មិន​ថា​ស្មាតហ្វូន​ណា​នោះ​ទេ​ តែងតែ​ជួប​បញ្ហា​គាំង​ ក្រោយ​ទូរសព្ទ​ទទួល​បន្ទុក​ធ្ងន់​ក្នុង​ការ​អនុវត្ត​ការងារ​ តាម​អ្នក​ប្រើប្រាស់​ចង់​បាន​។

ពេល​ iPhone គាំង​ ចុច​អ្វី​មិន​ដើរ​ ការ​បិទ​បើក​ម៉ាស៊ីន​តាម​ធម្មតា​ ប្រហែលជាមិនអាចដំណើរការបានទេ។ ដូច្នេះ​អ្នក​ត្រូវ​បង្ខំ​ឲ្យ​វា​បិទ​បើក​ (Force Restart) តែ​ម្ដង​ កុំ​ភ័យ​នេះ​នឹង​មិន​លុប​ទិន្នន័យ​ចេញ​ពី​ iPhone នោះ​ទេ​។

បិទ​បើក​ លើ​ iPhone 7 ឬ​ 7 Plus

អ្នក​ចុច​ប៊ូតុង​ Power ឬ Side និង​ប៊ូតុង​បន្ថយ​សំឡេង​ ឲ្យ​ជាប់​យ៉ាង​ហោច​ណាស់​ ១០ វិនាទី​ រហូត​ឃើញ​ស្លាក​សញ្ញា​ Apple។

បិទ​បើក​ លើ​ iPhone 6S ជំនាន់​មុន​ៗ​

អ្នក​ចុច​ប៊ូតុង​ Power ឬ Side និង​ប៊ូតុង​ Home ឲ្យ​ជាប់​យ៉ាង​ហោច​ណាស់​ ១០ វិនាទី​ រហូត​អ្នក​ឃើញ​ស្លាក​សញ្ញា​ Apple។

បិទ​បើក​ លើ​ iPhone X ឬ​ iPhone 8

លើ​ iPhone X ឬ​ iPhone 8 ខុស​គ្នា​បន្តិច​ តម្រូវ​ប្រើ​ប៊ូតុង​បី​៖

• ចុច​ប៊ូតុង​ដំឡើង​សំឡេង​ ហើយ​លេង​ចេញ​វិញ​
• ចុច​ប៊ូតុង​បន្ថយ​សំឡេង​ ហើយ​លេង​ចេញ​វិញ​
• ចុច​ប៊ូតុង​ Power ឬ Side ឲ្យ​ជាប់​ រហូត​ឃើញ​អេក្រង់​រលត់​ និង​ពេល​បើក​មក​វិញ​។ អ្នក​អាច​លេង​ដៃ​ចេញ​ពី​ប៊ូតុង​ Power ឬ Side ពេល​ស្លាក​សញ្ញា​ Apple បង្ហាញ​។

វីដេអូ៖

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ

• មុន​ទៅ​ទិញ Smartwatch ប្រើ​ Sabay ប្រាប់​គន្លឹះ​ទិញ​ឲ្យ​ត្រូវ​ចិត្ត​
• ឈ្នះ​ពាន​ដោយ​មិន​ដឹង​ខ្លួន ទោះ​បី​មិនមែន​ជា​វិស្វករ​ផ្នែក​បច្ចេកវិទ្យា​