មានបញ្ហាភ្នែកពេលសម្លឹងអេក្រង់កុំព្យូទ័រយូរ គន្លឹះទាំងនេះអាចជួយបាន

2020-03-17 09:19:40
ចំណេះដឹង

2020-03-17 09:19:40
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សភាគច្រើនពិតជាដឹងថា ការសម្លឹងអេក្រង់កុំព្យូទ័ររយៈពេលយូរធ្វើអោយភ្នែករបស់ពួកគេក្ដៅ នឿយហត់ ឬក៏រលាក ដែលអាចបង្កអោយមានការឈឺចាប់ក្នុងរយៈពេលយូរ។ ទន្ទឹមនឹងហ្នឹង គេក៏ដឹងផងដែរថា ការងារភាគច្រើនគឺតម្រូវអោយអង្គុយនៅពីមុខ និងសម្លឹងកុំព្យូទ័ររាប់ម៉ោង។ ដូច្នេះហើយគួរតែធ្វើរបៀបណា ឬក៏មានវិធីណាដែលអាចជួយការពារពីអាការៈទាំងនេះបាន?

ខាងក្រោមនេះគឺជាវិធីប្រាំយ៉ាង ដែលអាចប្រឆាំងនឹងបញ្ហាផ្លូវកាយ បង្កដោយការសម្លឹងអេក្រង់កុំព្យូទ័របាន។ ការបង្ការទាំងនេះគឺត្រូវបានផ្ដល់អនុសាសន៍ណែនាំដោយអ្នកជំនាញផ្នែកវេជ្ជសាស្ត្រ នៅអង្គការ Vision Council ដែលមានទីតាំងក្នុងសហរដ្ឋអាមេរិក។

@ ប្រិចភ្នែក៖ នៅពេលសម្លឹងទៅកាន់អេក្រង់កុំព្យូទ័រ អ្នកប្រើប្រាស់ភាគច្រើនតែងតែភ្លេចប្រិចភ្នែក ដែលជាហេតុធ្វើអោយភ្នែកក្ដៅ និងស្ងួត។ ប៉ុន្តែវាក៏ជារឿងពិបាកនឹងចងចាំដែរ ដូច្នេះត្រូវព្យាយាម និងប្រាកដថា បានបន្តប្រិចភ្នែក ព្រោះវាជាវិធីដ៏ល្អមួយអាចជួយអ្នកបាន។ វិធីសាមញ្ញមួយផ្សេងទៀតនោះគឺប្រើថ្នាំបន្តក់ភ្នែក (Eyedrops) ព្រោះវាមានប្រយោជន៍ដើម្បីជួយភ្នែកមិនឆាប់ស្ងួត និងឡើងកម្ដៅ។

@ បង្កើនទំហំអក្សរ៖ ការសម្លឹងទៅកាន់អត្ថបទ អក្សរដែលមានទំហំតូចពេកអាចធ្វើអោយអ្នកស្រវាំងភ្នែក និងធ្វើអោយអ្នកឱនមុខកាន់តែជិតទៅកាន់ផ្ទៃអេក្រង់ ដែលនាំអោយអស់កម្លាំង និងឈឺក្បាលជាដើម ដូច្នេះគួរតែព្រីកទំហំអក្សរ និងកម្រិតពន្លឺអោយមានភាពងាយស្រួលក្នុងការមើល។

@ អនុវត្តក្បួន២០-២០-២០៖ បន្ទាប់ពី២០នាទីនៃការសម្លឹងមើលកុំព្យូទ័រ គួរចំណាយពេល២០វិនាទីសម្លឹងទៅកាន់អ្វីផ្សេងទៀត ដែលមានចម្ងាយ២០ហ្វីត (៦០៩សង់ទីម៉ែត្រ)។ ភ្នែករបស់មនុស្សគឺមានសាច់ដុំដែលជួយអោយកែវភ្នែកមានចលនា និងផ្ដោតទៅលើវត្ថុផ្សេងទៀតបាន ប៉ុន្តែបើយើងសម្លឹងទៅកាន់ផ្ទៃអេក្រង់នៅចម្ងាយដដែលសម្រាប់រយៈពេលច្រើនម៉ោងក្នុងពេលតែម្ដង សាច់ដុំទាំងនោះមានភាពពិបាកក្នុងការសម្រួលភ្លាមៗនៅពេលយើងចង់ធ្វើចលនាវាម្ដងទៀត ដែលនេះគឺជាមូលហេតុអាចបង្កអោយមានបញ្ហាព្រិលភ្នែក ដូច្នេះដើម្បីការពារវា គឺត្រូវឧស្សាហ៍សម្លឹងមើលអ្វីផ្សេងនៅជុំវិញខ្លួនអោយបានច្រើន។

@ កំណត់ផលប៉ះពាល់នៃពន្លឺព័ណ៌ខៀវ (blue-light) ដែលចេញពីអេក្រង់កុំព្យូទ័រ៖ វាគឺជារឿងពិបាកមួយ ប៉ុន្តែមានវិធីមួយចំនួនអាចជួយបាន។ ធ្វើការងារផ្សេងៗដែលអាចជំនួសការងារធ្វើលើកុំព្យូទ័រ ដូចជាការប្រជុំគួរកត់ត្រានឹងសៀវភៅកុំកត់ត្រានឹងកុំព្យូទ័រ ឬការងារណាដែលអាចធ្វើលើក្រដាសបានធ្វើលើក្រដាសទៅ។ ក្នុងករណីមួយចំនួនផ្សេងទៀតក៏អាចជួបបានដូចជាការប្រើកញ្ចក់ប្រឆាំងពន្លឺ Monitor វ៉ែនតាការពារពន្លឺ និងកម្មវិធីដែលអាច Block ពន្លឺពណ៌ខៀវដែលចេញពីអេក្រង់កុំព្យូទ័រ។

@ ដាក់អេក្រង់ក្នុងទីតាំងដែលត្រឹមត្រូវ៖ រក្សាអេក្រង់ (Monitor) របស់កុំព្យូទ័រនៅរយៈចម្ងាយប្រមាណចាំ៣៥ ទៅ៤០ អ៊ីញ ឬក៏ឆ្ងាយជាងនេះជាមួយនឹងចំណុចកណ្ដាលនៃអេក្រង់គឺត្រូវស្ថិតនៅក្រោមកម្រិតភ្នែកប្រហែលជា៥អ៊ីញ។ ការដាក់អេក្រង់ក្នុងកម្រិតទាបជាងភ្នែក គឺកុំឲ្យអេក្រង់បាញ់ត្រង់មករកភ្នែកពេក ហើយវាផងដែរក៏អាចការពារពីអាការៈឈឺក និងខ្នងបានថែមទៀតផង៕