- 2020-03-12 01:12:38
- ចំណេះដឹង
ពិតទេ COVID-19 ជាហេតុធ្វើឲ្យអ៊ីនធឺណិតមានល្បឿនយឺត?
- 2020-03-12 01:12:38
- ចំនួនមតិ 0 | ចំនួនចែករំលែក 0
ពិតទេ COVID-19 ជាហេតុធ្វើឲ្យអ៊ីនធឺណិតមានល្បឿនយឺត?
ចន្លោះមិនឃើញ
ទន្ទឹមនឹងការផ្ទុះនូវវីរុស COVID-19 ដែលកំពុងរាតត្បាតកាន់តែខ្លាំងឡើងនៅបណ្ដាប្រទេសជាច្រើនក្នុងសកលលោក ក៏មានការងឿងឆ្ងល់ពីមតិមួយចំនួនថាតើវាអាចប៉ះពាល់ឲ្យប្រព័ន្ធអ៊ីនធឺណិតមានល្បឿនយឺតដែរឬទេ?
ចម្លើយយ៉ាងខ្លី គឺមិនទាំងស្រុងទេ តែវាគ្រាន់ធ្វើឲ្យមានភាពរអាក់រអួលយឺតជាងធម្មតាបន្តិចផ្អែកទៅតាមទីតាំងនីមួយៗ។ នោះមិនមែនដោយសារតែហេតុផលអ្វីគួរឲ្យងឿងឆ្ងល់ទេ ពោលដោយសារតែតម្រូវការប្រើប្រាស់ក្នុងគេហដ្ឋានរបស់មនុស្សម្នាក់ៗសម្រុកប្រើប្រាស់ខ្លាំងជាងមុននិងប្រើក្នុងពេលតែមួយ។
ជាការឆ្លើយតបទៅនឹងការតម្រូវឲ្យបុគ្គលិកមួយផ្នែកធំ បំពេញការងារនៅឯផ្ទះផ្ទាល់ ដោយមិនចាំបាច់មកការិយាល័យ និងនិស្សិតតម្រូវឲ្យសិក្សាតាមប្រព័ន្ធ Online ក្រោយមានការបិទសាលា បែបនេះមានន័យថាទំហំប្រើប្រាស់នៅគេហដ្ឋាននីមួយៗគឺសមាជិកគ្រួសារទាំងអស់សុទ្ធសឹងត្រូវការប្រព័ន្ធអ៊ីនធឺណិតជាចាំបាច់។
អ្នកជំនាញផ្នែកបណ្តាញ Network អ្នកស្រី Lisa Pierce បាននិយាយថា៖ "វាចាប់ផ្តើមចុះខ្សោយ មិនខុសពីការធ្វើដំណើរលើផ្លូវ Highway ដែលធ្លាប់តែបើកល្បឿន ៦០ ម៉ាយ/ម៉ោង ចុះមកត្រឹម ២០ ម៉ាយ/ម៉ោងវិញ"។
ស្រដៀងនឹងការពន្យល់ពីលោក Roger Entner អ្នកវិភាគនៅក្រុមហ៊ុន Recon Analytics ប្រាប់ថា៖ "គ្រាន់តែការមើលវីដេអូវាទាញ Traffic ប្រមាណ ៧០ ភាគរយទៅហើយ បែបនេះនៅពេលកូនៗរបស់អ្នករៀនតាម Online នៅពេលសាលាបិទទ្វារ ឬសមាជិកឯទៀតសម្រុកប្រើក្នុងពេលតែមួយនោះវានឹងបង្កើតជាបញ្ហា"៕
អានអត្ថបទ: