- 2019-07-27 00:20:00
- ចំណេះដឹង
តើអ្វីទៅជា Chrome OS ដឹងទេថា OS នេះកើតចេញពីណាអត់?
- 2019-07-27 00:20:00
- ចំនួនមតិ 0 | ចំនួនចែករំលែក 0
តើអ្វីទៅជា Chrome OS ដឹងទេថា OS នេះកើតចេញពីណាអត់?
ចន្លោះមិនឃើញ
ស្ទើរតែគ្រប់ laptops ទាំងអស់ដំណើរការដោយ Windows OS ឬ Mac OS ប៉ុន្តែពពួក laptop ប្រភេទ Chromebook មានលក្ខណៈពិសេសត្រង់ វាដំណើរការប្រព័ន្ធ Chrome OS ដែលផលិតដោយ ក្រុមហ៊ុន Google។ Chrome OS កើតចេញមកពីកម្មវិធីឆែកអ៊ីនធឺណិតឈ្មោះ Google Chrome browser ។
បើនិយាយឲ្យខ្លី Chromebook ជា laptop ដែលដំណើរការដោយ Chrome browser។ Chromebook មិនអាចប្រើកម្មវិធីរបស់ Windows ឬ Mac បានឡើយ ប៉ុន្តែវាអាចបញ្ចូល កម្មវិធីរបស់ Android បាន។ ចំពោះ Chromebooks ស៊េរីថ្មីៗក៏អាចប្រើកម្មវិធីរបស់ Linux បានផងដែរ។
ដោយសារតែ Chrome OS មានលក្ខណៈស្រាលនិងលឿនស្រាប់ ហើយវាពឹងផ្អែកខ្លាំងទៅលើអង្គផ្ទុកទិន្នន័យ cloud កុំព្យូទ័រប្រភេទនេះមិនត្រូវការកម្លាំងម៉ាស៊ីនខ្លាំងប៉ុន្មានទេ។ ហេតុនេះហើយ ដែលធ្វើឲ្យ Chromebook មានតម្លៃធូរថ្លៃជាង កុំព្យូទ័រដំណើរការដោយប្រព័ន្ធដទៃ។
Chrome OS ជាប្រព័ន្ធដ៏មានសុវត្ថិភាពបំផុត ព្រោះវាប្រើបច្ចេកវិទ្យាមួយហៅថា Sandboxing ។ មានន័យថា បើមេរោគណាមួយលួចច្រៀបចូលក្នុងកម្មវិធីណាមួយបាននោះ វានឹងជាប់ក្នុង sandbox របស់កម្មវិធីនោះ ហើយមិនអាចបញ្ចេញទៅក្រៅបានឡើយ។ មេរោគនោះនឹងត្រូវលុបចេញ ពេលអ្នកបិទកម្មវិធីនោះ។
ទោះជាកម្មវិធីមួយចំនួនផ្អែកខ្លាំងទៅលើ web ក៏ដោយក៏វាអាចដំណើរការកម្មវិធីរបស់ Chromebook ផ្ទាល់និងកម្មវិធី Android ដោយមិនត្រូវការអ៊ីនធឺណិតបានដែរ។ មានកម្មវិធី ២០០ ជាង ដែលអាចរត់ offline បាន ហើយកម្មវិធីដូចជា Microsoft Office អាចជំនួសបានដោយ កម្មវិធីផ្សេងទៀត, ដូចជា LibreOffice, Google Office ឬ Office របស់ Android ក៏បានដែរ។
ចំណុចពិសេស ដែល Chromebook មានលើ laptop ដទៃគឺ៖
មានថ្មកាន់បានយូរ ដែលអាចប្រើបានទៅដល់ ៩ ម៉ោងឡើង
ស្តើងស្រាល តែមានល្បឿនលឿននិងតម្លៃសមរម្យ
ប្រព័ន្ធសុវត្ថិភាពខ្ពស់ និងមិនបាត់ឯកសារណាឡើយ បើកុំព្យូទ័រខូច ដោយសារឯកសារលើអ៊ីនធឺណិត
សម្រាប់អ្នកចូលចិត្តលេង Chromebook មិនមែនជាជម្រើសល្អឡើយ ប៉ុន្តែ Google នឹងបញ្ចេញ Stadia ដែលជាកម្មវិធីសម្រាប់ stream ហ្គេមធំៗមួយចំនួនមកលេងបានដែរ
ចំពោះអ្នកចូលចិត្តប្រើឆែកអ៊ីនធឺណិត មើល YouTube, និងប្រើប្រាស់កម្មវិធី Google ផ្សេងៗ Chromebook ជាជម្រើសល្អ ប៉ុន្តែចំពោះអ្នក design ប្រហែលជាមិនពេញចិត្តនិង laptop នេះឡើយ៕