- 2019-03-05 01:35:00
- គន្លឹះ
ពេលទិញទូរសព្ទ Android ថ្មីយកមកប្រើ បើដឹងតិចនិកទាំងនេះក៏ល្អដែរ
- 2019-03-05 01:35:00
- ចំនួនមតិ 0 | ចំនួនចែករំលែក 0
ពេលទិញទូរសព្ទ Android ថ្មីយកមកប្រើ បើដឹងតិចនិកទាំងនេះក៏ល្អដែរ
ចន្លោះមិនឃើញ
ជាធម្មតា អ្នកប្រើស្មាតហ្វូនដំបូង ឬប្ដូរពី iPhone មកប្រើ Android ពេលទិញមកថ្មីម្ដងៗមិនដែលចាប់អារម្មណ៍ថាត្រូវធ្វើអីមុនទៀតផង។ ទោះយ៉ាងណាបើអ្នកដឹងគន្លឹះទាំងនេះ អ្នកនឹងចេះប្រើស្មាតហ្វូន Android ដូចអ្នកធ្លាប់កាន់រាប់ឆ្នាំអីចឹងដែរ។
១ ពិនិត្យមើលរូបរាងខាងក្រៅ
ចំណុចដំបូងនេះសំដៅដល់ កន្លែងដាក់ស៊ីម មេម៉ូរីកាត រន្ធដោតកាសជាដើម។ អ្នកត្រូវស្គាល់រន្ធស៊ីមនោះជាប្រភេទ Standard, Micro ឬ Nano SIM ជាមុនទើបកាច់ដាក់ឲ្យត្រូវតាមប្រភេទរន្ធដោត មុនបើកគ្រឿង ទូរសព្ទកំណត់មុខងារផ្សេងៗ។
២ កំណត់យកតែមុខងារចាំបាច់
ចំណុចនេះសំដៅដល់មុខងារខ្លះដែលម៉ាស៊ីនតម្រូវឲ្យអ្នកចុចយក ឬរកកន្លែងភ្ជាប់ Wi-Fi ជាមុនសិន ដើម្បីងាយស្រួលកំណត់ ឬងាយស្រួលចុច Next ទៅមុខទៀត។ ឧទាហរណ៍៖ អ្នកត្រូវចុចយកភាសាជា ភាសាអង់គ្លេសជាដើម។ បើអាចចុច skip ចោលសិនទៅ ចំពោះកន្លែងខ្លះពេលបើកម៉ា៊ស៊ីនដំបូង។
៣ ត្រូវមានគណនី Google ជាមុនសិន
អ្នកត្រូវមានគណនី Gmail មួយដើម្បីបំពេញពេលគេឲ្យចុច Next (អ្នកក៏អាចរំលងបានដែរ ចាំដាក់ពេលក្រោយ)។ ប្រសិនបើអ្នកភ្ជាប់ Wi-Fi រួចហើយ អ្នកគ្រាន់តែដាក់ឈ្មោះ Email និង Password រួចចុច Next ។
៤ ចូលទៅបិទមុខងារ មិនប្រើការ
បន្ទាប់ពីបើកគ្រឿង មកដល់ផ្ទាំង Interface ដើមរបស់ទូរសព្ទហើយ រឿងដែលអ្នកគួរធ្វើមុនគេ ត្រូវចូលទៅបិទកម្មវិធីដែលអ្នកគិតថា មិនប្រើសោះ ព្រោះវាធ្វើឲ្យទូរសព្ទអ្នកសល់កន្លែងដាក់កម្មវិធីបានច្រើន ហើយទូរសព្ទអ្នកដំណើរការរលូន។ ដោយចូលទៅ Setting-> Apps-> Application List-> Disable App(ចាប់ពី Android 6 ឡើងទៅអាចខុសគ្នាបន្តិច)។
៥ Update OS ឡើងទៅជំនាន់ចុងក្រោយ
បន្ទាប់ពីបិទកម្មវិធីមិនចាំបាច់រួចហើយ អ្នកត្រូវធ្វើយ៉ាងណាឲ្យទូរសព្ទអ្នកស្ថិតនៅជំនាន់ចុងក្រោយ(Android Mashsmallow, Nougat ឬ Oreo)។ ឧទាហរណ៌៖ ចូលទៅ Setting-> About Phone-> System Update ម្យ៉ាងទៀត អ្នកត្រូវចំណាយពេលចូលទៅ Play Store រួចហើយ Update កម្មវិធីមួយៗដែលអ្នកត្រូវប្រើ ដើម្បីឲ្យប្រាកដថា កម្មវិធីនោះស្ថិតនៅជំនាន់ចុងក្រោយដូចទូរសព្ទដែរ។
៦ កំណត់កម្រិតប្រើប្រាស់អ៊ីនធើណិតតាមរយៈស៊ីម
ជាទូទៅបើស៊ីមអ្នក 4G ពេលដាក់រួចវាឡើង 4G តែម្ដង ប៉ុន្តែតំបន់ដែលអ្នករស់នៅ ជួនកាលសេវា 4G មិនទាន់គាំទ្រពេញ 100% នោះទេធ្វើឲ្យអ្នកខាតលុយឥតប្រយោជន៍។ ដូចនេះ អ្នកត្រូវចេះកំណត់ ដោយចូលទៅ Setting-> Connection-> Mobile Network-> Network Mode(យក 3G ឬ 4G)។ ម្យ៉ាងអ្នកអាចចូលទៅ Data Usage-> Data Saver រួចចុចបើកជាការស្រេច។
៧ ចេះកំណត់កម្រិតសុវត្ថិភាពទូរសព្ទ
សំដៅទៅលើការដាក់លេខសម្ងាត់ ជៀសវាងមានគេចុចបិទបើកតាមអំពើចិត្ត ធ្វើឲ្យជាប់កម្មវិធីណាមួយ។ អ្នកអាចកំណត់យកមុខងារ Iris Scanner, Finger print, Face recognition ណាមួយ ដើម្បីការពារទូរសព្ទរបស់អ្នកជាការស្រេច។
ប្រសិនបើប្រិយមិត្តមានចម្ងល់ត្រង់ចំណុចណាមួយ អាចបញ្ចេញមតិនៅខាងក្រោមបាន ក្រុមការងារនឹងស្រាវជ្រាវជូនបន្ថែមទៀត៕
