- 2018-07-27 01:42:02
- ចំណេះដឹង
ចង់បង្កើត Vlog កុំស្ទាក់ស្ទើរ ធ្វើទៅ ថ្ងៃក្រោយគង់តែល្អទេ
- 2018-07-27 01:42:02
- ចំនួនមតិ 0 | ចំនួនចែករំលែក 0
ចង់បង្កើត Vlog កុំស្ទាក់ស្ទើរ ធ្វើទៅ ថ្ងៃក្រោយគង់តែល្អទេ
ចន្លោះមិនឃើញ
Vlog មកពីពាក្យពេញ Video blog ឬ Video log សំដៅទៅដល់ការផលិតវីដេអូពីខ្លួនឯងដូចជាក្នុងព្រឹត្តិការណ៍ ឬសកម្មភាពផ្សេងៗ រួចបង្ហោះចូលទៅក្នុងបណ្ដាញអ៊ីនធឺណិត។ ប្រភេទវីដេអូ Vlog ដែលពេញនិយមបំផុត ច្រើនមានលើគេហទំព័រ YouTube។
+ដើមកំណើតនៃ Vlog
នៅឆ្នាំ ២០០០ លោក Adam Kontras បានបង្ហោះវីដេអូមួយទាក់ទងការជូនដំណឹងដល់មិត្តភ័ក្ដិក៏ដូចជាក្រុមគ្រួសារ ដែលបានផ្លាស់ទីលំនៅទៅទីក្រុង Los Angeles។ នៅខែវិច្ឆិកា Adrian Miles ក៏បង្ហោះវីដេអូស្រដៀងគ្នា ប៉ុន្តែបន្ថែមអក្សរនៅក្នុងរូបភាព ស្របពេលឆ្នាំ ២០០៤ Steve Garfield បានបង្កើតប្លុកផ្ទាល់ខ្លួនមួយសម្រាប់បង្ហោះវីដេអូ Vlog។
ការបង្កើត Vlog ផ្ទុះខ្លាំងនាឆ្នាំ ២០០៥។ ចាប់តាំងពីពេលនោះ មនុស្សជាច្រើនក៏បានបង្វែរការបង្ហោះវីដេអូ Vlog របស់ខ្លួន ចូលទៅគេហទំព័រ YouTube ជំនួសដោយការបង្កើតប្លុកផ្ទាល់ខ្លួន។
+គន្លឹះក្លាយខ្លួនជាអ្នកថតវីដេអូ Vlog
ស្វែងយល់ពីអ្នកកំពុងល្បីខាងថត Vlog តើពួកគេប្រើប្រាស់ឧបករណ៍ណាខ្លះ និងវិធីសាស្ត្រដើម្បីភ្ជាប់វីដេអូទៅកាន់អ្នកទស្សនា?
ចំណាយពេលប៉ុន្មានម៉ោងមុនបើកកាមេរ៉ា ក្នុងការរៀបចំអ្វីដែលត្រូវនិយាយឲ្យបានរលូនតម្រូវការ Tripod ជៀសវាងវីដេអូដែលអ្នកថតពុំមានស្ថិរភាព។
ត្រូវចេះបង្កើតសំណួរទៅកាន់អ្នកទស្សនា ក្នុងគោលដៅធ្វើឲ្យវីដេអូមានការចាប់អារម្មណ៍បន្ថែម។ រកទីតាំងថតដែលទាក់ទាញភ្នែកអ្នកទស្សនា ដូចជាហាងកាហ្វេ ឬកន្លែងកម្សាន្តណាមួយ ឆ្លើយឆ្លង Comment ជាមួយអ្នកទស្សនា ឲ្យមានទំនាក់ទំនងកាន់តែល្អ។
វីដេអូ Vlog ដែលល្អបំផុត មិនចំណាយពេលវែងពេកនោះទេ។ បង្កើត Channel មួយនៅលើគេហទំព័រ YouTube ឬគេហទំព័រដទៃ។ ចាប់ផ្ដើមធ្វើ ដោយកុំគិតថាដំបូងធ្វើមិនបានល្អ ព្រោះទៅថ្ងៃមុខយើងនឹងពង្រឹងខ្លួនឯងដោយមិនដឹងខ្លួន។
