ត្រួសៗពីចំណុចខ្លាំងនៃឈីប Snapdragon 865 ត្រៀមប្រើលើស្មាតហ្វូន ២០២០

2019-12-05 07:46:23
ព័ត៌មាន

2019-12-05 07:46:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងអំឡុងព្រឹត្តិការណ៍ Snapdragon Summit នៅរដ្ឋ Hawaii សហរដ្ឋអាមេរិក ក្រុមហ៊ុនផលិតបន្ទះឈីប Qualcomm ក៏បានប្រកាសលម្អិតនូវចំណុចខ្លាំងមួយចំនួនដែលមានលើបន្ទះឈីប Snapdragon 865 ត្រៀមបំពាក់លើស្មាតហ្វូន Android ធុនខ្ពស់សេរ៊ីឆ្នាំ ២០២០។

បន្ទះឈីប SD 865 មានល្បឿនដំណើរការ CPU លឿនជាងមុនដល់ទៅ ២៥ ភាគរយ អាចសន្សំសំចៃថាមពលបានប្រសើរជាងមុន ៣៥ ភាគរយ និងល្បឿនដំណើរការក្រាហ្វិកកាតលឿនជាងមុន ២៥ ភាគរយ នេះបើធៀបនឹងឈីបជំនាន់ចាស់គឺ Snapdragon 855។

បន្ថែមពីនេះសោតវាក៏គាំទ្រការដំណើរការ GPU ជំនាន់ចុងក្រោយ Adreno 650 ដែលគាំទ្រកម្រិតបង្ហាញលើអេក្រង់ QHD+ ល្បឿន 144Hz។ គាំទ្រ Sensor កាមេរ៉ាមេដល់ទៅ 200MP ឬ 25MP (គ្រាប់ភ្លោះ) និងអាចថតវីដេអូកម្រិត 4K នៅលក្ខខណ្ឌ 60fps ឬ 8K នៅលក្ខខណ្ឌ 30fps ជាមួយកម្រិត 720p នៅលក្ខខណ្ឌយឺតល្អដាច់ 960fps ថែមទៀតផង។

រំឭកថាមានស្មាតហ្វូនជាច្រើនរបស់ក្រុមហ៊ុនចិននិងកូរ៉េខាងត្បូង ពោលគឺតួឯកត្រៀមលេចមុខនៅដើមឆ្នាំ ២០២០ គឺ Samsung Galaxy S11 នឹងទទួលបានការបំពាក់នូវឈីប Snapdragon 865 នេះ សម្រាប់បំពេញការលក់នៅក្នុងទីផ្សារអាមេរិក៕

អានអត្ថបទ:

ប្រភព៖ GSMarena ប្រែសម្រួល៖ កៅ រក្សា