- 2019-04-05 02:19:57
- ព័ត៌មាន
ត្រៀមលុយទៅ! Apple អាចចេញ iPhone XE ថ្លៃ ៦០០ ដុល្លារ មុនចេញ iPhone XI
- 2019-04-05 02:19:57
- ចំនួនមតិ 0 | ចំនួនចែករំលែក 0
ត្រៀមលុយទៅ! Apple អាចចេញ iPhone XE ថ្លៃ ៦០០ ដុល្លារ មុនចេញ iPhone XI
ចន្លោះមិនឃើញ
ប្រភពជិតស្និទ្ធចេញពីរោងចក្រ Foxconn ក្នុងប្រទេសឥណ្ឌាបានបង្ហើបឲ្យដឹងថា Apple មានផែនការណ៍ត្រៀមចេញផ្សាយ iPhone XE ដែលជាជំនាន់ថ្មីវិវត្តចេញពីត្រកូល SE ដែលធ្លាប់ដាក់បង្ហាញកាលពីឆ្នាំ ២០១៦។ នេះបើយោងតាមសារព័ត៌មាន PC Tablet បានចុះផ្សាយ។
ប្រភពបន្តថា iPhone XE នឹងប្រើប្រាស់អេក្រង់ពេញគែមសងខាង រចនាបថដូចត្រកូល X ទំហំ ៤,៨ អ៊ីញ ប្រភេទ OLED។ ប៉ុន្តែខ្នងក្រោយនៅបន្តប្រើសារធាតុអាលុយមីញ៉ូម បែបនេះមិនអាចគាំទ្រប្រព័ន្ធសាកថ្មឥតខ្សែ Qi Wireless បានឡើយ។ ខ្នងក្រោយប្រើកាមេរ៉ាមួយគ្រាប់ទំហំ 12MP ដោយមានបន្ទះឈីប A11 ឬ A12 Bionic តែមិនទាន់លម្អិតច្បាស់ពីកម្លាំងម៉ាស៊ីននិងអង្គផ្ទុក។
ចំពោះតម្លៃសម្រាប់ការផលិតនៅរោងចក្រ Wistron ក្នុងទីក្រុង Bangalore ប្រទេសឥណ្ឌា ធ្លាប់ល្ហិចល្ហៀងកន្លងមកថាត្រកូល SE ជំនាន់ទីពីរនេះអាចថ្លៃប្រហាក់ប្រហែល ៦០០ ដុល្លារ ។ ចំណុចនេះប្រភពក៏មិនអាចបង្ហើបច្បាស់ការ តើ Apple នឹងចាប់ដៃ Wistron ឬ Foxconn ក្នុងការផលិត iPhone XE នេះដែរ ត្បិតអីប្រភពព័ត៌មានទទួលចេញពីក្រុមហ៊ុន Foxconn ក៏ដោយ។
ប្រសិនរបាយការណ៍នេះជាការពិត នោះតាមកាលបរិច្ឆេទចេញផ្សាយ Apple អាចនឹងប្រកាស iPhone XE នាពាក់កណ្តាលឆ្នាំ ២០១៩ ពោលគឺក្នុងព្រឹត្តិការណ៍ WWDC អំឡុងខែមិថុនា៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: