-18 06:19:17
- ចំនួនមតិ 0 | ចំនួនចែករំលែក 0
នេះយន្តហោះល្បឿនលឿនបំផុតទាំង ៥ កំពុងដាក់ដំណើរការសព្វថ្ងៃ
ចន្លោះមិនឃើញ
អ្នកដំណើរដែលធ្វើដំណើរតាមយន្តហោះ ពិតណាស់មានគោលបំណងរួមតែមួយគឺចង់ឆ្ពោះទៅដល់គោលដៅឲ្យបានឆាប់រហ័សបំផុត។ តើអ្នកដឹងដែរទេ យន្តហោះម៉ូឌែលណាខ្លះដែលមានល្បឿនលឿនបំផុតក្នុងលោកនៅពេលបច្ចុប្បន្ននេះ? (បញ្ជាក់៖ រាប់តែយន្តហោះដែលកំពុងដំណើរការ)
១.Boeing 747-8i
ជាយន្តហោះដែលមានល្បឿនប្រមាណ ១ ០៦១ គ.ម/ម៉ រាប់ថាលឿនបំផុតសម្រាប់ការធ្វើដំណើរលើផ្លូវអាកាសនាពេលបច្ចុប្បន្ននេះ។ ប៉ុន្តែវាដាក់ឲ្យដំណើរការតែជាមួយក្រុមហ៊ុនអាកាសចរណ៍ធំៗ ៣ រួមមាន Air China, Korean Air និង Lufthansa។
២.Boeing 747-400
នៅចន្លោះឆ្នាំ ១៩៨៨ ដល់ ២០០៥ យន្តហោះធុននេះចំនួន ៦៩៤ គ្រឿងបានផលិតឡើង ហើយមកទល់សព្វថ្ងៃមានសេសសល់ច្រើនជាង ២០០ គ្រឿងដែលកំពុងដំណើរការជាមួយក្រុមហ៊ុនអាកាសចរណ៍ Asiana, British Airways, China Airlines, Korean Air និង Lufthansa, United និង Delta។ វាមានល្បឿនលឿនដល់ទៅ ១ ០៥៥ គ.ម/ម៉ ប៉ុន្តែតាមដំណឹងល្ហិចល្ហៀងលឺថាគ្រោងបញ្ឈប់ការប្រើប្រាស់នៅឆ្នាំក្រោយហើយ។
៣.Airbus A380
ល្បឿនលឿនបំផុតនៃយន្តហោះ Airbus A380 អាចស្ទុះដល់ល្បឿន ១ ០៤៩ គ.ម/ម៉ ដោយវាមានច្រើនជាង ២០០ គ្រឿងដែលត្រូវបានគេបញ្ជាទិញតាំងពីឆ្នាំ ២០០៧។
៤.Boeing 787
មានល្បឿន ១ ០៤៩ គ.ម/ម៉ដូចធុនខាងលើដែរ ដោយរាប់តាំងពីការបង្ហាញខ្លួននៅឆ្នាំ ២០១១ វាទទួលបានការកុម្ម៉ង់ច្រើនជាង ៥០០ គ្រឿង។
៥.Boeing 777
មានល្បឿនខ្ពស់បំផុត ១ ០៣៧ គ.ម/ម៉ ដោយផលិតឡើងតាំងពីឆ្នាំ ១៩៩៥ មកម្ល៉េះ៕
អានអត្ថបទ: